ទីបំផុត លោក សំ សំណាង ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៨ ខែកញ្ញា ឆ្នាំ២០២៣ បានសម្រេចចេញដីកាឃុំខ្លួនក្មេងស្រីជើងរន្ទះម្នាក់ ដាក់ពន្ធនាគារជាបណ្តោះអាសន្ន ខណៈសមត្ថកិច្ចកំពុងតែស្វែងរកចាប់ខ្លួនបក្សពួក៣នាក់ទៀត
រាជធានីភ្នំពេញ ៖ ទីបំផុត លោក សំ សំណាង ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៨ ខែកញ្ញា ឆ្នាំ២០២៣ បានសម្រេចចេញដីកាឃុំខ្លួនក្មេងស្រីជើងរន្ទះម្នាក់ ដាក់ពន្ធនាគារជាបណ្តោះអាសន្ន ខណៈសមត្ថកិច្ចកំពុងតែស្វែងរកចាប់ខ្លួនបក្សពួក៣នាក់ទៀតដែលកំពុងរត់គេចខ្លួន។
ដីកាបង្គាប់ឲ្យឃុំខ្លួនជនត្រូវចោទខាងលើនេះ មានឈ្មោះ គ្រុយ ស្រីលាភ អាយុ១៥ឆ្នាំ ដាក់ឲ្យស្ថិតនៅក្រោមការពិនិត្យពីបទ.ហិ.ង្សាដោយចេតនាមានស្ថានទម្ងន់ទោស (ព្រួតគ្នាវា.យ) ដែលប្រព្រឹត្តិនៅចំណុចផ្ទះសំណាក់លេខ៣៤២ ផ្លូវលេខ២៧១ ស្ថិតក្នុងភូមិ៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ កាលពីថ្ងៃទី១២ ខែកញ្ញា ឆ្នាំ២០២៣ តាមបញ្ញត្តិមាត្រា២១៨ នៃក្រមព្រហ្មទណ្ឌ ។
បើយោងតាមមាត្រា២១៨ អំពើហិ.ង្សាដោយមានស្ថានទម្ងន់ទោស ត្រូវផ្តន្ទាទោសដាក់ពន្ធនាគារចាប់ពី២ឆ្នាំទៅ៥ឆ្នាំ និងពិន័យជាប្រាក់ចាប់ពី៤លានទៅ១០លានរៀល ។ ដីកាបានបង្គាប់ឲ្យភ្នាក់ងារមានសមត្ថកិច្ច នៃកម្លាំងសាធារណៈ ធ្វើការនាំខ្លួនជនត្រូវចោទឈ្មោះ គ្រុយ ស្រីលាភ យកទៅឃុំខ្លួននៅពន្ធនាគាររាជធានីភ្នំពេញ (PJ) ដោយអនុវត្តឲ្យបានត្រឹមត្រូវតាមច្បាប់ ។
សូមជម្រាបថា តាមបទបញ្ជាពីឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងមានការដឹកនាំបញ្ជាផ្ទាល់ពីលោកឧត្តមសេនីយ៍ត្រី លី ប៊ុនអេង ស្នងការរងទទួលដឹកនាំការិយាល័យ កាលពីថ្ងៃទី២៤ ខែកញ្ញា ឆ្នាំ២០២៣ កម្លាំងការិយាល័យជំនាញព្រហ្មទណ្ឌកម្រិតស្រាលរាជធានីភ្នំពេញ បានធ្វើការស្រាវជ្រាវ រហូតឈានទៅដល់ការឃាត់ខ្លួនក្មេងស្រីជើងរន្ទះម្នាក់ ក្នុងចំណោមបក្សពួកចំនួន៤នាក់ នៅចំណុចមុខផ្សារព្រែកតូច ស្ថិតក្នុងឃុំព្រែកតាគង់ ស្រុកស្អាង ខេត្តកណ្តាល ពាក់ព័ន្ធករណីប្រើអំពើហិ.ង្សា ព្រួតគ្នាយកដៃ និងជើងវា.យទា.ត់ធា.ក់ទៅលើជនរងគ្រោះដែលជាមិត្តភក្តិ បណ្តាលឲ្យរងរបួសឈឺចុកចាប់ពេញដងខ្លួន ព្រោះតែរឿងចោទប្រកាន់គ្នាថា «លួ.ចស្បែកជើង» ។
ជនសង្ស័យខាងលើនេះ មានឈ្មោះ គ្រុយ ស្រីលាភ អាយុ១៥ ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវបេតុង ស្ថិតក្នុងភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ។ ចំណែកជនរងគ្រោះវិញ មានឈ្មោះ យ៉េន សុនីតា ភេទស្រី អាយុ១៤ឆ្នាំ មានទីលំនៅផ្ទះជួល ស្ថិតក្នុងសង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ មុខរបរនៅផ្ទះ ដោយមានស្លាកស្នាមរបួសជាំភ្នែកស្តាំ ជាំត្រចៀកឆ្វេង និងចុកពោះខាងឆ្វេង។
សូមជម្រាបថា កាលពីថ្ងៃទី១២ ខែកញ្ញា ឆ្នាំ២០២៣ វេលាម៉ោង០៦ព្រឹក មានករណីអំពើហិ.ង្សាមួយបានកើតឡើង ដោយក្មេងស្រីជើងរន្ទះមួយក្រុមមានគ្នា៤នាក់ ព្រួតគ្នាយកដៃ និងជើង វា.យទា.ត់ធា.ក់ទៅលើជនរងគ្រោះម្នាក់ បណ្តាលឲ្យរងរបួសឈឺចុកចាប់ពេញដងខ្លួន ប្រព្រឹត្តនៅចំណុចផ្ទះសំណាក់លេខ៣៤២ ផ្លូវលេខ២៧១ ស្ថិតក្នុងភូមិ៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
បន្ទាប់ពីមានហេតុការណ៍នោះកើតឡើង សមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ បានធ្វើការស្រាវជ្រាវ និងឃាត់ខ្លួនជនបង្កម្នាក់ គឺឈ្មោះ គ្រុយ ស្រីលាភ នេះ ។ ពេលឃាត់ខ្លួនជនសង្ស័យបានសារភាពនៅចំពោះមុខសមត្ថកិច្ចថា «អ្នកធ្វើសកម្មភាពវា.យជនរងគ្រោះទាំងអស់៤នាក់ ក្នុងនោះគឺ ៖ ១- ឈ្មោះ គ្រុយ ស្រីលាភ ភេទស្រី អាយុ១៥ឆ្នាំ (រូបគេ), ២- ឈ្មោះ ស្រីលី ភេទស្រី អាយុប្រហែល១៦ឆ្នាំ (គេចខ្លួន), ៣- ឈ្មោះ ស្រីរ៉ា ភេទស្រី អាយុប្រហែល១៦ឆ្នាំ (គេចខ្លួន) និង៤- ឈ្មោះ ស្រីយូ ភេទស្រី អាយុប្រហែល១៦ឆ្នាំ (គេចខ្លួន)»។
ជនសង្ស័យបន្តថា «ដើមចមបណ្តាលឲ្យកើតមានអំពើហិ.ង្សានោះ គឺកាលពីថ្ងៃទី៥ ខែកញ្ញា ឆ្នាំ២០២៣ ជនរងគ្រោះ និងជនសង្ស័យជាមិត្តភក្តិនឹងគ្នាទាំងអស់មានចំនួន៧នាក់ ពួកគេនាំគ្នាទៅជួលបន្ទប់ផ្ទះសំណាក់កន្លែងកើតហេតុចំនួន២បន្ទប់ គឺលេខ២០៤ និងលេខ២០៥ ជាន់ទី២ ស្នាក់នៅ ។ រហូតដល់ថ្ងៃទី១២ ខែកញ្ញា ឆ្នាំ២០២៣ វេលាម៉ោងប្រហែល០១យប់ ជនរងគ្រោះ និងជនសង្ស័យក៏បានជួលបន្ទប់ចំនួន២ទៀត គឺបន្ទប់លេខ២១១ និងបន្ទប់២០៨ សរុបចំនួន៤បន្ទប់»។
ជនសង្ស័យបន្តថា «ពេលជួលបន្ទប់ដេកហើយ ជនរងគ្រោះបានចុះទៅទិញស្រាបៀរចំនួន៦កំប៉ុង ដើម្បីយកមកផឹកស៊ីទាំងអស់គ្នា ខណៈពេលកំពុងផឹកជនរងគ្រោះបាននិយាយ ហើយនិយាយទៀតថា «ស្រីលី លួ.ចស្បែកជើងអ.ញមែនទេ» តែសម្ដីនេះមិនមានអ្នកណាឆ្លើយតបអ្វីឡើយ។ លុះពេលផឹកស្រាបៀរអស់ហើយ ពួកគេក៏នាំគ្នាដេកតាមបន្ទប់រៀងៗខ្លួនទៅ។ ដោយឡែកជនរងគ្រោះទៅដេកនៅបន្ទប់លេខ២០៥ ជាមួយឈ្មោះ ស្រីយូ រហូតដល់វេលាម៉ោង៦ព្រឹក ទើបជនរងគ្រោះចេញពីបន្ទប់របស់ខ្លួន រួចបានទៅគោះទ្វារបន្ទប់ដែលឈ្មោះ ស្រីលី និងឈ្មោះ ស្រីរ៉ា កំពុងដេក ទើបធ្វើឲ្យពួកគេទាំងពីរនាក់បានទៅហៅខ្លួន (គ្រុយ ស្រីលាភ) ដែលកំពុងដេកនៅបន្ទប់លេខ២១១ ដើម្បីមកជួបជុំគ្នានៅបន្ទប់របស់ជនរងគ្រោះដែលកំពុងដេកជាមួយឈ្មោះ ស្រីយូ»។
ជនសង្ស័យបន្តទៀតថា «ពេលទៅដល់ ឈ្មោះ ស្រីលី បានសួរទៅជនរងគ្រោះថា «ហេតុអ្វីបានជាចោ.ទថា អ.ញលួ.ចស្បែកជើង? ហើយជនរងគ្រោះនៅតែនិយាយដដែលៗថា «ស្រីលី ជាអ្នកលួ.ចស្បែកជើងរបស់ខ្លួន» ទើបពេលនោះពួកគេទាំង៤នាក់ក៏ស្ទុះចូលទៅវា.យទា.ត់ធា.ក់លើជនរងគ្រោះចំក្បាល ត្រចៀកខាងឆ្វេង ចំ.ពោះ និងផ្ទៃមុខ រួចស្រែកគំរា.មថា «ហេតុអីបានជាចោ.ទថា អ.ញលួ.ចស្បែកជើងរបស់ង៉ែ.ង»។ ភ្លាមៗនោះ ឈ្មោះ ស្រីយូ ក៏បានយកទូរស័ព្ទដៃមកថតពីសកម្មភាពដែលពួកគេព្រួតគ្នាវា.យទៅលើជនរងគ្រោះ រួចហើយក៏នាំគ្នាចូលទៅដេកតាមបន្ទប់វិញទៅ»។
ក្រោយពីស្តាប់ចម្លើយសារភាពរបស់ជនសង្ស័យ និងផ្នែកលើពាក្យបណ្តឹងរបស់ជនរងគ្រោះ ពាក់ព័ន្ធអំពើហិ.ង្សាដោយមានស្ថានទម្ងន់ទោស នៅព្រឹកថ្ងៃទី២៦ ខែកញ្ញា ឆ្នាំ២០២៣ សមត្ថកិច្ចបានកសាងសំណុំរឿងបញ្ជូនជនសង្ស័យទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីនៃច្បាប់៕
ចែករំលែកព័តមាននេះ