ADផ្ទាំងផ្សព្វផ្សាយពាណិជ្ជកម្ម

Picture

គ្រូ​វិទ្យាល័យ​ទួល​ទំពូងម្នាក់ រង​ការ​ចោទប្រកាន់​ថា ឲ្យសិស្ស​ជួយ​ចេញថ្លៃ​ទឹក​ភ្លើង​ ម្នាក់​២​ម៉ឺន​រៀល បើ​មិន​បង់​ទេ នាំ​គ្នា​ទៅ​រៀន​ក្រោម​ដើមឈើ​ទៅ

9 ខែ មុន

រាជធានី​ភ្នំពេញ ៖ កូនសិស្ស​ដែល​កំពុង​រៀន​នៅ​វិទ្យាល័យ​ទួល​ទំពូង វេន​ល្ងាច ពេល​ចេញពី​រៀន​ត្រឡប់​មក​ផ្ទះ​វិញ នាំ​គ្នា​រអ៊ូរទាំ​ឪពុក​ម្តាយ​ប្រាប់​ថា ត្រូវ​គ្រូ​បង្ខំ​ទារ​លុយ​ម្នាក់​ៗ ចំនួន​២០,០០០​រៀល អោយ​ជួយ​ចេញថ្លៃ​ទឹក​ភ្លើង​របស់​សាលា និង​គំរាម​ថា…

រាជធានី​ភ្នំពេញ ៖ កូនសិស្ស​ដែល​កំពុង​រៀន​នៅ​វិទ្យាល័យ​ទួល​ទំពូង វេន​ល្ងាច ពេល​ចេញពី​រៀន​ត្រឡប់​មក​ផ្ទះ​វិញ នាំ​គ្នា​រអ៊ូរទាំ​ឪពុក​ម្តាយ​ប្រាប់​ថា ត្រូវ​គ្រូ​បង្ខំ​ទារ​លុយ​ម្នាក់​ៗ ចំនួន​២០,០០០​រៀល អោយ​ជួយ​ចេញថ្លៃ​ទឹក​ភ្លើង​របស់​សាលា និង​គំរាម​ថា បើ​មិន​ជួយ​បង់​ទេ នាំ​គ្នា​ទៅ​រៀន​ក្រោម​ដើមឈើ​ទៅ ។

កូនសិស្ស​រៀន​ថ្នាក់​ទី​១១ វេន​ល្ងាច សម្រាប់​ខែកញ្ញា​នេះ នៅ​ពេល​ចេញពី​រៀន នៅ​រសៀល​ថ្ងៃ​ទី​១៤ ខែកញ្ញា​នេះ មានកូន​សិស្ស​ខ្លះ​ដើរ ខ្លះ​ជិះ​កង់ និង​ខ្លះ​ទៀត​ជិះ​ម៉ូតូ បាន​នាំ​គ្នា​រអ៊ូរទាំ​តាម​ផ្លូវ​ថា កំពុង​តែ​អត់​លុយ​ចាយ​ផង ត្រូវ​គ្រូ​បង្ខំ​ទារ​លុយ​ទៀត ម្នាក់ ២​ម៉ឺន​រៀល គ្រូ​ថា បើ​មិន​បង់លុយ​អោយ​ទេ ទៅ​រៀន​នៅ​ក្រោម​ដើមឈើ​ទៅ ។

កូនសិស្ស​ទាំងនោះ បាន​បញ្ជាក់​ថា គ្រូ​បាន​ប្រាប់​ពួក​គេ​ថា ខែ​នេះ សាលា​អស់​ថ្លៃ​ទឺ​ក​និង​ភ្លើង​ប្រមាណ ៤​លាន​រៀល ដូច្នេះ​សាលា​តម្រូវ​អោយ​ជួយ​បង់​ម្នាក់ ២​ម៉ឺន​រៀល បើ​មិន​បង់​ទេ នាំ​គ្នា​ទៅ​រៀន ក្រោម​ដើមឈើ​ទៅ ។

ពាន់​ព័ន្ធ​បញ្ហា​ការ​ចោទប្រកាន់​ថា លោកគ្រូ​ទារ​លុយ​សិស្ស​ខាងលើ​នេះ ភ្នាក់ងារ​កោះសន្តិភាព​មិន​អាច​ទាក់ទង​សុំ​ការ​បំភ្លឺ​ពី​នាយក​វិទ្យាល័យ​ទួល​ទំពូង បាន​នៅឡើយ​ទេ គិត​ត្រឹម​ល្ងាច​ថ្ងៃ​ទី​១៤ ខែកញ្ញា ឆ្នាំ​២០២៣​នេះ ។

ចំណែក​អាណាព្យាបាល សិស្ស​វិទ្យាល័យ​ទួល​ទំពូង​ម្នាក់ បានអោយ​កោះសន្តិភាព​ដឹង​ថា គាត់​ក៏​ទើប​ទទួល​បាន​ព័ត៌មាន​នេះ ពី​កូន​របស់​គាត់​ដែរ ដោយ​កូន​របស់​គាត់​បាន​ប្រាប់​ថា ទើប​បង់លុយ​អោយ​គ្រូ ២​ម៉ឺន​រៀល​រួច​ហើយ​។ ពេល​ឮ កូន​ប្រាប់​បែប​នេះ រូប​គាត់​មួម៉ៅ​ក្នុង​ចិត្ត​យ៉ាង​ខ្លាំង តែ​ម្តង ។

អាណាព្យាបាល​សិស្ស​ដដែល​នោះ ក៏​បានអោយ​ដឹង​ទៀត​ថា បើ​សាលា​អស់​ថ្លៃ​ទឹក​ភ្លើង ៤​លាន​រៀល​មែន បើ​ចង់​ទារ​លុយ​ពី​សិស្ស​យក​ម្នាក់​ត្រឹម ២​ពាន់​រៀល ទៅ​សមរម្យ​ហើយ ព្រោះ​សិស្ស​រាប់​ពាន់​រាប់​ម៉ឺន​នាក់ គឺ​ក្នុង​មួយ​ថ្នាក់​ៗ មិន​តិច​ជាង​៥០​នាក់​ទេ ហើយ​មាន​ពីរ​វេន​ទៀត បើ​យក​ម្នាក់​តែ ២​ពាន់​រៀល ក៏៏​បង់ថ្លៃ​ទឹក ថ្លៃ​ភ្លើង​មិន​អស់​ដែរ ហេតុ​អ្វី បាន​យក​ដល់ ២​ម៉ឺន​រៀល ?

បើ​តាម​ការ​អះអាង​របស់​កូនសិស្ស​ថ្នាក់​ទី​១១ វេន​ល្ងាច បាន​និយាយ​ថា អ្នក​ដែល​ទៅ​ប្រមូល​លុយ​នោះ គឺ​លោកគ្រូ​នាយករង​សាលា​វិទ្យាល័យ​ទួល​ទំពូង ព្រមទាំង​បាន​គំរាម​សិស្ស​ថា បើ​មិន​បង់លុយ​ទេ នាំ​គ្នា​ទៅ​រៀន​នៅ​ក្រោម​ដើមឈើ​ទៀត​ផង ពេល​នោះ​កូនសិស្ស​ថ្នាក់​ខ្លះ បាន​បង់លុយ ស្ទើរ​គ្រប់​ៗ​គ្នា ឯ​កូនសិស្ស​ខ្លះ​ទៀត ប្រាប់​ថា ចាំ​ថ្ងៃស្អែក ព្រោះ​ចាំ​សុំ​លុយ​ពី​ម៉ែឪ សិន ។

កូនសិស្ស​ថ្នាក់​ទី​១១ និយាយ​ទៀត​ថា លោកគ្រូ​នាយករង​នោះ បាន​កំណត់​ថា ត្រូវ​ប្រមូល​លុយ​យ៉ាង​យូរ​ត្រឹម​ថ្ងៃ​សៅរ៍​ខាង​មុខ​នេះ ហើយ​លោកគ្រូ​ដែល​ទៅ​ទារ​លុយ​នោះ បាន​ប្រាប់​ទៀត​ថា ដោយសារ​សាលា​គ្មាន​លទ្ធភាព​បង់ថ្លៃ​ទឹក​ភ្លើង ពោល​គឺ​ជំពាក់​លុយ​ទឹក​ភ្លើង​យូរ​មក​ហើយ បើ​មិន​បង់​អោយ​គេ​ទេ អគ្គិសនី​នឹង​មក​កាត់​ផ្តាច់​ភ្លើង​សាលា​មិន​ខាន ៕
ដោយ​៖ ចែវ គុល

អត្ថបទសរសេរ ដោយ