អគ្គិភ័យឆាបឆេះបង្គោលភ្លើងក្បែរហាង២.៥០០រៀលយ៉ាងសន្ធោសន្ធៅ (វីដេអូ)
- បន្ទាយមានជ័យ
អគ្គិភ័យបានឆាបឆេះបង្គោលភ្លើងក្បែរហាង២៥០០រៀលយ៉ាងសន្ធោសន្ធៅ បង្កឱ្យមានការភ្ញាក់ផ្អើល
អគ្គិភ័យបានឆាបឆេះបង្គោលភ្លើងក្បែរហាង២៥០០រៀលយ៉ាងសន្ធោសន្ធៅ បង្កឱ្យមានការភ្ញាក់ផ្អើល
ខេត្តបន្ទាយមានជ័យ ៖ អគ្គិភ័យបានឆាបឆេះបង្គោលភ្លើងក្បែរហាង២៥០០រៀលយ៉ាងសន្ធោសន្ធៅ បង្កឱ្យមានការភ្ញាក់ផ្អើល កាលពីវេលាយប់ ថ្ងៃទី២២ ខែកញ្ញា ឆ្នាំ២០២៣ ស្ថិតនៅក្នុងភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត មូលហេតុដោយសារតែខ្សែភ្លើងដូចសម្បុកពីងពាង ទើបបង្កឱ្យមានការឆាបឆេះបែបនេះ។
បើតាមប្រជាពលរដ្ឋ បានប្រាប់ឱ្យដឹងថា នៅពេលដែលឆ្លងចន្តរអគ្គិសនីបង្កឱ្យក្លាយជាអណ្ដាតភ្លើងឆាបឆេះបង្គោលភ្លើងក្បែរហាង២៥០០រៀលយ៉ាងសន្ធោសន្ធៅ បង្កឱ្យមានការភ្ញាក់ផ្អើលដល់បងប្អូបប្រជាពលរដ្ឋ និងមានការព្រួយបារម្ភយ៉ាងខ្លាំង ព្រោះថា បង្គោលភ្លើងដែលឆាបឆេះនេះ គឺនៅក្បែរហាង និងមានទឹកដក់នៅលើដងផ្លូវទៀត ទើបបងប្អូនប្រជាពលរដ្ឋមិនហ៊ានយកបំពង់ពន្លត់អគ្គិភ័យទៅបា.ញ់ពន្លត់ឡើយ ព្រោះខ្លាចដាច់ខ្សែភ្លើងធ្លាក់ទៅលើទឹក ជាហេតុអាចបង្កឱ្យមានគ្រោះថ្នាក់គ្រប់ពេលវេលាបាន។
ចំណែកមន្ត្រីនគរបាលប៉ុស្តិ៍រដ្ឋបាលប៉ុស្តិ៍អូរជ្រៅ បានបញ្ជាក់ប្រាប់ដែរថា ក្រោយពីអគ្គិភ័យបានឆាបឆេះបង្គោលភ្លើង ក្បែរហាង២៥០០រៀល ប្រជាពលរដ្ឋមានការបារម្ភខ្លាចឆេះរាលដាលកាន់ខ្លាំង និងនាំឱ្យមានគ្រោះថ្នាក់យថាហេតុណាមួយ ទើបពលរដ្ឋរាយការណ៍មកសមត្ថកិច្ច ហើយសមត្ថកិច្ចចេញក៏អន្តរាគមន៍ ដោយមានរថយន្តពន្លត់ភ័យចំនួន២គ្រឿង ក្នុងនោះមាន១គ្រឿរបស់អធិការដ្ឋាននគបាលក្រុង និង១គ្រឿងទៀត របស់ក្រុមហ៊ុកាស៊ីណូត្រូពីកាណា បានអន្តរាគមន៍បា.ញ់ទឹកពន្លត់ទាន់ពេលវេលា មិនបណ្តាលឱ្យមានការរាលដាលឆាបឆេះបន្តទៀតឡើយ។
ពាក់ព័ន្ធករណីខាងលើនេះ ប្រជាពលរដ្ឋបានកោតសរសើរ និងអរគុណចំពោះកម្លាំងអធិការដ្ឋាននគរបាល កម្លាំងកងរាជអាវុធហត្ថ និងយោធា ព្រមទាំងរថយន្តពន្លត់អគ្គិភ័យចំនួន២គ្រឿងដែលជួយអន្តរាគមន៍បា.ញ់ទឹកពន្លត់បានទាន់ពេល កុំអីហាង២៥០០រៀលនោះអាចនឹងរាលដាលឆាបឆេះបាន ប៉ុន្តែសំណាងបានរថយន្តពន្លត់អគ្គិភ័យចេញអន្តរាគមន៍បា.ញ់ទឹកពន្លត់ទាន់ពេលវេលា។
ហើយប្រជាពលរដ្ឋសុំឱ្យអាជ្ញាធរក្រុងប៉ោយប៉ែត និងមន្ត្រីជំនាញ ចុះត្រួតពិនិត្យមើលផង ព្រោះថា បង្គោលភ្លើងមួយៗ គឺមានខ្សែភ្លើងដូចសម្បុកពីងពាងអ៊ីចឹង ទើបធ្វើឱ្យឆ្លងចរន្តភ្លើងឆាបឆេះបែបនេះ ហើយថែមទាំងមានទឹកដក់នៅលើផ្លូវទៀត ជាហេតុធ្វើឱ្យជួបការលំបាកដល់បងប្អូនប្រជាពលរដ្ឋ៕
ចែករំលែកព័តមាននេះ