សន្តិសុខម្នាក់កំពុងបណ្ដើរម៉ូតូតាមផ្លូវ ស្រាប់តែជួបគ្រោះអកុសលម្តុំស្តុបវត្តឫស្សីសាញ់
- ភ្នំពេញ
រាជធានីភ្នំពេញ ៖ រថយន្តកុងតឺន័១គ្រឿងបានបើកបរក្នុងល្បឿនលឿន ហើយបានជ្រុលទៅបុ.ក និង
រាជធានីភ្នំពេញ ៖ រថយន្តកុងតឺន័១គ្រឿងបានបើកបរក្នុងល្បឿនលឿន ហើយបានជ្រុលទៅបុ.ក និងកិ.នបុរសម្នាក់ដែលកំពុងបណ្ដើរម៉ូតូតាមផ្លូវ បណ្ដាលឲ្យបែ.កក្បាលធ្លា.យខួរស្លា.ប់ភ្លាមៗនៅនឹងកន្លែង បន្ទាប់មករថយន្តបង្កហេតុនោះបានបើករត់គេចបាត់ស្រមោលតែម្ដង។
ហេតុការណ៍ខាងលើនេះបានកើតឡើងកាលពីវេលាម៉ោង៨និង៥០នាទីព្រឹកថ្ងៃទី០១ ខែតុលា ឆ្នាំ២០២៣ នៅតាមផ្លូវបេតុងព្រៃស កែងផ្លូវ៥០ម៉ែត្រ ត្រង់ចំណុចភ្លើងស្តុបវត្តឬស្សីសាញ់ ស្ថិតនៅក្នុងភូមិប្រកា សង្កាត់ព្រៃស ខណ្ឌដង្កោ រាជធានីភ្នំពេញ។
បុរសរងគ្រោះរហូតដល់បាត់បង់ជីវិតខាងលើនោះឈ្មោះដាវឡន អាយុ៥៧ឆ្នាំ មុខរបរសន្តិសុខ មានស្រុកកំណើតនៅភូមិស្រីស្នំ សង្កាត់ព្រែកំពឹស ខណ្ឌដង្កោ រាជធានីភ្នំពេញ ។
មានប្រភពចំនួន២បានអះអាងខុសៗគ្នាអំពីហេតុការណ៍គ្រោះថ្នាក់ចរាចរមួយនេះ ដោយប្រភពទី១បាននិយាយថា នៅមុនពេលកើតហេតុ ជនរងគ្រោះបានបណ្ដើរម៉ូតូ១គ្រឿងម៉ាកស៊ុយហ្ស៊ុយគីស្មាស់ ពណ៍ខ្មៅ ពាក់ស្លាកលេខ ភ្នំពេញ 1BC-3334 តាមផ្លូវ៥០ម៉ែត្រ ក្នុងទិសដៅពីត្បូងទៅជើង ដោយពុំដឹងថា ម៉ូតូរបស់ជនរងគ្រោះខូចអ្វីនោះឡើយ ទើបបានជាជនរងគ្រោះបណ្ដើរបែបនេះ ។ លុះដល់ត្រង់ចំណុចកើតហេតុ បានបត់ស្ដាំដៃទៅតាមផ្លូវព្រៃសវិញ ហើយស្របពេលនោះក៏មានរថយន្តកុងតឺន័រ១គ្រឿងបើកបរក្នុងល្បឿនលឿន ក្នុងទិសដៅពីលិចទៅកើតទៅដល់បុ.កនិងកិ.ន បណ្ដាលឲ្យបែ.កក្បាលធ្លា.យខួរស្លា.ប់ភ្លាមៗនៅនឹងកន្លែងតែម្ដង។
ដោយឡែកប្រភពទី២បានប្រាប់ថា នៅមុនពេលកើតហេតុ បុរសរងគ្រោះពុំមែនបណ្ដើរម៉ូតូទេគឺជិះធម្មតា ដោយធ្វើដំណើរតាមផ្លូវ៥០ម៉ែត្រក្នុងទិសដៅពីត្បូងទៅជើង លុះដល់ត្រង់ចំណុចកើតហេតុភ្លើងស្តុបលោតក្រហម គាត់បានឈប់រង់ចាំសិន ។ ខណៈនោះក៏មានរថយន្តកុងតឺន័រ១គ្រឿងបើកបរក្នុងល្បឿនលឿនក្នុងទិសដៅស្របគ្នាទៅដល់បត់ស្ដាំបុ.ក និងកិ.នជនរងគ្រោះទាំងកម្រោល បណ្ដាលឲ្យបែ.កក្បាលធ្លា.យខួរស្លា.ប់ភ្លាមៗនៅនឹងកន្លែងបែបនេះ។
តាមប្រភពដដែលបានប្រាប់ឲ្យដឹងបន្តទៀតថា ក្រោយពេលបើកបុ.កនិងកិ.ន បណ្ដាលឲ្យមនុស្សស្លា.ប់ហើយ រថយន្តកុងតឺន័របង្កហេតុនោះបានបើកទៅកាន់ផ្លូវ២១៧ ហៅផ្លូវចំការដូងគេចបាត់បាត់ដោយសុវត្ថិភាព ។ ដោយឡែកកម្លាំងនគរបាលខណ្ឌដង្កោ និងនគរបាលការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះទៅអន្តរាគមន៍ សម្រួលចរាចរនៅកន្លែងកើតហេតុនិងធ្វើការស្រាវជ្រាវរកអត្តសញ្ញាជនរងគ្រោះ ដើម្បីឲ្យក្រុមគ្រួសារទៅទទួលយកធ្វើបុណ្យតាមប្រពៃណី។ មិនតែប៉ុណ្ណោះនគរបាលក៏កំពុងធ្វើការស្រាវជ្រាវតាមរយៈកាមេរ៉ាសុវត្ថិភាពដែលបំពាក់នៅជិតនោះស្វែងរករថយន្តកុងតឺន័រ១គ្រឿងខាងលើនោះ ដើម្បីនាំយកមកឲ្យទទួលខុសត្រូវលើឧប្បត្តិហេតុមួយនេះផងដែរ ប៉ុន្តែអ្វីដែលសំខាន់នោះគឺពុំដឹងថា រថយន្តនេះស្ថិតនៅក្នុងផែស្ងួតមួយណាទ ហើយថាតើនគរបាលអាចរកឃើញឬអត់នោះឡើយ ៕
ចែករំលែកព័តមាននេះ