រាជធានីភ្នំពេញ ៖ យោងតាមព័ត៌មានរបស់សាលារាជធានីភ្នំពេញ ដែលបានចេញផ្សាយតាមគេហទំព័ររបស់ខ្លួន កាលពីថ្ងៃទី១១ ឧសភា ២០១១ ឱ្យដឹងថា សាលារាជធានីភ្នំពេញបានកំពុងនិងសាងសង់ទីលានលំហាត់ប្រាណនៅតាមបណ្តោយមាត់ទន្លេខាងមុខវត្តឧណ្ណាលោម ដើម្បីបម្រើដល់ការលើកស្ទួយសុខភាព ប្រជាពលរដ្ឋ
រាជធានីភ្នំពេញ ៖ យោងតាមព័ត៌មានរបស់សាលារាជធានីភ្នំពេញ ដែលបានចេញផ្សាយតាមគេហទំព័ររបស់ខ្លួន កាលពីថ្ងៃទី១១ ឧសភា ២០១១ ឱ្យដឹងថា សាលារាជធានីភ្នំពេញបានកំពុងនិងសាងសង់ទីលានលំហាត់ប្រាណនៅតាមបណ្តោយមាត់ទន្លេខាងមុខវត្តឧណ្ណាលោម ដើម្បីបម្រើដល់ការលើកស្ទួយសុខភាព ប្រជាពលរដ្ឋ ក៏ដូចលើកកម្ពស់សោភ័ណភាពក្រុងផងដែរ ។
ទីលានលំហាត់ប្រាណនេះម៉ៅការសាងសង់ដោយក្រុមហ៊ុនមុនីមរកត ដោយការសាងសង់គ្រោងធ្វើក្នុងរយៈពេលប្រមាណ៤៥ថ្ងៃ និងគ្រោងចំណាយប្រមាណ៥៣. ៨៧៤.០០០រៀល។ ការបង្កើតទីលានលំហាត់ប្រាណនេះមានគោលបំណងទាក់ទាញចំណាប់អារម្មណ៍ប្រជាពលរដ្ឋឱ្យចាកចេញពីល្បែងអបាយមុខ ឬកិច្ចការណាដែលមិនផ្តល់អត្ថប្រយោជន៍ ងាកមកចាប់យកការហាត់ប្រាណដើម្បីសុខភាពវិញ ។ ការហាត់ប្រាណអាចជួយកាត់បន្ថយជំងឺផ្សេងៗ និងធ្វើឱ្យសុខភាពមនុស្សម្នាក់ៗកាន់តែរឹងមាំ។យោងតាមសាលារាជធានីភ្នំពេញបន្តថា បច្ចុប្បន្ននេះលទ្ធផលសម្រេចបាន៦០ភាគរយ ហើយ ចំណែកឧបករណ៍លំហាត់ប្រាណមានចំនួន១៣ប្រភេទ៕
ចែករំលែកព័តមាននេះ