កូនប្រុសស្ដេចរត់ពន្ធគ្រឿងញៀ.នម្នាក់ត្រូវម៉ិកស៊ិកធ្វើបត្យាប័នបញ្ជូនទៅអាមេរិក
ប្រទេសម៉ិកស៊ិក ៖ អាជ្ញាធរអាមេរិកគូសបញ្ជាក់ថា ប្រទេសម៉ិកស៊ិកកាលពីថ្ងៃទី១៥ កញ្ញា បានចាប់
ប្រទេសម៉ិកស៊ិក ៖ អាជ្ញាធរអាមេរិកគូសបញ្ជាក់ថា ប្រទេសម៉ិកស៊ិកកាលពីថ្ងៃទី១៥ កញ្ញា បានចាប់បញ្ជូនកូនប្រុសម្នាក់ របស់ស្ដេចរត់ពន្ធគ្រឿងញៀ.ន JOAQUIN EL CHAPO GUZMAN ទៅកាន់សហរដ្ឋអាមេរិក។ នេះបើតាមសេចក្ដីរាយការណ៍នាថ្ងៃទី១៦ កញ្ញា របស់AFP។
ក្នុងសេចក្ដីប្រកាសមួយក្រសួងសន្តិសុខផ្ទៃក្នុងអាមេរិកគូសបញ្ជាក់ថា ពេលនេះកងកម្លាំងប៉ូលិសអាមេរិក និងម៉ិកស៊ិក បានចាប់បញ្ជូនបុរសឈ្មោះOVIDIO GUZMAN LOPEZ ជាកូនប្រុសម្នាក់ក្នុងចំណោមកូនប្រុសរបស់ EL CHAPO មកកាន់ក្រសួងយុត្តិធម៌អាមេរិកដោយជោគជ័យ។ ជននោះជាប់ចោទពីបទរត់ពន្ធគ្រឿងញៀ.ន លាងលុយកខ្វក់និងប្រព្រឹត្តអំពើឧក្រិ.ដ្ឋធ្ងន់ធ្ងរដទៃៗទៀត។
ដោយថ្លែងអំណរគុណចំពោះម៉ិកស៊ិក សម្រាប់ការធ្វើបត្យាប័ននោះ ក្រសួងសន្តិសុខផ្ទៃក្នុងអាមេរិកបន្តថា ការធ្វើបត្យាប័នLOPEZ បង្ហាញពីសារសំខាន់នៃកិច្ចសហប្រតិបត្តិការរវាងអាមេរិកនិងម៉ិកស៊ិក ដើម្បីរាំងខ្ទប់ការរត់ពន្ធគ្រឿងញៀ.ន។
ប៉ុន្មានថ្ងៃមុនទស្សនកិច្ចមួយរបស់លោកចូ បៃដិន នៅម៉ិកស៊ិកកាលពីខែមករាកន្លងទៅ អាជ្ញាធរម៉ិកស៊ិកបានចាប់ខ្លួន OVIDIO GUZMAN LOPEZ អាយុ៣២ឆ្នាំ ក្នុងប្រតិបត្តិការមួយដែលបណ្ដាលឲ្យមនុស្សស្លា.ប់យ៉ាងតិច២៩នាក់ និងនាំឲ្យមានការប្រយុទ្ធគ្នាខ្លាំងក្លា រវាងកងកម្លាំងប៉ូលិស និងពួកជនប្រដាប់អាវុ.ធនៅទីក្រុងគូលីយ៉ាកានភាគពាយ័ព្យម៉ិកស៊ិក។
គេស្គាល់ក្រោមឈ្មោះថាEL RATONនោះ OVIDIO GUZMAN LOPEZ ជាកូនប្រុសម្នាក់ក្នុងចំណោមកូនប្រុសរបស់ស្ថាបនិកក្រុមរត់ពន្ធគ្រឿងញៀ.ននៅSINALOA គឺ EL CHAPO ដែលបច្ចុប្បន្នកំពុងតែជាប់គុកអស់មួយជីវិតនៅសហរដ្ឋអាមេរិក ។
អាជ្ញាធរអាមេរិកចាត់ទុកជននេះថា ជាសមាជិកសំខាន់ម្នាក់របស់ក្រុមរត់ពន្ធគ្រឿងញៀ.ននោះ ជាមួយប្អូនប្រុសគេឈ្មោះJOAQUIN GUZMAN LOPEZ ។ EL CHAPO ត្រូវបានចាត់ទុកថា ជាមេរត់ពន្ធគ្រឿងញៀ.នដែលខ្លាំងជាងគេបំផុតលើពិភពលោក រហូតដល់ពេលចាប់ខ្លួនគេបានកាលពីឆ្នាំ២០១៦ ហើយធ្វើបត្យាប័នទៅអាមេរិកក្នុងឆ្នាំ២០១៧ ។ ជននោះត្រូវកាត់ទោសកាលពីខែកក្កដា ឆ្នាំ២០១៩ ដាក់គុកអស់មួយជីវិត៕
ចែករំលែកព័តមាននេះ