អាមេរិកលក់យន្តហោះប្រដេញ F-35A ចំនួន២៥គ្រឿងដល់កូរ៉េខាងត្បូង ក្នុងទំហំទឹកប្រាក់ជាង៥ពាន់លានដុល្លារ
កូរ៉េខាងត្បូង-អាមេរិក ៖ ទីភ្នាក់ងារព័ត៌មានកូរ៉េខាងត្បូងYONHAP រាយការណ៍នាថ្ងៃទី១៤ កញ្ញា ថា
កូរ៉េខាងត្បូង-អាមេរិក ៖ ទីភ្នាក់ងារព័ត៌មានកូរ៉េខាងត្បូងYONHAP រាយការណ៍នាថ្ងៃទី១៤ កញ្ញា ថា ក្រសួងការបរទេសអាមេរិកបានអនុម័ត ការលក់ជាយថាហេតុឲ្យកូរ៉េខាងត្បូងនូវយន្តហោះប្រដេញបំបាំងកាយធុនF-35Aនិងបណ្ដាឧបករណ៍៍ទាក់ទិន ដើម្បីជួយសម្ព័ន្ធមិត្តអាស៊ីនេះក្នុងការរក្សាសមត្ថភាពការពារ។ ការលក់យន្តហោះទាំងនេះគឺក្នុងទំហំទឹកប្រាក់៥,០៦ពាន់លានដុល្លារ។
ក្នុងសេចក្ដីប្រកាសមួយទីភ្នាក់ងារការពារសន្តិសុខនិងកិច្ចសហប្រតិបត្តិការនៃក្រសួងការពារប្រទេសអាមេរិកថ្លែងថា ការលក់នោះនឹងសំដៅកែលម្អសមត្ថភាពរបស់កូរ៉េខាងត្បូង ក្នុងការឆ្លើយតបចំពោះការគំរា.មកំហែ.ងបច្ចុប្បន្ន និងនាពេលអនាគត ដោយផ្ដល់ដល់ប្រទេសនេះសមត្ថភាពការពារគួរឲ្យជឿជាក់ចំពោះរាល់ការឈ្លានពានក្នុងតំបន់ និងធានាដល់លទ្ធភាពនៃការធ្វើប្រតិបត្តិការរួមគ្នា ជាមួយកងទ័ពអាមេរិក ។ បច្ចុប្បន្នកងទ័ពអាកាសកូរ៉េខាងត្បូងមានយន្តហោះប្រដេញធុនF-35Aនេះចំនួន៤០គ្រឿងរួចហើយ ៕
ចែករំលែកព័តមាននេះ