ព្រះសង្ឃពុទ្ធសាសនា២អង្គ បានសុគត និងទាហាន២នាក់ទៀតរងរបួសធ្ងន់ធ្ងរ ក្នុងការវាយប្រហារដោយការបំផ្ទុះគ្រាប់បែកដែលកើតឡើងនៅស្រុកយ៉ាហា ខេត្តយ៉ាឡា ភាគខាងត្បូងថៃ កាលពីព្រឹកថ្ងៃទី១៦ ឧសភា ។ ការវាយប្រហារដោយការបំផ្ទុះគ្រាប់បែកនេះកើតឡើងនៅពេលទាហាន៦នាក់ការពារព្រះសង្ឃនិមន្តពីវត្ត Suan Kaew ដើម្បីបិណ្ឌបាតនៅក្នុងស្រុកយ៉ាហា ។
នៅពេលព្រះសង្ឃទាំង២អង្គ និងប៉ូលិសទាំង៦នាក់ ធ្វើដំណើរជិតដល់ភូមិ Tambon Baro គ្រាប់បែកផលិតក្នុងស្រុកមួយគ្រាប់ត្រូវបានបំផ្ទុះដោយពួកបះបោរបណ្តាលឱ្យសុគតព្រះសង្ឃទាំង២អង្គ និងបណ្តាលឱ្យទាហាន២នាក់រងរបួសធ្ងន់ធ្ងរ។ តាមប្រភពព័ត៌មានថា ក្រោយពីបំផ្ទុះគ្រាប់បែកហើយ ពួកបះបោរបាញ់រះលើទាហាន៤នាក់ បណ្តាលឱ្យមានការបាញ់តគ្នាទៅវិញទៅមករយៈពេល១៥នាទី ប៉ុន្តែពុំមានអ្នកណាម្នាក់រងរបួសក្នុងការបាញ់តគ្នានោះឡើយ ៕
ចែករំលែកព័តមាននេះ