បេសកជនពិសេសអង្គការសហប្រជាជាតិប្រចាំប្រទេសលីប៊ី លោក Abdull Ilab al-Khatib កាលពីថ្ងៃទី១៥ ឧសភា កន្លងមក បានអញ្ជើញទៅកាន់ទីក្រុងទ្រីប៉ូលី រដ្ឋធានីលីប៊ី ដើម្បីបើកការចរចាស្តីអំពីបទឈប់បា.ញ់គ្នារវាងកងកម្លាំងរបស់លោកកាដាហ្វី ជាមួយពួកឧទ្ទាម។ មន្ត្រីរដ្ឋាភិបាលលីប៊ីនិយាយថា លោក al-Khabit បានបើកការចរចា
បេសកជនពិសេសអង្គការសហប្រជាជាតិប្រចាំប្រទេសលីប៊ី លោក Abdull Ilab al-Khatib កាលពីថ្ងៃទី១៥ ឧសភា កន្លងមក បានអញ្ជើញទៅកាន់ទីក្រុងទ្រីប៉ូលី រដ្ឋធានីលីប៊ី ដើម្បីបើកការចរចាស្តីអំពីបទឈប់បាញ់គ្នារវាងកងកម្លាំងរបស់លោកកាដាហ្វី ជាមួយពួកឧទ្ទាម។ មន្ត្រីរដ្ឋាភិបាលលីប៊ីនិយាយថា លោក al-Khabit បានបើកការចរចាអំពីបទឈប់បាញ់នោះនៅពេលយន្តហោះចម្បាំងរបស់អង្គការអូតង់នៅតែបន្តទម្លាក់គ្រាប់បែក ប្រឆាំងកងកម្លាំងដែលមានភក្តីភាពចំពោះលោកកាដាហ្វី។
អង្គការសហប្រជាជាតិឱ្យដឹងថា ការចរចានោះចូលរួមដោយនាយករដ្ឋមន្ត្រីលីប៊ី លោក Bangdadi al-Mahmoudi និងរដ្ឋមន្ត្រីការបរទេសលោក Suleiman al-Shehoumi ។ ទូរទស្សន៍លីប៊ីរាយការរណ៍ថា អង្គការអូតង់នៅតែបន្តការវាយប្រហារតាមអាកាសប្រឆាំងកងកម្លាំងរបស់លោកកាដាហ្វី ទៀត កាលពីថ្ងៃទី១៥ ឧសភា កន្លងមក ដោយធ្វើឱ្យទីក្រុងហ្ស៊ូវ៉ារ៉ា ភាគខាងលិចប្រទេស រងផលប៉ះពាល់យ៉ាងធ្ងន់ធ្ងរ ។ អ្នកនាំពាក្យរបស់កងទ័ពលីប៊ីវរសេនីយ៍ឯក MILAD HUSSEIN AL-FIQHI ត្រូវស្លាប់កាលពីថ្ងៃទី១៥ ឧសភា ក្នុងការវាយឆ្មក់មួយរបស់អូតង់លើអគាររបស់ភ្នាក់ងារស៊ើបការណ៍លីប៊ីនៅក្រុងទ្រីប៉ូលី ៕
ចែករំលែកព័តមាននេះ