ADផ្ទាំងផ្សព្វផ្សាយពាណិជ្ជកម្ម

Picture

នាយក​រដ្ឋមន្ត្រី​កម្ពុជា​-​ថៃ​ ទទួល និង​ប្រគល់​មជ្ឈមណ្ឌល​សំចត និង​ទទួល​ជន​រង​គ្រោះ​ដោយសារ​ការ​ជួញដូរ

9 ខែ មុន

រាជធានី​ភ្នំពេញ ​៖ ​បន្ទាប់​ពី​ជួប​ពិភាក្សា​ការងារ​ទ្វេភាគី​រួច​ សម្តេច​មហា​បវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា និង​លោក សេដ្ឋា ថា​វី​ស៊ី​ន…

រាជធានី​ភ្នំពេញ ​៖ ​បន្ទាប់​ពី​ជួប​ពិភាក្សា​ការងារ​ទ្វេភាគី​រួច​ សម្តេច​មហា​បវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា និង​លោក សេដ្ឋា ថា​វី​ស៊ី​ន នាយក​រដ្ឋមន្ត្រី​ថៃ បាន​អញ្ជើញ​ទទួល និង​ប្រគល់​មជ្ឈមណ្ឌល​សំចត និង​ទទួល​ជន​រង​គ្រោះ ​ដោយសារ​ការ​ជួញដូរ ​។

​ការ​ទទួល​ប្រគល់ ​ធ្វើ​ឡើង​នា​ព្រឹក​ថ្ងៃទី​២៨ ខែកញ្ញា ឆ្នាំ​២០២៣ ​នៅ​វិមាន​សន្តិភាព ដែលមជ្ឈមណ្ឌល​នេះ ត្រូវ​បាន​សាងសង់​ឡើង ​ក្រោម​ល​ជំនួយ​របស់​រាជរដ្ឋាភិបាល​ថៃ ដែល​មាន​តម្លៃ​ជាង ២,៣​លានដុល្លារ​អា​មេ​រិ​ក​។ មជ្ឈមណ្ឌល​សំចត​សម្រាប់​ជន​រង​គ្រោះ​ ដោយ​អំពើ​ជួញដូរ​មនុស្ស ក្រុម​ងាយ​រង​គ្រោះ​ នៅ​ក្រុងប៉ោយ​ប៉ែ​ត ត្រូវ​បាន​សាងសង់​ឡើង​ នៅ​ថ្ងៃ​ទី​១៥ ខែសីហា ឆ្នាំ​២០២២ ​។

ការ​បង្កើត​ឱ្យ​មាន​មជ្ឈមណ្ឌល​សំចត និង​ទទួល​ជន​រង​គ្រោះ ​ដោយសារ​ការ​ជួញដូរ​នេះ ជា​ការ​បង្ហាញ​ឱ្យ​ឃើញ​នូវ​ស្មារតី​រាជរដ្ឋាភិបាល​ប្រទេស​ទាំង​ពីរ ក្នុង​ការ​ចូលរួម​ប្រយុទ្ធ​ប្រឆាំង​នឹង​ការ​ជួញដូរ​មនុស្ស និង​ការ​ជួញដូរ​កម្លាំង​ពលកម្ម​។ ជា​ពិសេស ​ជួយ​ដល់​ពលរដ្ឋ​រង​គ្រោះ ពី​ការ​ជួញដូរ​នេះ​។

បន្ទាប់​ពី​ចប់​ជំនួប​ទ្វេភាគី​ហើយ​នោះ នៅ​រសៀលថ្ងៃ​ទី​២៨ ខែកញ្ញា ឆ្នាំ​២០២៣​នេះ លោក សេដ្ឋា ថា​វី​ស៉ី​ន នាយក​រដ្ឋមន្ត្រី​ថ្មី​របស់​ថៃ បាន​អញ្ជើញ​ចូលរួម​ពិធីជប់លៀង​ផ្លូវការ ​រៀបចំ​ដោយសម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា នៅ​វិមាន​សន្តិភាព ​។

សូម​ជម្រាប​ថា ​លោក សេដ្ឋា ថា​វី​ស៊ី​ន បាន​អញ្ជើញ​មក​ដល់​ប្រទេស​កម្ពុជា នៅ​ព្រឹក​ថ្ងៃ​ទី​២៨ ខែកញ្ញា ឆ្នាំ​២០២៣ ដើម្បី​បំពេញ​ទស្សនកិច្ច​ផ្លូវការ​លើក​ដំបូង បន្ទាប់​ពី​លោក បាន​ចូល​កាន់តំណែង​ជា​នាយក​រដ្ឋមន្ត្រី​ថ្មី ​របស់​ថៃ​ ។

ក្នុង​អំឡុង​ទស្សនកិច្ច​ផ្លូវការ​នៅ​កម្ពុជា នាយក​រដ្ឋមន្ត្រី​ថៃ​រូប​នេះ មានកម្ម​វិធី​មួយ​ចំនួន ​ដូច​ជា ការ​ដាក់​កម្រងផ្កា​គោរព​វិញ្ញាណក្ខន្ធ​ នៅ​វិមាន​ឯករាជ្យ​, អញ្ជើញ​គោរព​ព្រះ​វិញ្ញាណក្ខន្ធ «​ព្រះ​បរម​រតន​កោដ្ឋ​», ជំនួប​ទ្វេភាគី​ជាមួយសម្តេច​ធិ​បតី ហ៊ុន ម៉ា​ណែ​ត​, ចូល​ជួប​សម្តែង​ការ​គួរសម​ដាច់​ដោយឡែក​ចំពោះសម្តេច​វិបុល​សេនា​ភក្តី សាយ ឈុំ ប្រមុខរដ្ឋ​ស្តីទី​, សម្តេច​អគ្គ​មហា​សេនាបតី​តេ​ជោ ហ៊ុន សែន ប្រធាន​ក្រុម​ឧត្តម​ប្រឹក្សា​ផ្ទាល់​ព្រះមហាក្សត្រ និង​សម្តេច​មហារដ្ឋសភា​ធិ​ការ ធិ​បតី ឃួ​ន សុ​ដា​រី ប្រធានរដ្ឋសភា​ជាដើម​ ។

ដំណើរ​ទស្សនកិច្ច​ផ្លូវការ​លើក​ដំបូង​របស់នាយក​រដ្ឋមន្ត្រី សេដ្ឋា ថា​វី​ស៊ីន មក​កាន់​កម្ពុជា ជា​ពង្រឹង​បន្ថែម​ទៀត​ នូវ​ចំណងមិត្តភាព​ជា​ប្រពៃណី និង​លើកកម្ពស់​កិច្ច​សហប្រតិបត្តិការ​ពហុ​វិស័យ រវាង​ប្រទេស​ទាំង​ពីរ ស្រប​តាម​ស្មារតី ​នៃ «​ការ​ពង្រឹង​ភាព​ជា​ដៃគូ​ ដើម្បី​សន្តិភាព និង​វិបុល ភាព​» ដែល​ផ្តល់​ផលប្រយោជន៍​ទៅ​វិញ​ទៅ​មក សម្រាប់​ប្រជាជន ​នៃ​ប្រទេស​ទាំង​ពីរ ព្រមទាំង​រួមចំណែក​ដល់​ការ​លើកកម្ពស់​សន្តិភាព ស្ថិរភាព និង​វិបុលភាព ក្នុង​សហគមន៍​អាស៊ាន និង​អន្តរជាតិ​៕​

អត្ថបទសរសេរ ដោយ