ទឹកជំនន់នៅលីប៊ី ចំនួនអ្នកស្លា.ប់ឡើងដល់ជាង២ពាន់នាក់ និងបា.ត់ខ្លួន១ម៉ឺននាក់
ប្រទេសលីប៊ី ៖ ព្យុះឈ្មោះDANIELដែលមុននេះវា.យប្រហារលើប្រទេសប៊ុលហ្គារីនិងក្រិក បានបោក
ប្រទេសលីប៊ី ៖ ព្យុះឈ្មោះDANIELដែលមុននេះវា.យប្រហារលើប្រទេសប៊ុលហ្គារីនិងក្រិក បានបោកបក់មកដល់ឆ្នេរសមុទ្រលីប៊ីនិងវាយប្រហារភាគខាងកើតប្រទេសនោះកាលពីថ្ងៃទី១០កញ្ញា។ ព្យុះនោះបណ្ដាលឲ្យមានភ្លៀងធ្លាក់ខ្លាំងបំផុត ពិសេសក្នុងទីក្រុងDERNA ដែលនៅទីនោះមានមនុស្សស្លាប់ឡើងដល់ជាង២៣០០នាក់ដោយសារទឹកជំនន់។ នេះបើតាមសេចក្ដីរាយការណ៍របស់ពួកអ្នកជួយសង្គ្រោះ ចំណែកមនុស្សច្រើនពាន់នាក់នៅតែបា.ត់ខ្លួន។ គួររំលឹកថា ទឹកជំនន់ដ៏អាក្រក់បំផុតនៅលីប៊ី ស្លា.ប់យ៉ាងតិច១៥០នាក់ (វីដេអូ)
បណ្ដាសង្កាត់ទាំងមូលនៃទីក្រុងDERNAត្រូវទឹកជន់លិច បណ្ដាយានយន្តមិនអាចធ្វើចរាចរណ៍បាន ហើយប្រជាជនជាប់គាំងមិនអាចចេញទៅណារួច។ ដែនដីកសិកម្មនាភាគខាងត្បូងក្រុងនោះ ត្រូវទឹកជន់លិចមកពីភ្លៀងដែលធ្លាក់យ៉ាងគំហុក។
ប្រមុខរដ្ឋាភិបាលភាគខាងកើតលីប៊ីក៏ថ្លែងតាមទូរទស្សន៍ដែរថា បណ្ដាភូមិទាំងមូលរងការបំផ្លាញ។ ចំណែកលោកអូសសាម៉ាអាលីអ្នកនាំពាក្យរបស់ផ្នែកសង្គ្រោះបន្ទាន់ របស់រដ្ឋាភិបាលក្រុងទ្រីប៉ូលី ដែលអន្តរជាតិទទួលស្គាល់បញ្ជាក់ថា ក្រៅពីអ្នកស្លា.ប់មនុស្សប្រមាណ៧០០០នាក់ក៏រងរបួសដែរដោយសារទឹកជំនន់។ តាមអ្នកនាំពាក្យនោះថា មនុស្សយ៉ាងតិច៦៥នាក់ទៀតក៏ត្រូវស្លា.ប់ដែរ ដោយសារព្យុះនៅតាមទីក្រុងនិងមូលដ្ឋានដទៃៗទៀតនាភាគខាងកើតលីប៊ី។ លោកថាសភាពការណ៍នៅក្រុងDERNA ពិតជាគួរឲ្យក្ដុកក្ដួលបំផុត។ យើងត្រូវការជំនួយថែមទៀតដើម្បីជួយសង្គ្រោះជីវិតមនុស្ស ព្រោះមនុស្សច្រើននាក់នៅជាប់ក្រោមគំនរបាក់បែកនៅឡើយ។
អាជ្ញាធរភាគខាងកើតលីប៊ីអះអាងថា មនុស្សច្រើនពាន់នាក់ស្លាប់ ក្នុងទឹកជំនន់នៅក្រុងDERNA។ កាកបាតក្រហមរៀបរាប់ថា ក្នុងទីក្រុងមានប្រជាជន១០០.០០០នាក់នោះតុល្យការជនរងគ្រោហពិតជាធ្ងន់ធ្ងរខ្លាំងណាស់។ តួលេខជនរងគ្រោះនៅតែបណ្ដោះអាសន្ននិងមិនទាន់ច្បាស់។ ចំនួនមនុស្សស្លា.ប់នៅមិនទាន់ស្ថាពរសម្រាប់ពេលនេះ ដោយចំនួនអ្នកបា.ត់ខ្លួនមានដល់ខ្ទង់១០.០០០នាក់៕
ចែករំលែកព័តមាននេះ