ចាប់ស្ត្រីបុគ្គលិកខារ៉ាអូខេម្នាក់ រឿង«លួ.ចលុយជាង១លានបាត យកទៅលេងល្បែ.ងខ្ទេចអស់»
- បន្ទាយមានជ័យ
សមត្ថកិច្ចបានឃាត់ខ្លួនស្ត្រីជនជាតិថៃជាបុគ្គលិកខារ៉ាអូខេម្នាក់ ដែលរងការចោ.ទប្រកាន់ថា
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា សមត្ថកិច្ចបានឃាត់ខ្លួនស្ត្រីជនជាតិថៃជាបុគ្គលិកខារ៉ាអូខេម្នាក់ ដែលរងការចោ.ទប្រកាន់ថា «លួ.ចលុយជាង១លានបាត យកទៅលេងល្បែ.ងខ្ទេចអស់» ហើយត្រូវបញ្ជូនទៅកាន់សាលាដំបូងខេត្តបន្ទាយមានជ័យ កាលពីថ្ងៃទី១៧ ខែកញ្ញា ឆ្នាំ២០២៣។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ឱ្យដឹងថា ជនសង្ស័យខាងលើនេះ មានឈ្មោះ សារ៉ាបាន់ អុធុមផន ភេទស្រី អាយុ២៦ឆ្នាំ (ជាបុគ្គលិកបម្រើការងារខារ៉ាអូ) ស្នាក់នៅភូមិមិត្តភាព សង្កាត់-ក្រុងប៉ោយប៉ែត។
លោកបានបញ្ជាក់ថា ក្រោយពីទទួលពាក្យបណ្តឹងពីជនរងគ្រោះឈ្មោះ ម៉ឹង សុហេង ភេទស្រី អាយុ៣៦ឆ្នាំ ស្នាក់នៅភូមិជាមួយគ្នា បានប្តឹងស្ត្រីឈ្មោះ សារ៉ាប៉ាន់ អុធុមផន ជាបុគ្គលិកបម្រើការងារខេរ៉ាអូខេ ដែលលួ.ចលុយហាងខារ៉ាអូខេជាបន្តបន្ទាប់ សរុបចំនួន១.៣០០.០០០បាត។ ក្រោយពីក្រុមត្រួតពិនិត្យថវិការចំណូល បានរកឃើញថាបាត់លុយ ទើបប្តឹងទៅទីបញ្ជាការដ្ឋានកងរាជអាវុធហត្ថក្រុងប៉ោយប៉ែតតែម្ដង។
លោកវរសេនីយ៍ត្រី នួន នីណារ៉ូ បានប្រាប់ថា ក្រោយទទួលពាក្យបណ្តឹងភ្លាម កម្លាំងជំនាញបានកោះហៅជនសង្ស័យមកសាកសួរ និងឆ្លើយសារភាពថា «ខ្លួនពិតជាបានលួ.ចលុយហាងខារ៉ាអូខេ ពិតប្រាកដមែន ហើយយកទៅលេងល្បែ.ងអស់ហើយ»។
ក្រោយពីសមត្ថកិច្ចឃាត់ខ្លួនស្ត្រីជាជនសង្ស័យនៅថ្ងៃទី១៥ ខែកញ្ញា ឆ្នាំ២០២៣ នៅចំណុចភូមិមិត្តភាព សង្កាត់-ក្រុងប៉ោយប៉ែតហើយ ក៏បានកសាងសំណុំរឿងបញ្ជូនទៅកាន់សាលាដំបូងខេត្តបន្ទាយមានជ័យ ដើម្បីចាត់ការតាមច្បាប់៕
ចែករំលែកព័តមាននេះ