ADផ្ទាំងផ្សព្វផ្សាយពាណិជ្ជកម្ម

Picture

ម៉ូតូ​ពីរ​គ្រឿង​បុកគ្នា​ស្លា.ប់​ម្នាក់​របួស​ធ្ងន់ពីរ​នាក់​នៅស្រុក​កណ្តៀង

14 ឆ្នាំ មុន

ខេត្តពោធិ៍សាត់ ៖ ​គ្រោះ​ថ្នាក់​ចរា​ចរណ៍​មួយ​​ដែល​បង្ក​ឡើង​ដោយ​ម៉ូតូបុក​ជា​មួយ​ម៉ូតូ​បាន​ធ្វើ​ឱ្យ​មនុស្ស​ម្នាក់ស្លា.ប់​នៅ​នឹង​កន្លែង​ និង​២នាក់​ទៀត​រង​របួស​​យ៉ាង​ធ្ងន់ធ្ងរ​​បញ្ជូន​ទៅ​កាន់​មន្ទីរ​ពេទ្យ​​ជាបន្ទាន់ ។ គ្រោះថ្នាក់​ចរា​ចរណ៍នេះ​កើត​ឡើង​​នៅលើផ្លូវ​កៅស៊ូប្របមាត់​ស្ទឹង​ត្រង់​ចំណុច​​ភូមិស្វាយ​ចាន់ ឃុំស្វាយ​លួង ស្រុក​កណ្តៀង ​ខេត្ត​ពោធិ៍​សាត់ ​​

ខេត្តពោធិ៍សាត់ ៖ ​គ្រោះ​ថ្នាក់​ចរា​ចរណ៍​មួយ​​ដែល​បង្ក​ឡើង​ដោយ​ម៉ូតូបុក​ជា​មួយ​ម៉ូតូ​បាន​ធ្វើ​ឱ្យ​មនុស្ស​ម្នាក់ស្លាប់​នៅ​នឹង​កន្លែង​ និង​២នាក់​ទៀត​រង​របួស​​យ៉ាង​ធ្ងន់ធ្ងរ​​បញ្ជូន​ទៅ​កាន់​មន្ទីរ​ពេទ្យ​​ជាបន្ទាន់ ។ គ្រោះថ្នាក់​ចរា​ចរណ៍នេះ​កើត​ឡើង​​នៅលើផ្លូវ​កៅស៊ូប្របមាត់​ស្ទឹង​ត្រង់​ចំណុច​​ភូមិស្វាយ​ចាន់ ឃុំស្វាយ​លួង ស្រុក​កណ្តៀង ​ខេត្ត​ពោធិ៍​សាត់ ​​កាលពីវេលាម៉ោង២ និង​៣០​នាទីរសៀល​ថ្ងៃទី១៥ ឧសភា ​២០១១ ។ ​

តាមប្រភព​ព័ត៌​មាន​ពីមន្ត្រី​ប៉ូលិស​បានឱ្យ​​ដឹង​ថា ​ជន​រង​គ្រោះ​​ដែលស្លាប់​ឈ្មោះ​អាត់ គីនណារ៉ូ​ ភេទ​ប្រុស ​អាយុ​២៧ឆ្នាំ មានទីលំនៅភូមិចំការ​​តាពោរ ​ឃុំស្រែ​ស្តុក ស្រុក​កណ្តៀង ។ ចំណែក​​ពីរ​នាក់ទៀត​​ដែល​រង​របួស​ធ្ងន់ធ្ងរ​នោះ​ម្នាក់​ឈ្មោះ​​ង៉ែត ​ហូវ ​ភេទ​ប្រុស ​អាយុ​២៦ឆ្នាំ ​​មានទី​លំនៅ​ភូមិ​ចំការតាពោរ ​និង​ម្នាក់​ទៀត​​ឈ្មោះសូនី ​ភេទស្រី ​អាយុ​២៣​ឆ្នាំ មានទីលំនៅភូមិ​ស្វាយ​លួង ឃុំស្វាយលួង ស្រុក​កណ្តៀង​​ ។

សាក្សី​ដែល​ឃើញ​ហេតុ​ការណ៍និយាយ​ថា ​មុនពេលកើតហេតុ ​​គេ​ឃើញ​ឈ្មោះង៉ែត ហូវ ជិះ​ម៉ូតូធុនសេ​១២៥ ពណ៌​ខ្មៅ ​ពាក់ស្លាកលេខ​​បាត់ដំបង 1H 5672 ឌុប​ឈ្មោះ​អាត់ ​គីនណារ៉ូ ​ពីជើង​ទៅត្បូង ។​ ទាំ​ង​ពីរ​នាក់​ទំនង​ជា​ស្រវឹង​ស្រាបើកម៉ូតូ​យ៉ាង​លឿន​​រេ​ចង្កូត​តាមថ្នល់ ។ ​លុះ​ទៅ​ដល់​ចំណុច​កើតហេតុបាន​វ៉ា​រថយន្ត​មួយ​គ្រឿង​ ក៏ជ្រុល​ទៅបុក​ឈ្មោះ​សូ នី ដែល​កំពុង​ជិះ​ម៉ូតូគុប៩០បញ្ច្រាស​ទិសគ្នា លាន់​ដូច​រន្ទះ​បណ្តាល​ឱ្យ​​ដួលស្លាប់​​ និងរង​របួស​ទាំង​អស់​គ្នា​រដូក​រណែល​លើ​ថ្នល់តែម្តង ។

​មន្ត្រីប៉ូលិស​បញ្ជាក់​ថា ឈ្មោះអាត់ គីនណារ៉ូ អ្នកជិះ​ពី​ក្រោយ​បានបោក​ក្បាលនឹងថ្នល់ស្លាប់​ភ្លាមៗនៅ​នឹង​កន្លែងកើតហេតុ ។​ ចំណែក​ពីរនាក់​ទៀត​​បែក​ក្បាល​បាក់ជើង​​សន្លប់​បាត់ស្មារតី​រង​របួស​យ៉ាង​ធ្ងន់​ធ្ងរ​ត្រូវ​បាន​បញ្ជូន​ទៅ​កាន់​មន្ទីរ​ពេទ្យ​សង្គ្រោះ​បន្ទាន់ ៕