លោកគីម ជុងអ៊ុន ទស្សនាអាវុ.ធទំនើបៗរបស់រុស្ស៊ី
ប្រទេសកូរ៉េខាងជើង-រុស្ស៊ី ៖ ៣ថ្ងៃក្រោយពីជួបជាមួយប្រធានាធិបតីរុស្ស៊ី លោកវ្ល៉ាឌីមៀរពូទីន នៅ
ប្រទេសកូរ៉េខាងជើង-រុស្ស៊ី ៖ ៣ថ្ងៃក្រោយពីជួបជាមួយប្រធានាធិបតីរុស្ស៊ី លោកវ្ល៉ាឌីមៀរពូទីន នៅ
ប្រទេសកូរ៉េខាងជើង-រុស្ស៊ី ៖ ៣ថ្ងៃក្រោយពីជួបជាមួយប្រធានាធិបតីរុស្ស៊ី លោកវ្ល៉ាឌីមៀរពូទីន នៅទីតាំងបា.ញ់បង្ហោះកាំជ្រួចអវកាសVOSTOTCHNY មេដឹកនាំកូរ៉េខាងជើង លោកគីម ជុងអ៊ុន បានជួបនាថ្ងៃទី១៦ កញ្ញា ជាមួយរដ្ឋមន្ត្រី ការពារប្រទេសរុស្ស៊ី លោកស័រហ្គេយឆយ ហ្គូនៅវ្ល៉ាឌីវ៉ូស្តុកតំបន់ចុងបូព៌ារុស្ស៊ី ដែលនៅទីនោះលោកបានទស្សនាបណ្ដាអាវុ.ធទំនើបៗរបស់រុស្ស៊ី ក្នុងនោះមានប្រព័ន្ធមីស៊ីលលឿនជាងសំឡេង។
លោកគីម ជុងអ៊ុន បានមកកាន់រុស្ស៊ីដែលជាដំណើរទៅបរទេសលើកដំបូងរបស់លោក តាំងពីចាប់ផ្ដើមការឆ្លងរាលដាលនៃកូវីដមក។ លោកមកដល់ព្រលានយន្តហោះ KNEVICHI នៅវ្ល៉ាឌីវ៉ូស្តុក មកពីKOMSOMOLSK- SUR-LAMOURកន្លែងដែលលោកទស្សនាកាលពីថ្ងៃទី១៥កញ្ញា បណ្ដារោងចក្រផលិតយន្តហោះរុស្ស៊ី ។ នៅមូលដ្ឋានអាកាសចរណ៍ KNEVICHI លោកគីម ជុងអ៊ុន ត្រូវបានទទួលដោយលោកស័រហ្គេយឆយហ្គូ ដែលបង្ហាញលោក យន្តហោះប្រដេញធុនMIG-31និងប្រព័ន្ធមីស៊ីលលឿនជាងសំឡេងKINJAL ។ លោកគីម ជុងអ៊ុន ក៏ទស្សនាផងដែរយន្តហោះទម្លាក់គ្រាប់បែកយុទ្ធសាស្ត្រធុនTU-160 TU-95MS និងTU-22M3។
ក្នុងសេចក្ដីប្រកាសមួយក្រសួងការពារប្រ ទេសរុស្ស៊ីគូសបញ្ជាក់ថា យន្តហោះទាំងនេះស្ថិត ក្នុងសមាសភាពអាកាសរបស់កងកម្លាំងនុយក្លេអ៊ែរយុទ្ធសាស្ត្ររុស្ស៊ី។ មេដឹកនាំកូរ៉េខាងជើងអាចពិនិត្យបណ្ដាអាវុធពិសេសៗរបស់រុស្ស៊ី ក្នុងនោះរួមមានប្រព័ន្ធមីស៊ីលលឿនជាងសំឡេង។ លោកត្រូវស្ថិតនៅវ្ល៉ាឌីវ៉ូស្តុករហូតដល់ថ្ងៃទី១៧ កញ្ញា ដើម្បីផ្លាស់ប្ដូរយោបល់គ្នាជាមួយអាជ្ញាធរទីនោះ ផ្ដោតលើការពង្រីកទំនាក់ទំនងរបស់ប្រទេសលោកជាមួយតំបន់រុស្ស៊ីនោះ៕
ចែករំលែកព័តមាននេះ