ទុកម៉ូតូមុខផ្ទះភ្លេចដកសោរចោរលួចបាត់ មួយសន្ទុះនគរបាលស្ទាក់ចាប់បានទាំងចោរ ទាំងម៉ូតូ
- ឧត្តរមានជ័យ
ខេត្តឧត្តរមានជ័យ ៖ តាមសេចក្តីរាយការណ៍បឋមឲ្យដឹងថា កាលពីវេលាម៉ោង៩ព្រឹកថ្ងៃទី១៦ ខែ
ខេត្តឧត្តរមានជ័យ ៖ តាមសេចក្តីរាយការបឋមឲ្យដឹងថា កាលពីវេលាម៉ោង៩ព្រឹក ថ្ងៃទី១៦ ខែកញ្ញា ឆ្នាំ២០២៣ មានករណីចោរ លួចម៉ូតូមួយគ្រឿង ស្ថិតនៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ ខណៈម្ចាស់ទុកមុខផ្ទះមិនបានដកសោរកុងតាក់ ប៉ុន្តែមួយសន្ទុះក្រោយមកសមត្តកិច្ចនគរបាលមូលដ្ឋានក្រុងសំរោង ក៏បានធ្វើការចាប់ខ្លួនទាំងចោរទាំងម៉ូតូ នាំយកទៅប្រគល់ ឲ្យម្ចាស់វិញ ។
ជនសង្ស័យឈ្មោះ សីហា ប្រាក់ណៃ ភេទប្រុស អាយុ២៥ឆ្នាំ មានទីលំនៅភូមិបេង ឃុំបេង ស្រុកបន្ទាយអំពិល ខេត្តឧត្តរមានជ័យ ។
សេចក្តីរាយការឲ្យដឹងទៀតថា នៅវេលាម៉ោងខាងលើជនរងគ្រោះឈ្មោះ សៀង លី ភេទប្រុស អាយុ២៣ ឆ្នាំ បានទុកម៉ូតូនៅមុខផ្ទះពុំបានដកសោរកុតាក់ចេញទេ ពេល នោះជនសង្ស័យក៏បានចូលទៅលួច ហើយជិះគេចខ្លួនបាត់ ។
ក្រោយពេលចោរលួចបាត់ម៉ូតូភ្លាម ជនរងគ្រោះបានទាក់ទងប្តឹងទៅសមត្តកិច្ចនគរបាលមូលដ្ឋាន ក្រោមការចង្អុលបង្ហាញពីលោកឧត្តមសេនីយ៍ទោ ស្នងការនគរបាលខេត្តឧត្តរមានជ័យ និងដឹក នាំបញ្ជាផ្ទាល់ពីលោក អធិការ នគរបាលក្រុងសំរោង ទើបជនសង្ស័យជាចោរលួចម៉ូតូ ត្រូវបានកម្លាំងសមត្តកិច្ចជំនាញ សហការជាមួយកម្លាំងប៉ុស្តិ៍រដ្ឋបាលបន្សាយរាក់ និងកម្លាំងប៉ុស្តិ៍រដ្ឋបាលគោកខ្ពស់ ដេញតាមស្ទាក់ចាប់ឃាត់ខ្លួន នៅពេលជន សង្ស័យជាមុខសញ្ញា បានជិះទៅដល់ចំណុចភូមឈើស្លា.ប់ព្រំប្រទល់ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ ។
ក្រោយឃាត់ខ្លួនជនសង្ស័យ និងម៉ូតូឌ្រីមសង់ សេរីឆ្នាំ២០១៤ ព័ណខ្មៅ អត់មានលេខ១គ្រឿង សមត្តកិច្ចបាននាំខ្លួនទៅអធិការដ្ឋា ននគរបាលក្រុងសំរោង ដើម្បីធ្វើការសាកសួរ ។
នៅពេលសាកសួរចំពោះមុខសមត្តកិច្ច ជនសង្ស័យបានឆ្លើយសារភាពអំពីសកម្មភាព និងបក្ខពួកដែលចូលរួមជាមួយគ្នាកន្លង មកទៀត ពេលនោះទើបកម្លាំងសមត្តកិច្ចជំនាញ នៃអធិការដ្ឋានក្រុងសំរោង សហការជាមួយកម្លាំងការិយាល័យព្រហ្មទណ្ឌកម្រិតស្រាល និងកម្លាំងនគរបាលយុត្តិធម៌ស្រុកបន្ទាយអំពិល ចុះទៅដល់ផ្ទះឈ្មោះ យ៉ាន សីហា ជាជនសកម្មទទួលផលចោរកម្ម និងដោយបានការអនុញ្ញាតិពីស្ថាប័នអយ្យការអមសាលាដំបូងខេត្ត សមត្តកិច្ចបានធ្វើការឆែកឆេរ រកឃើញវត្ថុតាងរួមមាន ៖
-ម៉ូតូចំនួន៣គ្រឿង
-គ្រឿងបន្លាស់ម៉ូតូមួយចំនួន
-សារធាតុញៀ.នប្រភេទម្សៅក្រាមពណ៌ស ម៉ាកទឹកកក ចំនួន ១,០៣៧ ក្រាម ។
-សារធាតុញៀ.នប្រភេទ មេតំហ្វេតាមីនWY ចំនួន០២ កញ្ចប់ ស្មើនឹង ៨៥០ ក្រាម និងឃាត់ខ្លួនជនសង្ស័យបានចំនួន០៥ នាក់ បន្ថែមទៀត ។
១-ឈ្មោះ យ៉ាន សីហា ភេទប្រុស អាយុ ២៧ឆ្នាំ មានទីលំនៅភូមិថ្មដូន ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ (អ្នកទទួលទិញផលចោរកម្ម និងចែកចាយសារធាតុញៀន) តេស្តមានសារធាតុញៀនក្នុងខ្លួន ។ ២-ឈ្មោះ សេង ស្រីនាង ភេទស្រី អាយុ២២ឆ្នាំ មុខរបរ កម្មកររោងចក្រ មានទីលំនៅភូមិសែនមនោរម្យ១ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ ។ ៣-ឈ្មោះ ជន សំរេច ភេទប្រុស អាយុ ២៤ឆ្នាំ មុខរបរ ជាងឈើ មានទីលំនៅភូមិថ្មរមាសខាងកើត ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ (មានសារធាតុញៀនក្នុងខ្លួន) ។ ៤-ឈ្មោះ រំ រិទ្ធសែន ភេទប្រុស អាយុ២១ ឆ្នាំ មុខរបរ ជាងក្រឡឹង មានទីលំនៅភូមិថ្មរមាសខាងកើត ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ (មានសារធាតុញៀនក្នុងខ្លួន) និង៥-ឈ្មោះ ធូ ឆារី ភេទប្រុស អាយុ ២១ឆ្នាំ មុខរបរ ជាងក្រឡឹង មានទីលំនៅភូមិចាន់ក្រហមសែនជ័យ ឃុំអំពិល ស្រុកបន្ទាយអំពិល ខេត្តឧត្តរមានជ័យ (ធ្វើតេស្តមានសារធាតុញៀនក្នុងខ្លួន) ។
តាមចម្លើយជនសង្ស័យឈ្មោះ យ៉ាន សីហា បានសារភាពថា កាលពីជាង២ខែមុនខ្លួនបានទិញម៉ូតូ០១គ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០២០ គ្មានផ្លាកលេខ ពីឈ្មោះ សីហា ប្រាក់ណៃ ក្នុងតម្លៃ ២.២០០.០០០រៀល ដោយពេល នោះខ្លួនបានដឹងថា ឈ្មោះ សីហា ប្រាក់ណៃ ពិតជាលួចម៉ូតូរបស់គេយកមកលក់ឲ្យ តែក្រោយមកខ្លួនបានយកម៉ូតូនោះ ទៅដោះ ដូរផ្លាស់ និងដូរពណ៌ពីខ្មៅ ទៅជាពណ៌ក្រហមវិញ និងទុកប្រើប្រា ស់ផ្ទាល់ខ្លួនរហូតដល់សព្វថ្ងៃ ។ ដោយយោងទៅលើចម្លើយសារភាព និងបទល្មើសលួចជាក់ស្តែង សមត្តកិច្ចបានរៀបចំកសាងសំណុំរឿងបញ្ជូនជនសង្ស័យទៅសាលាដំបូងខេត្ត ដើម្បីបន្តនីតិវិធី ។
ក្រោយឃាត់ខ្លួនជនសង្ស័យ និងម៉ូតូឌ្រីមសង់ ស៊េរីឆ្នាំ២០១៤ ពណ៌ខ្មៅ អត់មានលេខ១គ្រឿង សមត្ថកិច្ចបាននាំខ្លួនទៅអធិការដ្ឋាននគរបាលក្រុងសំរោង ដើម្បីធ្វើការសាកសួរ និងកសាងសំណុំរឿងបញ្ជូនទៅសាលាដំបូងខេត្តតាមនីតិវិធី ៕
ចែករំលែកព័តមាននេះ