ADផ្ទាំងផ្សព្វផ្សាយពាណិជ្ជកម្ម

Picture

ត្រឹម​១​យប់​! ជំនន់​ទឹកភ្លៀង​លិច​ផ្លូវជាតិ និង​ផ្លូវ​បេតុង​​ជា​ច្រើន​កន្លែង​នៅ​ក្រុង​ប៉ោយ​ប៉ែ​ត (​វី​ដេ​អូ​)

7 ខែ មុន
  • បន្ទាយមានជ័យ

បន្ទាប់​ពី​ព្រះ​ភិ​រុណ​បាន​បង្អុរ​ធ្លាក់​ចុះ​ជា​បន្តបន្ទាប់ កាលពី​យប់​ថ្ងៃ​ទី​២៦ និង​ឈាន​ដល់​វេលា​ទៀប​ភ្លឺ​ថ្ងៃ​ទី​២៧ ខែកញ្ញា ឆ្នាំ​២០២៣​នេះ ជំនន់​ទឹកភ្លៀង​បាន​កើត​មាន​ធ្វើ​ឲ្យ​លិច​ផ្លូវជាតិ និង​ផ្លូវ​បេតុង​ជា​ច្រើន​កន្លែង

ខេត្តបន្ទាយមានជ័យ ៖ បន្ទាប់​ពី​ព្រះ​ភិ​រុណ​បាន​បង្អុរ​ធ្លាក់​ចុះ​ជា​បន្តបន្ទាប់ កាលពី​យប់​ថ្ងៃ​ទី​២៦ និង​ឈាន​ដល់​វេលា​ទៀប​ភ្លឺ​ថ្ងៃ​ទី​២៧ ខែកញ្ញា ឆ្នាំ​២០២៣​នេះ ជំនន់​ទឹកភ្លៀង​បាន​កើត​មាន​ធ្វើ​ឲ្យ​លិច​ផ្លូវជាតិ និង​ផ្លូវ​បេតុង​ជា​ច្រើន​កន្លែង ស្ថិត​នៅ​ក្នុងភូមិ​សាស្ត្រ​ទីប្រជុំជន​ក្រុង​ប៉ោយ​ប៉ែ​ត​។

ហើយ​ផ្លូវ​បេតុង​មួយ​ចំនួន​ស្ទើរតែ​មិន​អាច​ធ្វើ​ចរាចរណ៍​បាន ដោយសា​ទឹក​ជ្រៅ​ពេក ខណៈ​ផ្លូវជាតិ​លេខ​៥ ចាប់ពី​ចំណុច​ផ្លូវ​ចូល​វិទ្យាល័យ​អូរ​ជ្រៅ ជិត​ដល់​ផ្លូវ​ចូល​ស្តង់​តា​ងួ​ន ស្ថិត​ក្នុង​សង្កាត់​ប៉ោយ​ប៉ែ​ត ក៏​មាន​ជំនន់​ទឹកភ្លៀង​លិចលង់​ផង​ដែរ ប៉ុន្តែ​មិន​ជ្រៅ​ដូច​កាលពី​អំឡុង​ជំនន់​ទឹកភ្លៀង​លិចលង់​ប៉ុន្មាន​ឆ្នាំ​មុន​នោះ​ទេ​។

ចំពោះ​រថយន្ត​ធំ​ៗ​ដែល​ភាគច្រើន​ដឹក​ខ្សាច់ និង​ថ្ម ចូល​ក្រុង​ប៉ោយ​ប៉ែ​ត ក៏​ត្រូវ​បាន​អាជ្ញាធរ​បញ្ជា​ឲ្យ​កម្លាំង​ទប់ស្កាត់​នៅ​ចំណុច​ផ្លូវបំបែក ចូល​ផ្លូវ​ស្តង់​តា​ងួ​ន ដើម្បី​ចៀសវាង​បំផ្លាញ​ផ្លូវ និង​រង​ការ​រិះគន់​ពី​ប្រជាពលរដ្ឋ​។

លោក គាត ហ៊ុ​ល អភិបាលក្រុង​ប៉ោយ​ប៉ែ​ត មិន​អាច​ទាក់ទង​សុំ​ការ​អត្ថាធិប្បាយ​ពាក់ព័ន្ធ​ករណី​ជំនន់​ទឹកភ្លៀង​ខាងលើ​បាន​ទេ ដោយសារ​ទូរស័ព្ទ​របស់​លោក​ចុច​មិន​ចូល​។

ទោះបីជា​យ៉ាងណា​ក៏​ដោយ បើ​តាម​របាយការណ៍​សមត្ថកិច្ច បាន​ប្រាប់​ឲ្យ​ដឹង​ថា គ្រោះ​ធម្មជាតិ​ខាង​លើ​នេះ មិន​បាន​បង្ក​គ្រោះថ្នាក់​ដល់​អាយុជីវិត​មនុស្ស ឬ​សត្វ​ឡើយ​។ ហើយ​ថា នេះ​គ្រាន់​ជា​ជំនន់​ទឹកភ្លៀង​ដែល​ធ្លាក់​ខ្លាំង ហើយ​ទឹក​ហូរ​ចុះ​ពី​អូរ​ព្រំដែន​មិន​ទាន់​តែ​ប៉ុណ្ណោះ​។ ហើយ​និយាយ​ទៀត​ថា ពេល​នេះ អាជ្ញាធរ​កំពុង​តែ​យក​គ្រឿងចក្រ ស្វះស្វែង​ចូក​កាយ​នៅ​ចំណុច​សំខាន់​ៗ ដើម្បី​រំដោះ​ទឹក​ចេញពី​ទីប្រជុំជន​មួយ​នេះ​ហើយ​។

របាយការណ៍​បញ្ជាក់​ទៀត​ថា ទឹកអូរ​ព្រំដែន ដែល​បាន​ឡើង​ដល់​មាត់ច្រាំង ប៉ុន្តែ​មិន​បង្ក​លិចលង់​ដល់​លំនៅ​ដ្ឋា​ន​របស់​អ្នក​ភូមិ​ជាប់​ៗ​ព្រំដែន​ខាងត្បូង​ផ្លូវជាតិ​លេខ​៥ ឡើយ​៕

អត្ថបទសរសេរ ដោយ

កែសម្រួលដោយ