ភ្នំពេញ៖ ប្រមុខ​​រាជ​រដ្ឋាភិបាល សម្តេចធិបតី ហ៊ុន ម៉ាណែត បានចេញ​សេចក្ដី​សម្រេច ស្ដីពី ការប្រកាស​កាល​បរិច្ឆេទ នៃ​ការ​បោះឆ្នោត លើកទី៤ ដើម្បីជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នឹងប្រព្រឹត្តទៅ នៅថ្ងៃអាទិត្យ ទី២៦ ខែឧសភា ឆ្នាំ​២០២៤។ នេះបើតាម​លិខិត ចុះថ្ងៃទី១៩ ខែកញ្ញា ឆ្នាំ២០២៣។

ការបោះឆ្នោតជ្រើសតាំងក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាខណ្ឌ និងក្រុមប្រឹក្សាស្រុកនេះ គឺជាការបោះឆ្នោតអសកល។ ពោលគឺ​មានតែក្រុមប្រឹក្សាឃុំសង្កាត់​ប៉ុណ្ណោះ ជាអ្នកបោះឆ្នោត៕