រាជធានីភ្នំពេញ ៖ មន្ត្រីជាន់ខ្ពស់ក្រសួងការបរទេស និងសហប្រតិបត្តិការអន្តរជាតិ បានអះអាងថា នៅបរិវេណ នៃកិច្ចប្រជុំអង្កការសហប្រជាជាតិមានភាពតឹងតែងខ្លាំងណាស់ មិនអាចអនុញ្ញាតឲ្យមានបាតុកម្មណាមួយនោះទេ ពិសេសនោះ ក្រុមបាតុកម្មរបស់ប្រឆាំងនៅក្រៅប្រទេស…
រាជធានីភ្នំពេញ ៖ មន្ត្រីជាន់ខ្ពស់ក្រសួងការបរទេស និងសហប្រតិបត្តិការអន្តរជាតិ បានអះអាងថា នៅបរិវេណ នៃកិច្ចប្រជុំអង្កការសហប្រជាជាតិមានភាពតឹងតែងខ្លាំងណាស់ មិនអាចអនុញ្ញាតឲ្យមានបាតុកម្មណាមួយនោះទេ ពិសេសនោះ ក្រុមបាតុកម្មរបស់ប្រឆាំងនៅក្រៅប្រទេស មើលមិនឃើញនោះទេ ។
ឯកឧត្តម ហ្សង់ហ្វ្រង់ស័រ តាន់ (Jean-Francois Tain) រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងកាបរទេសបានលើកក្នុងសន្នីសិទសារព័ត៌មាន នាព្រឹកថ្ងៃទី២៥ ខែកញ្ញា ឆ្នាំ២០២៣ នៅព្រលានយន្តអន្តរជាតិភ្នំពេញ បានបញ្ជាក់យ៉ាងដូច្នេះថា៖ «ខ្ញុំសូមនិយាយរឿងពិតមួយចុះ រយៈពេល៣ថ្ងៃ នៃកិច្ចប្រជុំអង្កការសហប្រជាតិ មានការដាក់សន្តិសុខយាម តឹងតាំងខ្លាំងណាស់ ខ្ញុំមើលមិនឃើញក្រុមបាតុករ ធ្វើបាតុកម្មនោះទេ» ។
ឯកឧត្តម បានលើកឡើងថា សូមគិតថា ក្រុមបាតុករនៅអាមេរិក ត្រូវបានគេវាស់ដីឲ្យដើរ មិនមែនចេះតែដើរស្រែកធ្វើបាតុកម្មប៉ាតណា ប៉ាតណី នោះទេ។ ក្រុមបាតុករនេះ គឺមិនមែន តែបាតុករខ្មែរនោះទេ គឺមានបាតុករមកពីបណ្តាប្រទេសនានា ដូចជា វៀតណាម ចិន ជាដើម។ ដូច្នេះហើយ ខ្ញុំមិនអាចមើលឃើញនោះទេ។ ប៉ុន្តែតាមការផ្សព្វព័ត៌មានលើកឡើងថា មានបាតុករប្រហែល១០០នាក់ ដោយអ្នកខ្លះទើបសាកល្បងធ្វើបាតុកម្ម ដោយបញ្ចេញនូវសារដែលរូបគេមិនពេញចិត្ត ។
ឯកឧត្តមរដ្ឋលេខាធិការ បានលើកឡើងថា តាំងពីឆ្នាំ១៩៥៣ មក មិនដែលមានទស្សនកិច្ចផ្លូវការថ្នាក់ដឹកនាំណាមួយរបស់អាមេរិក មកលើទឹកដីកម្ពុជានោះទេ។ កាលពីឆ្នាំ២០១២ មានវត្តមានរបស់លោក បារ៉ាក់ អូបាម៉ា មកដើម្បីចូលរួម នៃកិច្ចប្រជុំអាស៊ានបូក ។ ហើយកាលពីឆ្នាំ២០២២ លោក ចូ ប៉ៃឌិន បានមកកម្ពុជា តែមកមិនមែនដើម្បីទស្សនកិច្ច នោះទេ តែមកចូលរួមកិច្ចប្រជុំអាស៊ានបូក និងកិច្ចប្រជុំអាស៊ីបូព៌ា ៕
ចែករំលែកព័តមាននេះ