ឆ.ក់កាបូបអ្នកគ្រូពេទ្យបានសម្រេច រួចជិះម៉ូតូគេចជ្រុលទៅបុ.កម៉ូតូអ្នកដំណើរផ្សេងទៀត ដួ.លស្លា.ប់ខ្លួនឯង
- ភ្នំពេញ
រាជធានីភ្នំពេញ ៖ ជនសង្ស័យម្នាក់បានស្លា.ប់ភ្លាមៗនៅនឹងកន្លែង ក្រោយពេលធ្វើសកម្មភាពឆ.ក់
រាជធានីភ្នំពេញ ៖ ជនសង្ស័យម្នាក់បានស្លា.ប់ភ្លាមៗនៅនឹងកន្លែង ក្រោយពេលធ្វើសកម្មភាពឆ.ក់កាបូបពីអ្នកគ្រូពេទ្យម្នាក់បានសម្រេច រួចព្យាយាមជិះម៉ូតូគេចខ្លួន ប៉ុន្តែត្រូវបានអ្នកគ្រូពេទ្យជិះដេញតាមនិងស្រែកថា«ចោរៗ» បង្កឲ្យមានការភ្ញាក់ផ្អើលពេញដងផ្លូវនិងមានអ្នកដំណើរជាច្រើននាក់ជួយដេញតាមផង ជាហេតុធ្វើឲ្យជនសង្ស័យរូបនោះភ័.យស្ល.ន់ស្លោ ព្យសយាមបន្ថែមល្បឿនកាន់តែលឿនគេចខ្លួន លុះបានចម្ងាយប្រមាណជាង១គីឡូម៉ែត្រប៉ុណ្ណោះ ក៏ជ្រុ.លទៅបុ.កជាមួយម៉ូតូអ្នកដំណើរ១គ្រឿងកំពុងឆ្លងផ្លូវ រួចជ្រុលទៅបុ.កម៉ូតូ១គ្រឿងទៀតដែលកំពុងបើកបញ្ច្រាសទិសគ្នា បណ្តាលឲ្យជនសង្ស័យរូបនោះដួលបោ.កក្បាលស្លា.ប់ភ្លាមៗមួយរំពេច ចំណែកបុរស២នាក់ទៀតដែលជាអ្នកដំណើរត្រូវជនសង្ស័យជិះម៉ូតូបុ.កនោះបានរងរបួសធ្ងន់ធ្ងរដែរ។
ហេតុការណ៍ខាងលើនេះបានកើតឡើងកាលពីវេលាម៉ោង៧និង៣៥នាទីព្រឹកថ្ងៃទី២៥ ខែកញ្ញា ឆ្នាំ២០២៣ នៅតាមមហាវិថីសហព័ន្ធរុស្ស៊ី ស្ថិតនៅក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យខាងលើនោះពុំទាន់ត្រូវបានស្គាល់ឈ្មោះនៅឡើយទេ មានអាយុប្រមាណជាង២០ឆ្នាំ ជិះម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ភ្នំពេញ 1JA-5458 ។ ចំណែកអ្នកគ្រូពេទ្យរងគ្រោះដោយសកម្មភាពឆ.ក់កាបូបខាងលើនេះឈ្មោះ សាំង សុនីតា អាយុ៣៤ឆ្នាំ មានទីលំនៅភូមិអូរដឹម សង្កាត់ចោមចៅទី៣ ខណ្ឌពោធិ៍សែនជ័យ ហើយនៅក្នុងកាបូបរបស់គាត់នោះមានសម្ភារៈពេទ្យ ទូរស័ព្ទដែ និងលុយមួយចំនួនព្រមទាំងបាយផងដែរ។
អ្នកគ្រូពេទ្យបានប្រាប់ឲ្យដឹងថា នៅមុនកើតហេតុ គាត់បានជិះម៉ូតូ១គ្រឿងម៉ាកហុងដាវ៉េវ ពណ៌ខ្មៅ ពាក់ស្លាកលេខ ភ្នំពេញ 1JE-6152 ចេញពីផ្ទះទៅធ្វើការងារ ដោយធ្វើដំណើរតាមផ្លូវជាតិលេខ៤ ក្នុងទិសដៅពីលិចទៅកើត។ លុះពេលទៅដល់ត្រង់ចំណុចខាងក្រោមស្ពានអាកាសចោមចៅ ស្ថិតនៅក្នុងភូមិកើតហេតុខាងលើ ស្រាប់តែជនសង្ស័យម្នាក់នោះជិះម៉ូតូពីក្រោយ រួចធ្វើសកម្មភាពឆ.ក់យកកាបូបដែលគាត់ដាក់នៅរានកណ្ដាលម៉ូតូរួចជិះគេចខ្លួនយ៉ាងលឿន។
អ្នកគ្រូពេទ្យបានប្រាប់ឲ្យដឹងបន្តទៀតថា ខណៈនោះគាត់បានជិះដេញតាមនិងស្រែកថាចោរៗ បង្កឲ្យមានការភ្ញាក់ផ្អើល ហើយអ្នកដំណើរក៏បានជួយដេញតាមដែរ រហូតដល់ភូមិព្រៃទា២ សង្កាត់ចោមចៅទី៣ ជនសង្ស័យបានជ្រុលទៅបុ.កម៉ូតូអ្នកដំណើរ២គ្រឿងជាបន្តបន្ទាប់ បណ្ដាលឲ្យដួ.លបោ.កក្បា.លស្លា.ប់ខ្លួនឯងតែម្ដង។
តាមប្រភពពីកន្លែងកើតហេតុបានឲ្យដឹងថា ក្រោយឆ.ក់កាបូបពីអ្នកគ្រូពេទ្យបានសម្រេចរួច ជនសង្ស័យបានជិះម៉ូតូលឿនណាស់ជ្រែគេជ្រែឯងគ្រប់គ្នា ហើយដោយសារតែភ័យនិងអ្នកគ្រូពេទ្យស្រែកថា«ចោរៗ»ផង និងឃើញអ្នកដំណើរដេញតាមច្រើនពេកផង ក៏បានជ្រុលទៅម៉ូតូ១គ្រឿងម៉ាកហុងដាBeat ពណ៌ស ពាក់ស្លាកលេខ ភ្នំពេញ 1KG-6670 ជិះដោយបុរសម្នាក់កំពុងឆ្លងផ្លូវក្នុងទិសដៅពីជើងទៅត្បូង ។ ប៉ុន្តែមិនទាន់ដួលភ្លាមទេ ម៉ូតូក៏ផ្លាតជ្រុលទៅបុ.កម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ភ្នំពេញ 1CW-4236 ដែលបើកបរដោយបុរសម្នាក់កំពុងធ្វើដំណើរបញ្ច្រាស់ទិសគ្នា ក្នុងទិសដៅពីកើតទៅលិច បណ្ដាលឲ្យដួលទាំងអស់គ្នា ហើយជនសង្ស័យបានបោកក្បាលស្លា.ប់ភ្លាមៗនៅនឹងកន្លែង។
ដោយឡែកបុរសអ្នកជិះម៉ូតូហុងដាBeat និងធុនសេ១២៥រងរបួសធ្ងន់ បន្ទាប់មកត្រូវបានបញ្ជូនទៅកាន់មន្ទីពេទ្យដើម្បីសង្គ្រោះបន្ទាន់ រីឯអ្នកគ្រូពេទ្យរងគ្រោះ ក៏បានជិះម៉ូតូទៅកាន់កន្លែងដែលជនសង្ស័យដួលស្លា.ប់និងបានយកកាបូបរបស់ខ្លួនបានមកវិញផងដែរ ។
ក្រោយពេលកើតហេតុ នគរបាលប៉ុស្តិ៍ចោមចៅទី៣និងនគរបាលព្រហ្មទណ្ឌខណ្ឌពោធិ៍សែនជ័យបានចុះទៅកាន់កន្លែងកើតហេតុ រួចនាំយកសាកសពជនសង្ស័យទៅតម្កល់ទុកនៅវត្តក្បែរនោះដើម្បីធ្វើកោសល្យវិច័យនិងស្រាវជ្រាវរកអត្តសញ្ញាណ ព្រមទាំងក្រុមគ្រួសារនាំយកទៅធ្វើបុណ្យតាមប្រពៃណី៕
ចែករំលែកព័តមាននេះ