១ក្រុមបង្ហោះម៉ូតូលើផ្លូវជាតិលេខ៤ ថតបង្អួតតាមហ្វេសប៊ុក ត្រូវនគរបាលស្រាវជ្រាវឃាត់បានហើយ
- កំពង់ស្ពឺ
ខេត្តកំពង់ស្ពឺ ៖ យុវជនមួយក្រុមមានគ្នាចំនួន៤នាក់ត្រូវបានកម្លាំងនគរបាលខេត្តកំពង់ស្ពឺឃាត់
ខេត្តកំពង់ស្ពឺ ៖ យុវជនមួយក្រុមមានគ្នាចំនួន៤នាក់ត្រូវបានកម្លាំងនគរបាលខេត្តកំពង់ស្ពឺឃាត់
ខេត្តកំពង់ស្ពឺ ៖ យុវជនមួយក្រុមមានគ្នាចំនួន៤នាក់ត្រូវបានកម្លាំងនគរបាលខេត្តកំពង់ស្ពឺឃាត់ខ្លួន ក្រោយពីបង្ហោះម៉ូតូ ហើយប្រជាពលរដ្ឋរាយការណ៍ នគរបាលស្រាវជ្រាវឃាត់បាន។
ការឃាត់ខ្លួនយុវជន១ក្រុមខាងលើនេះបានធ្វើឡើងកាលពីល្ងាចថ្ងៃទី១៣ ខែកញ្ញា ឆ្នាំ២០២៣ ក្រោយទទួលបានព័ត៌មានតាមបណ្ដាញសង្គមហ្វេសប៊ុក អំពីហេតុការណ៍យុវជន១ក្រុមបង្ហោះម៉ូតូតាមផ្លូវជាតិលេខ៤។
ក្រោយទទួលបានព័ត៌មានខាងលើភ្លាម លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ បានបញ្ជាឲ្យជំនាញធ្វើការស្រាវជ្រាវរហូតដឹងនិងស្គាល់អត្ដសញ្ញាណក្រុមយុវជនដែលបង្ហោះម៉ូតូ ជាក់ស្ដែងដោយមានកិច្ចសហការពីកំលាំងនគរបាលមូលដ្ឋានស្រុកសំរោងទង ប៉ុស្ដិ៍នគរបាលរដ្ឋបាល ជំនាញព្រហ្មទណ្ឌកំរិតស្រាល នៃស្នងការដ្ឋាននគរបាលខេត្ដបានធ្វើការនាំក្រុមក្មេងទំនើងរួមជាមួយម៉ូតូយកមកសាកសួរ។
នគរបាលខេត្តកំពង់ស្ពឺបាននិយាយឱ្យដឹងថា ក្រុមក្មេងដែលសមត្ថកិច្ចនគរបាលឃាត់មានចំនួន ៤នាក់ , ម៉ូតូចំនួន ០២គ្រឿង ជាមធ្យោបាយ។
នគរបាលខេត្តកំពង់ស្ពឺបានបញ្ជាក់ថានៅមុនពេលឃាត់ក្រុមក្មេងទំនើងនោះ កាលពីថៃ្ងទី១២ ខែកញ្ញា ឆ្នាំ២០២៣ បន្ទាប់ពីយុវជន១ក្រុមមិនបានចូលសាលារៀននោះ បែរជានាំគ្នាទៅបង្ហោះម៉ូតូ នៅតាមបណ្ដោយផ្លូវជាតិលេខ៤ ក្នុងទិសដៅពីលិចទៅទិសខាងកើត រវាងក្រុងច្បារមន និងស្រុកសំរោងទង នៃទឹកដីខេត្តកំពង់ស្ពឺ ។
នគរបាលខេត្តដដែលបានបញ្ជាក់ថា ក្រោយពីធ្វើការសួរនាំ យុវជន១ក្រុមបានឆ្លើយសារភាពថាពួកគេពិតជាបានធ្វើការបង្ហោះម៉ូតូ និងថតវីដេអូបង្ហោះតាមបណ្ដាញសង្គមហ្វេសប៊ុក ចែករំលែកជាសាធារណៈ ដោយចង់បង្អួតដល់អ្នកដទៃថាខ្លួនអស្ចារ្យ។
បច្ចុប្បន្ន យុវជន១ក្រុមខាងលើត្រូវបានធ្វើកិច្ចសន្យានិងអញ្ជើញមាតាបិតាមកទទួលដឹងឮ ដើម្បីបញ្ឈប់សកម្មភាពដូចខាងលើ ក្នុងករណីមិនរាងចាល សមត្ថកិច្ចនឹងអនុវត្ដតាមផ្លូវច្បាប់ ៕
ចែករំលែកព័តមាននេះ