ឧបទ្វីបកូរ៉េកំពុងស្ថិតលើមាត់ជ្រោះនៃសង្គ្រាមនុយក្លេអ៊ែរ
ប្រទេសកូរ៉េខាងជើង ៖ កាលពីថ្ងៃទី២៦ កញ្ញា តំណាងកូរ៉េខាងជើងប្រចាំ អ.ស.ប ថ្លែងគូរ
ប្រទេសកូរ៉េខាងជើង ៖ កាលពីថ្ងៃទី២៦ កញ្ញា តំណាងកូរ៉េខាងជើងប្រចាំ អ.ស.ប ថ្លែងគូរ
ឲ្យស្រៀវឆ្អឹងខ្នងថា ឧបទ្វីបកូរ៉េកំពុងស្ថិតលើមាត់ជ្រោះនៃសង្គ្រាមនុយក្លេអ៊ែរ ។
ឯកអគ្គរដ្ឋទូតកូរ៉េខាងជើងប្រចាំ អ.ស.ប លោកគីមសុង ថ្លែងថា ឥរិយាបថគ្មានការពិចារ
ណារបស់អាមេរិក ទទួលខុសត្រូវមួយផ្នែកដល់សភាពការណ៍បែបនេះ ។ បណ្ដាសកម្មភាពគ្មានការ
ប្រុងប្រយ័ត្ននិងវោហារសាសន៍ជាបន្តរបស់សហរដ្ឋអាមេរិកនិងបណ្ដាសម្ព័ន្ធមិត្ត ទាក់ទិននឹងការប្រឈមមុខដាក់គ្នាខាងនុយក្លេអ៊ែរ កំពុងនាំឧបទ្វីបកូរ៉េទៅកាន់សភាពការណ៍យោធាស្ថិតដល់
មាត់ជ្រោះនៃសង្គ្រាមនុយក្លេអ៊ែរ ។
ដោយលើកពីនយោបាយរបស់ក្រុងវ៉ាស៊ីនតោននៅអាស៊ីភាគឦសាន តំណាងកូរ៉េខាងជើងរូបនេះបានបរិហារថា សភាពការណ៍បច្ចុប្បន្នពិតជាគ្រោះថ្នាក់ ដោយសារតែអាមេរិកបំពេញមហិច្ឆតាអនុន្តរភាពរបស់ខ្លួន ដោយប្រើគ្រប់មធ្យោបាយអាងលើកម្លាំងរបស់ខ្លួន ។
តំណាងកូរ៉េខាងជើងរូបនោះក៏ទម្លាក់ការទទួលខុសត្រូវចំពោះសភាពការណ៍គ្រោះថ្នាក់បច្ចុប្បន្ន លើកូរ៉េខាងត្បូងផងដែរ ដែលលោកថាស្វែងរកមធ្យោបាយនុយក្លេអ៊ែរប្រឆាំងប្រជាជាតិខ្លួន ។
កូរ៉េខាងត្បូងកាលពីថ្ងៃទី២៦ កញ្ញា បានធ្វើព្យុហយាត្រាយោធាដ៏ធំពុំធ្លាប់មានចាប់តាំងពី១០ឆ្នាំមកហើយ ដោយមានការចូលរួមរបស់ទាហានខ្លួនជិត៤០០០នាក់ និងទាហានអាមេរិក៣០០នាក់ ខណៈកំពុងមានភាពតានតឹងកាន់តែខ្លាំងនៅឧបទ្វីបកូរ៉េ ។ ក្នុងព្យុហយាត្រាយោធាដ៏ធំសម្បើមនោះ មានការហែក្បួនរថក្រោះដល់ជិត១៧០គ្រឿង បណ្ដាមីសីុលនិងដ្រូន ។ យន្តហោះចម្បាំងកូរ៉េខាងត្បូង ក្នុងនោះមានយន្តហោះប្រយុទ្ធបំបាំងកាយធុន F-35 ហោះហើរសម្ដែងប្ញទ្ធិលើផ្ទៃអាកាសក្រុងសេអ៊ូលដែរ ៕
ចែករំលែកព័តមាននេះ