ខេត្តមណ្ឌលគិរី ៖ យ៉ាងហោចណាស់ កុមារ២នាក់បងប្អូនត្រូវបានបាត់ខ្លួនម្នាក់ដោយមិនទាន់រកឃើញ ហើយម្នាក់ទៀតត្រូវគេជួយសង្គ្រោះទាន់ពេល ក្នុងហេតុការគ្រោះថ្នាក់ដោយលង់ទឹក ខណៈកុមារ២នាក់បងប្អូននេះបានដើរឆ្លងលើបន្ទះឈើដែលគេធ្វើសំរាប់ដើរឆ្លងអូរមួយមានទឹកកំពុងហូរ ស្ថិតនៅចំណុចអូរឆ្លូង ក្នុងភូមិ-ឃុំស្រែខ្ទុម ស្រុកកែវសីមា…
ខេត្តមណ្ឌលគិរី ៖ យ៉ាងហោចណាស់ កុមារ២នាក់បងប្អូនត្រូវបានបាត់ខ្លួនម្នាក់ដោយមិនទាន់រកឃើញ ហើយម្នាក់ទៀតត្រូវគេជួយសង្គ្រោះទាន់ពេល ក្នុងហេតុការគ្រោះថ្នាក់ដោយលង់ទឹក ខណៈកុមារ២នាក់បងប្អូននេះបានដើរឆ្លងលើបន្ទះឈើដែលគេធ្វើសំរាប់ដើរឆ្លងអូរមួយមានទឹកកំពុងហូរ ស្ថិតនៅចំណុចអូរឆ្លូង ក្នុងភូមិ-ឃុំស្រែខ្ទុម ស្រុកកែវសីមា ខេត្តមណ្ឌលគិរី កើតឡើងកាលពីវេលារសៀលថ្ងៃត្រង់ថ្ងៃទី២៦ កញ្ញា ២០២៣ ។
បើតាមសេចក្តីរាយការណ៍នៅព្រឹកថ្ងៃទី២៨ កញ្ញា នេះថា កុមាររងគ្រោះដែលបានបាត់ខ្លួនពុំទាន់រកឃើញមានឈ្មោះសាន់ ណាគ្រី អាយុ៦ឆ្នាំ ជនជាតិព្នង មានទីលំនៅក្បែរកន្លែងកើតហេតុ ចំណែកកុមារីជាប្អូន ដែលរួចផុតជីវិតបានតោងមែកប្ញស្សី ហើយត្រូវអ្នកភូមិជួយ ។
គួរបញ្ជាក់ថា ភ្លៀងនៅតែបន្តធ្លាក់ពីមធ្យមទៅច្រើន នៅក្នុងមូលដ្ឋានស្រុកកែវសីមានេះ ហើយទឹកអូរឆ្លូង ជាអូរមួយដែលមានជម្រៅជាង១០ម៉ែត្រ ហើយថ្ងៃកើតហេតុជម្រៅទឹកអូរនេះ មានប្រហែលជម្រៅ៥ម៉ែត្រ អមដោយសម្រះ និងមែកប្ញស្សីស្អេកស្កះដុះអមមាត់អូរ ដែលពិបាកក្នុងការរាវរកកុមាររងគ្រោះ ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ