ឡានកុងតឺន័រ២គ្រឿងពន្លះគ្នានៅផ្លូវបំបែកជាបួន
- ភ្នំពេញ
រាជធានីភ្នំពេញ ៖ រថយន្តសណ្តោងកុងតឺន័រ២គ្រឿង ខណៈអ្នកបើកបរខ្វះការប្រុងប្រយ័ត្ននៅចំនុច
រាជធានីភ្នំពេញ ៖ រថយន្តសណ្តោងកុងតឺន័រ២គ្រឿង ខណៈអ្នកបើកបរខ្វះការប្រុងប្រយ័ត្ននៅចំនុច
រាជធានីភ្នំពេញ ៖ រថយន្តសណ្តោងកុងតឺន័រ២គ្រឿង ខណៈអ្នកបើកបរខ្វះការប្រុងប្រយ័ត្ននៅចំនុចផ្លូវបំបែកជាបួន ក៍ជ្រុលទៅបុ.កគ្នាយ៉ាងពេញទំហឹង បណ្តាលឲ្យរងការខូចខាតរថយន្តយ៉ាងដំណំ កាលពីវេលាម៉ោងវេលាម៉ោង៥ល្ងាចថ្ងៃទី៣ ខែតុលា ឆ្នាំ២០២៣ ចំនុចស្តុបក្រវ៉ាត់ក្រុងទី៣ ផ្លូវ៦០ម៉ែត្រ កែងផ្លូវ១០៤ ភូមិគងណយ សង្កាត់គងណយ ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានបានអោយដឹងថា មុនពេលកើតហេតុ គេបានឃើញបុរសម្នាក់ បានបើករថយន្តសណ្តោងកុងតឺន័រ ម៉ាក FUSU ពណ៌បៃតង ពាក់ស្លាកលេខ ភ្នំពេញ 3E-7133 ធ្វើដំណើរតាមតាមបណ្ដោយផ្លូវ៦០ម៉ែត្រ ក្រវ៉ាត់ក្រុងទី៣ ទិសដៅពីត្បូងទៅជើង ខណៈមេឃកំពុងតែធ្លាក់ភ្លៀងខ្លាំង លុះមកចំនុចកើតហេតុ ដែលជាផ្លូវបំបែកជាបួន អ្នកបើកបររថយន្តបានបត់ឆ្វេងឆ្លងឡើងទៅផ្លូវ១០៤ ហើយស្របពេលនោះ ក៏ស្រាប់តែបុរសម្នាក់ទិសដៅ បណ្ដោយសណ្តោងកុងតឺន័រ ម៉ាកFUSU ពាក់ស្លាកលេខ ភ្នំពេញ 3C-7338 តែអត់មានទូរកុងន័រ ធ្វើដំណើរតាមបណ្ដោយផ្លូវ៦០ម៉ែត្រ ទិសដៅបញ្ច្រាសគ្នាពីជើងទៅត្បូងហើយល្បឿនលឿនព្រមទាំងខ្វះការប្រុងប្រយ័ត្ន ក៏ជ្រុលទៅបុ.ក និងរថយន្ត សណ្តោងកុងតឺន័រ កំពុងតែបត់ ចំក្បាលមុខចំហៀងខាងស្តាំយ៉ាងពេញទំហឹង បណ្តាលឲ្យរថយន្តរងការខូចខាតខ្ទេចកាប៊ីនមុខទាំងស្រុង ។
ចំណែករថយន្តដែលអត់មានទូរកុងន័រក៏រងការខូចខាតខ្ទេចកាប៊ីនមុខទាំងស្រុងដូចគ្នា ហើយហេតុការណ៍នេះដែរ អ្នកបើកបររថយន្ត ទាំង២រងរបួសតិចតួច បានគេចចេញទៅបាត់អស់តែម្ដង ដោយបន្សល់ទុករថយន្តទាំង២នៅកន្លែងកើតហេតុ ។
ក្រោយពេលកើតហេតុ មធ្យោបាយទាំង២គ្រឿងត្រូវបានសមត្ថកិច្ចមូលដ្ឋានសហការជាមួយ និងជំនាញចរាចរណ៍ក្រុងអោយមកធ្វើការវាស់វែងស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដំណោះស្រាយនៅពេលក្រោយជាបន្តទៀត ៕
ចែករំលែកព័តមាននេះ