ADផ្ទាំងផ្សព្វផ្សាយពាណិជ្ជកម្ម

Picture

ការពិតគឺជាប្តីសោះ ដែលបើកឡានបុ.កប្រពន្ធ​ធ្លា.ក់ពី​លើម៉ូតូរួចហើយកិ.ន​ថែម

9 ខែ មុន

រាជធានីភ្នំពេញ ៖ បន្ទាប់ពីស្រាវជ្រាវតាមរកបុរសម្នាក់បើករថយន្ត​បុកស្ត្រីម្នាក់​ធ្លាក់ពីម៉ូតូ រួច​ហើយ​កិន​​ចំក្បាល​ស្លាប់ ហើយជននេះប្លុងរថយន្ត​ចោលហៅម៉ូតូកង់៣ជិះគេច គឺបានដឹងអត្តសញ្ញាណ​ហើយ​ថា ការពិត គឺជាប្តី​របស់ស្ត្រី​រងគ្រោះ​ដែលស្លាប់យ៉ាងអាណោច​អាធ័មនោះ​ ។ យោងតាម​ផេក​ស្នងការ​រាជធានីភ្នំពេញបានឱ្យដឹងថា…

រាជធានីភ្នំពេញ ៖ បន្ទាប់ពីស្រាវជ្រាវតាមរកបុរសម្នាក់បើករថយន្ត​បុកស្ត្រីម្នាក់​ធ្លាក់ពីម៉ូតូ រួច​ហើយ​កិន​​ចំក្បាល​ស្លាប់ ហើយជននេះប្លុងរថយន្ត​ចោលហៅម៉ូតូកង់៣ជិះគេច គឺបានដឹងអត្តសញ្ញាណ​ហើយ​ថា ការពិត គឺជាប្តី​របស់ស្ត្រី​រងគ្រោះ​ដែលស្លាប់យ៉ាងអាណោច​អាធ័មនោះ​ ។

យោងតាម​ផេក​ស្នងការ​រាជធានីភ្នំពេញបានឱ្យដឹងថា សមត្ថកិច្ច​បាន​ចាប់​ឃាត់ខ្លួន​បុរស​ម្នាក់ ក្រោយ​​ពី​បាន​បើករថយន្ត​បុក​ស្ត្រី​ជា​ប្រពន្ធធ្លាក់​ពីលើ​ម៉ូតូ រួច​បន្ដ​បើក​កិន​បណ្តាល​ឲ្យ​ស្លា​​ប់នៅ​ខណ្ឌ​ច្បារ​​អំពៅ ។

ដោយ​អនុវត្ត​តាម​បទបញ្ជា​ផ្ទាល់​របស់​ឯកឧត្តម​ឧត្តមសេនីយ៍ទោ ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំ​ឱ​ពេញ លោក​វរសេនីយ៍ឯក ម៉ៅ សឿង អធិការ​នគរបាល​ខណ្ឌ​ច្បារ​អំពៅបាន​ស្រាវជ្រាវ​មន្ត្រី​សមត្ថកិច្ច​ម្នាក់ ដែល​បាន​បើករថយន្ត​មក​បុក​ជន​រង​គ្រោះ​ឲ្យ​ធ្លាក់​ពីលើ​ម៉ូតូ​លើ​ចិញ្ចើម​ផ្លូវ រួច​ជនសង្ស័យ​បើករថយន្ត​កិន​ជន​រង​គ្រោះ​ចំ​ក្បាល​បណ្តាល​ឲ្យ​ស្លា​​ប់ ស្ថិតនៅ​មុខ​វត្ត​ឫស្សី​ស្រស់ ផ្លូវ​បេតុង ភូមិ​កោះន​រា សង្កាត់​និរោធ ខណ្ឌ​ច្បារ​អំពៅ នា​រសៀល​ថ្ងៃ​ទី​១៣ ខែកញ្ញា ឆ្នាំ​២០២៣​ ។

សមត្ថកិច្ច​បាន​បញ្ជាក់​ថា ជន​រង​គ្រោះ​ឈ្មោះ ព្រុំ អ៊ា​ង អាយុ​៦៤​ឆ្នាំ មុខរបរ​លក់ដូរ ស្នាក់​នៅ​ភូមិ​កោះន​​រា សង្កាត់​និរោធ ខណ្ឌ​ច្បារ​អំពៅ​។ ដោយឡែក​ ជនសង្ស័យ​ឈ្មោះ សូត្រ សិ​ទ្ធី អាយុ​៥៣​ឆ្នាំ ស្នាក់​នៅផ្ទះ​លេខ​15F8 ភូមិ​ជ្រៃ​កោង សង្កាត់​ចោម​ចៅ​២ ខណ្ឌ​ពោធិ៍​សែន​ជ័យ​។

របាយការណ៍​របស់​សមត្ថកិច្ច​មូលដ្ឋាន​បាន​ឲ្យ​ដឹង​ថា មុន​ពេល​កើតហេតុ ជន​រង​គ្រោះ និង​កូនស្រី​ជិះ​ម៉ូតូ​ទៅ​ផ្សារ​ទិញ​អីវ៉ាន់​។ ពេល​នោះ​ ជនសង្ស័យ​ក៏​បាន​បើករថយន្ត​ម៉ាក Toyota Highlander ពណ៌​ស ពាក់​ផ្លា​ក​លេខ ភ្នំពេញ 2AB-4983 តាម​ពីក្រោយ​។ ពេល​ជន​រង​គ្រោះ​ឃើញ​រថយន្ត ក៏​ប្រាប់​ឲ្យ​កូនស្រី​ជិះ​អែបកៀន ដើម្បី​ឲ្យ​រថយន្ត​បើក​ទៅ​មុន តែ​ជនសង្ស័យ​មិន​បើក​វ៉ា​ទៅ​មុខ​ទេ​។ ជន​រង​គ្រោះ​​ក៏​ជិះ​ម៉ូតូ​បន្ត​ទៅ​មុខ​ទៀត មក​ដល់​ចំណុច​កើតហេតុ ជនសង្ស័យ​ក៏​បើករថយន្ត មក​បុក​ជន​រង​គ្រោះ​ឲ្យ​ធ្លាក់​ពីលើ​ម៉ូតូ​លើ​ចិញ្ចើម​ផ្លូវ រួច​បើករថយន្ត​កិន​ជន​រង​គ្រោះ​ចំ​ក្បាល​បណ្តាល​ឲ្យ​ស្លា​​ប់​ភ្លាម​ៗ​តែ​ម្តង

ក្រោយ​បើក​កិន​ជន​រង​គ្រោះ ជនសង្ស័យ​បើករថយន្ត​គេចខ្លួន​មក​ទុក​ចោល​នៅ​មុខ​ដី​ឡូត៍​គ្មាន​លេខ ជាប់​របង​វិទ្យាល័យ​ច្បារ​អំពៅ ដោះ​ផ្លា​ក​លេខ​រថយន្ត​លាក់​គុ​ម្ភ​ស្មៅ​ក្បែរ​នោះ រួច​ដើរ​ឡើង​មក​ផ្លូវជាតិ​លេខ​១ ជិះ​ម៉ូតូ​កង់​បី (​ផាស់​អាប់​) គេចខ្លួន​។

សមត្ថកិច្ច​បាន​បញ្ជាក់​ចំពោះ​ហេតុ​ដែល​បុរស​ជនសង្ស័យ​ជា​ប្តី បាន​បើករថយន្ត​បុក​ប្រពន្ធ​ខ្លួន​បណ្តាល​អោយ​ស្លា​​ប់​នេះ ​គឺ​បណ្តាល​មក​ពី​ការ​រស់នៅ​មិន​ចុះសម្រុង​គ្នា និង​បញ្ហា​ទ្រព្យសម្បត្តិ​។បន្ទាប់​មក​ សមត្ថកិច្ច ស្រាវជ្រាវ ប្រមូល​ភស្តុ​តាង​នៅ​កន្លែង​កើតហេតុ​សង្ស័យ គឺជា​មនុស្ស​តែ​មួយ​។ លុះដល់​ថ្ងៃ​ទី​១៣ ខែកញ្ញា ឆ្នាំ​២០២៣ សមត្ថកិច្ច​ឃាត់ខ្លួន​ជនសង្ស័យ បញ្ជូន​មក​អធិការដ្ឋាន​នគរបាល​ខណ្ឌ​ច្បារ​អំពៅ ដើម្បី​សាកសួរ​។

បច្ចុប្បន្ន​ ជនសង្ស័យ រួម​និង​វត្ថុ​តាង​រថយន្ត​បង្ក បាន​កសាង​សំណុំរឿង​បញ្ជូន ទៅ​កាន់​សាលាដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី​ច្បាប់​ ៕

អត្ថបទសរសេរ ដោយ