សុខភាព៖ យោងតាមការចុះផ្សាយរបស់សារព័ត៌មានបរទេសបានបង្ហាញឱ្យឃើញថា ការទម្លាប់ផឹកទឹកភ្លាមៗបន្ទាប់ពីក្រោកពីដំណេកនាពេលព្រឹកព្រលឹម គឺជាវិធីសាស្ត្រដ៏មានប្រសិទ្ធភាពបំផុតក្នុងការបណ្ដេញជាតិពុលចេញពីរាងកាយ។

ជាការពិតណាស់ ក្នុងអំឡុងពេលដែលយើងកំពុងសម្រាកនាពេលរាត្រី រាងកាយរបស់យើងបានបំពេញមុខងារយ៉ាងសកម្មក្នុងការជួសជុលកោសិកាដែលខូចខាត និងប្រមូលផ្ដុំជាតិពុលផ្សេងៗដើម្បីត្រៀមបញ្ចេញមកក្រៅវិញ។

នៅពេលដែលយើងទទួលទានទឹកនៅពេលព្រឹក វានឹងជួយជំរុញឱ្យដំណើរការបញ្ចេញចោលនូវរាល់កាកសំណល់ និងជាតិពុលទាំងនោះឱ្យកាន់តែលឿន និងស្អាតល្អ ដែលជាហេតុធ្វើឱ្យយើងមានអារម្មណ៍ថាស្រស់ស្រាយ មានកម្លាំងមាំមួន និងមានស្បែកភ្លឺថ្លា។ លើសពីនេះ ការផឹកទឹកពេលពោះទទេក៏ជួយជំរុញដល់ប្រព័ន្ធមេតាប៉ូលីស និងប្រព័ន្ធរំលាយអាហារឱ្យដំណើរការបានប្រសើរជាងមុនពេញមួយថ្ងៃផងដែរ ហេតុនេះការចាប់ផ្ដើមថ្ងៃថ្មីជាមួយទឹកស្អាតមួយកែវ គឺជាជម្រើសដ៏ឆ្លាតវៃបំផុតសម្រាប់សុខភាពរាងកាយទាំងមូល។
​

បញ្ជាក់៖ ព័ត៌មាននេះផ្តល់ជូនសម្រាប់តែជាចំណេះដឹងទូទៅប៉ុណ្ណោះ។ ប្រសិនបើលោកអ្នកមានបញ្ហាសុខភាព ឬអាការៈមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕