ទាហានអាមេរិករត់ចូលដែនដីកូរ៉េខាងជើង ត្រូវបញ្ជូនទៅស្រុកវិញ
ប្រទេសកូរ៉េខាងជើង-អាមេរិក ៖ អ្នកទទួលខុសត្រូវជាន់ខ្ពស់អាមេរិកម្នាក់ប្រកាសនាថ្ងៃទី២៧កញ្ញា
ប្រទេសកូរ៉េខាងជើង-អាមេរិក ៖ អ្នកទទួលខុសត្រូវជាន់ខ្ពស់អាមេរិកម្នាក់ប្រកាសនាថ្ងៃទី២៧កញ្ញាថា ក្រោយពីបាត់ដំណឹងសូន្យឈឹងចាប់តាំងពីជាង២ខែមកហើយ ទីបំផុតទាហានអាមេរិកម្នាក់ឈ្មោះTRAVIS KING ដែលរត់ចូលដោយខុសច្បាប់ក្នុងដែនដីកូរ៉េខាងជើង ពីកូរ៉េខាងត្បូងមកនោះ ពេលនេះបានស្ថិតក្នុងដៃសហរដ្ឋអាមេរិកហើយ។
អ្នកទទួលខុសត្រូវរូបនេះដែលមិនបញ្ចេញឈ្មោះ បញ្ជាក់ប្រាប់បណ្ដាអ្នកកាសែតថា ខ្ញុំមានដំណឹងល្អមួយប្រាប់ដល់លោកអ្នក។ ខ្ញុំអាចអះអាងថាទាហានអាមេរិកTRAVIS KING កំពុងស្ថិតក្នុងដៃរបស់យើងហើយ។ សេចក្ដីថ្លែងការណ៍នេះធ្វើឡើងប៉ុន្មានម៉ោងបន្ទាប់ពីទីភ្នាក់ងារព័ត៌មានកូរ៉េខាងជើងKCNA គូសបញ្ជាក់ថា ក្រុងព្យុងយ៉ាងត្រៀមចាប់បណ្ដេញទាហានរូបនេះត្រឡប់ទៅស្រុកវិញ។
អាយុ៣២ឆ្នាំទាហានអាយុ២៣ឆ្នាំរូបនេះកាលពីដំបូង ត្រូវបញ្ចូនពីកូរ៉េខាងត្បូងមកកាន់សហរដ្ឋអាមេរិក ប្រឈមមុខនឹងការដាក់ពិន័យយោធា តែគេបានរត់ឆ្លងដែនចូលមកកូរ៉េខាងជើងកាលពីថ្ងៃទី១៨កក្កដា ពេលបន្លំខ្លួនក្នុងចំណោមអ្នកទេសចរមួយក្រុម មកទស្សនាតំបន់ព្រំដែនរវាងកូរ៉េទាំង២។ ទាហានរូបនេះជាប់គុក២ខែនៅកូរ៉េខាងត្បូងបន្ទាប់ពីបង្កជម្លោះក្នុងបារមួយ និងការប្រទូស្តរ៉ាយជាមួយប៉ូលិស។
ដោយឆ្លងកាត់ព្រំដែនរវាងកូរ៉េទាំង២ TRAVIS KING ដែលជាទាហានស្បែកខ្មៅម្នាក់និយាយថា រូបគេស្វែងរកគេចចេញពីការរើសអើងពូជសាសន៍ក្នុងកងទ័ពអាមេរិក។ ពេលចូលក្នុងដែនដីកូរ៉េខាងជើងរូបគេត្រូវជាប់ឃុំឃាំងនៅទីនោះ។ ឧប្បត្តិហេតុនេះអាចបំពុលថែមទៀតដល់ទំនាក់ទំនង រវាងអាមេរិកនិងកូរ៉េខាងជើង ខណៈក្រុងព្យុងយ៉ាងជាច្រើនលើក បានឃុំឃាំងជនជាតិអាមេរិក ហើយប្រើប្រាស់ពួកគេជាថ្នូរដោះដូរ។ ប៉ុន្តែកាសែតញូវយ៉កថែមគូសបញ្ជាក់ថា វាជារឿងខុសធម្មតា ដែលលើកនេះកូរ៉េខាងជើងបែរជាចាប់បណ្ដេញ ទាហានអាមេរិកនោះដែលស្នើសុំសិទ្ថិជ្រកកោនចេញទៅវិញ៕
ចែករំលែកព័តមាននេះ