ខេត្តត្បូងឃ្មុំ៖ ដើម្បីឧទ្ទិសបួងសួងសុំសុខសន្តិភាពដ៏ត្រកាលជូនដល់ព្រះរាជាណាចក្រកម្ពុជា
ព្រះសង្ឃ អាជ្ញាធរ ប្រជាពលរដ្ឋ រួមទាំងអ្នកពាក់ព័ន្ធជាច្រើនអង្គ/នាក់ បានប្រារព្ធពិធីចម្រើនព្រះបរិត្ត ប្រកាសសច្ចកិរិយា និងផ្សាយមេត្តាចិត្តយ៉ាងអធិកអធមនិងពោរពេញដោយសេចក្ដីជ្រះថ្លា។

យោងតាមការផ្សាយរបស់រដ្ឋបាលខេត្ត​ឃ្មុំ បានឱ្យដឹងថាពិធីកម្មសាសនានេះ ត្រូវបានប្រារព្ធធ្វើឡើង នៅបរិវេណវត្តវិហាទន្ទឹម ស្ថិតក្នុងសង្កាត់សួង ក្រុងសួង ខេត្តត្បូង​ កាលពីថ្ងៃទី១៩ ខែធ្នូ ឆ្នាំ២០២៥។

នៅក្នុងបរិយាកាសដ៏ស្ងប់សុខនេះ សំឡេងធម៌សូត្រមន្តបានបន្លឺឡើងជាសក្ខីភាពនៃឆន្ទៈរួមរបស់ប្រជាពលរដ្ឋ និងពុទ្ធបរិស័ទ ដែលចង់ឃើញមាតុភូមិជួបតែសេចក្ដីសុខ ក្ដីស្រឡាញ់ និងការយោគយល់គ្នាពីគ្រប់ទិសទី។ កិច្ចវឌ្ឍនៈសាសនានេះមិនត្រឹមតែជាការបំពេញបុណ្យកុសលតាមបែបបទព្រះពុទ្ធសាសនាប៉ុណ្ណោះទេ ប៉ុន្តែវាក៏ជាសារសន្តិភាពយ៉ាងសំខាន់ដែលបញ្ជាក់ពីការរួមកម្លាំងសាមគ្គីភាព និងការប្រើប្រាស់មេត្តាធម៌ជាគ្រឹះក្នុងការកសាងសុខដុមរមនាសម្រាប់ជាតិខ្មែរទាំងមូល។ រាល់កិច្ចប្រារព្ធទាំងឡាយក្នុងពិធីនេះ គឺផ្ដោតសំខាន់លើការផ្សព្វផ្សាយនូវក្ដីមេត្តាចិត្តដែលជាឱសថដ៏ស័ក្ដិសិទ្ធិសម្រាប់បន្សាបនូវរាល់ជម្លោះ និងនាំមកនូវភាពត្រជាក់ត្រជុំដល់ប្រជាជាតិ៕
​