ចំនួនអ្នកស្លា.ប់អាចឡើងដល់២ម៉ឺននាក់ ក្នុងគ្រោះមហន្តរាយទឹកជំនន់អាក្រក់បំផុតនៅលីប៊ី
ប្រទេសលីប៊ី ៖ តាមរ៉យទ័រ និង AFP ថា លោកអាប់ឌូលមេណាមអាល់ហ្គាយធី អភិបាលក្រុង DERNA
ប្រទេសលីប៊ី ៖ តាមរ៉យទ័រ និង AFP ថា លោកអាប់ឌូលមេណាមអាល់ហ្គាយធី អភិបាលក្រុង DERNA នាភាគឦសានលីប៊ីដែលរងការវាយបំផ្លាញសែនទារុណបំផុតដោយគ្រោះទឹកជំនន់មកពីព្យុះមួយ ថ្លែងកាលពីថ្ងៃទី១៣ កញ្ញា តាមទូរទស្សន៍ AL -ARABYA TV ថា ចំនួនមនុស្សស្លា.ប់ដោយសារទឹកជំនន់ក្នុងទីក្រុងរបស់លោក អាចកើនច្រើនបំផុតដល់២០.០០០នាក់។ គួររំលឹកថា ទឹកជំនន់នៅលីប៊ី ចំនួនអ្នកស្លា.ប់ឡើងដល់ជាង២ពាន់នាក់ និងបា.ត់ខ្លួន១ម៉ឺននាក់
តុល្យការផ្លូវការចុងក្រោយមួយចេញផ្សាយនាពេលមុននេះ រៀបរាប់ពីមនុស្សស្លាប់ជាង៣៨០០នាក់ក្នុងតំបន់ក្រុងនោះ ។ ប៉ុន្តែអាជ្ញាធរយល់ថាតុល្យការពិតជាធ្ងន់ធ្ងរជាងនេះឆ្ងាយណាស់ ខណៈមនុស្សច្រើនពាន់នាក់នៅតែបាត់ខ្លួន ។ ទីក្រុង DERNA រងការវាយប្រហារកាលពីថ្ងៃទី១០មក១១ កញ្ញា ដោយព្យុះមួយឈ្មោះDANIEL អមដោយភ្លៀងធ្លាក់យ៉ាងគំហុកបំផុតនាំឲ្យមានទឹកជំនន់ដ៏អាក្រក់មហាប្រល័យ ។
អង្គការអន្តោប្រវេសន៍អន្តរជាតិ ក្នុងរបាយការណ៍មួយស្ដីពីសភាពការណ៍នៅភាគខាងកើតលីប៊ីគូសបញ្ជាក់ថា មនុស្សយ៉ាងតិច៣០.០០០នាក់បាននាំគ្នាភៀសខ្លួនចេញពីទីក្រុងមានប្រជាជន១០០.០០០នាក់នោះ ។ ដោយឃើញទំហំនៃគ្រោះមហន្តរាយនេះ ប្រទេសជាច្រើនលើពិភពបានបញ្ចូនជំនួយមក ។ គណៈកម្មាធិការអឺរ៉ុបប្រកាសនាថ្ងៃទី១៣ កញ្ញា ពីការបញ្ជូនជំនួយអាលឺ្លម៉ង់ ហ្វាំងឡង់និងរូម៉ានីមកកាន់លីប៊ី ។ បារាំងបញ្ជូនយន្តហោះ១គ្រឿងមក ដែលដឹកអ្នកជួយសង្គ្រោះ៤០នាក់ និងសម្ភារពេទ្យច្រើនតោនព្រមទាំងមន្ទីរពេទ្យចល័តមួយមកកាន់លីប៊ី។
ប្រទេសអេហ្ស៊ីបដែលជនជាតិខ្លួនយ៉ាងតិច១៤៥នាក់ ក៏ស្លា.ប់ដោយទឹកជំនន់នៅក្រុង DERNA
ដែរ គ្រោងរៀបចំជំរំសម្រាប់បណ្ដាអ្នកនៅរស់រានមានជីវិត ៕
ចែករំលែកព័តមាននេះ