រាជធានីភ្នំពេញ ៖ ផ្ទះ១ខ្នងសាងសង់ពីឈើខាងលើ និងបន្ទប់ថ្មក្រោម ត្រូវបានភ្លើងឆាបឆេះអស់ទាំងស្រុង ហើយអ្វីដែលគួរឲ្យសង្វេគបំផុតនោះ គឺបណ្ដាលឲ្យបុរសចំណាស់ដែលជាម្ចាស់ផ្ទះម្នាក់ស្លាប់នៅក្នុងអណ្អាតភ្លើង ចំពោះមូលហេតុនៃការឆាបឆេះ គឺនៅពុំទាន់ដឹងច្បាស់នៅឡើយ ។…
រាជធានីភ្នំពេញ ៖ ផ្ទះ១ខ្នងសាងសង់ពីឈើខាងលើ និងបន្ទប់ថ្មក្រោម ត្រូវបានភ្លើងឆាបឆេះអស់ទាំងស្រុង ហើយអ្វីដែលគួរឲ្យសង្វេគបំផុតនោះ គឺបណ្ដាលឲ្យបុរសចំណាស់ដែលជាម្ចាស់ផ្ទះម្នាក់ស្លាប់នៅក្នុងអណ្អាតភ្លើង ចំពោះមូលហេតុនៃការឆាបឆេះ គឺនៅពុំទាន់ដឹងច្បាស់នៅឡើយ ។
ហេតុការណ៍ខាងលើបានកើតឡើង បង្កឲ្យមានការភ្ញាក់ផ្អើល កាលពីវេលាម៉ោង២៣និង៤០នាទីយប់ថ្ងៃទី២៩ ខែកញ្ញា ឆ្នាំ២០២៣ ស្ថិតនៅតាមផ្លូវបេតុងភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
បុរសម្ចាស់ផ្ទះដែលស្លាប់នោះ ឈ្មោះ ឡាច សាម៉ុន អាយុ៥៨ឆ្នាំ ជាមន្ត្រីយោធាចូលនិវត្តន៍ ចំណែកឯផ្ទះរបស់គាត់ដែលត្រូវភ្លើងឆេះអស់ទាំងស្រុង ជាប្រភេទសំណង់ឈើលើថ្មក្រោមទំហំ៦ម៉ែត្រគុណនឹង១២ម៉ែត្រ ហើយទ្រព្យសម្បត្តិ និងសម្ភារប្រើប្រាស់នៅក្នុងផ្ទះជាច្រើនក៏ត្រូវភ្លើងឆេះអស់ដែរ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ បុរសរងគ្រោះបានដេកនៅក្នុងបន្ទប់លើផ្ទះ ប៉ុន្តែបន្ទប់គាត់អត់ជាប់សោទេ គឺបិទតែទ្វារធម្មតាប៉ុណ្ណោះ ប៉ុន្តែបានបិទទ្វារខាងមុខខ្ទាស់គន្លឹះជាប់ ចំណែកសមាជិកគ្រួសារផ្សេងទៀតបានដេកនៅក្នុងបន្ទប់ខាងក្រោម ។ លុះដល់ពេលកើតហេតុ ស្រាប់តែមានភ្លើងឆេះចេញពីផ្នែកជញ្ជាំងខាងក្រោយខាងលើផ្ទះ ភ្លាមៗនោះកូនៗបាននាំគ្នាឡើងទៅស្រែកហៅដាស់បុរសរងគ្រោះដែលជាឪពុកឲ្យក្រោក និងយកសោទៅចាក់ទ្វារដើម្បីជួយឪពុកដែរ ។ ប៉ុន្តែដោយសារតែភ្លើងឆេះពេញបន្ទុកទៅហើយ ទើបចាក់មិនបានរហូតអ្នកភូមិជួយគាស់ទ្វារនោះទៀតនៅគាស់ពុំបាន ហើយបុរសជាឪពុកត្រូវបានភ្លើងឆេះស្លាប់យ៉ាងអាណោចអាធ័មបំផុត ។
ឧប្បត្តិហេតុគ្រោះអគ្គិភ័យនេះ នៅពុំទាន់មានការអះអាងឲ្យបានច្បាស់ថា បណ្ដាលមកពីមូល
ហេតុអ្វីនៅឡើយទេ ដោយប្រភពមួយបានសង្ស័យថា បណ្ដាលមកពីម្ចាស់ផ្ទះអុជទៀន និងធូបសែននំព្រះខែ ហើយភ្លេចមើលបណ្ដាលឲ្យមានការឆាបឆេះតែម្ដង ដោយឡែក ប្រភពមួយទៀតបានដាក់ការសង្ស័យថា បណ្ដាលមកពីការឆ្លងចរន្តអគ្គិសនី។ក្រោយពីមានហេតុការណ៍នេះកើតឡើង អាជ្ញាធរនិងសមត្ថកិច្ចនគរបាលបាននាំយករថយន្តពន្លត់អគ្គិភ័យចំនួន១២គ្រឿង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យពន្លត់អគ្គិភ័យរាជធានីភ្នំពេញចំនួន០៨គ្រឿង ,រថយន្តពន្លត់អគ្គិភ័យកងពលតូចលេខ៧០ ចំនួន៤គ្រឿងចេញទៅពន្លត់ទើបមិនឆេះឆ្លងដល់ផ្ទះអ្នកផ្សេងឡើយ ។
ចែករំលែកព័តមាននេះ