ខេត្តកំពត ៖ ទារិកាអាយុ៣ខែម្នាក់កើតមកមានលក្ខណៈចម្លែកព្រោះនៅលើរាងកាយរបស់នាងតូចមានស្បែកពណ៌សផង និងស្បែកពណ៌ខ្មៅផង ហើយស្បែកពណ៌ខ្មៅមានដុះរោមវែងៗទៀតផង ។ ស្ត្រីជាម្តាយទារិកាចម្លែកឈ្មោះសែម មុំ អាយុ៣០ឆ្នាំ នៅភូមិជ្រោះតាសោម ឃុំប្រា សាទភ្នំខ្យង ស្រុកកំពង់ត្រាច បានរៀបរាប់ថា
ខេត្តកំពត ៖ ទារិកាអាយុ៣ខែម្នាក់កើតមកមានលក្ខណៈចម្លែកព្រោះនៅលើរាងកាយរបស់នាងតូចមានស្បែកពណ៌សផង និងស្បែកពណ៌ខ្មៅផង ហើយស្បែកពណ៌ខ្មៅមានដុះរោមវែងៗទៀតផង ។
ស្ត្រីជាម្តាយទារិកាចម្លែកឈ្មោះសែម មុំ អាយុ៣០ឆ្នាំ នៅភូមិជ្រោះតាសោម ឃុំប្រា សាទភ្នំខ្យង ស្រុកកំពង់ត្រាច បានរៀបរាប់ថា ពិតជាចម្លែក ព្រោះកូនគេដទៃកើតមកមានសម្បុរស្អាតបាត តែដោយឡែកកូនស្រីគាត់មានស្បែកសផង និងខ្មៅផង ហើយនៅលើស្បែកខ្មៅមានដុះរោមទៀត ។ ស្ត្រីជាម្តាយបាននិយាយថា ពេលមានផ្ទៃពោះគាត់នៅស្រុកខ្មែរទេ តែដោយសារជីវភាពគ្រួសារខ្សត់ខ្សោយមិនគ្រប់គ្រាន់គាត់ក៏នាំប្តីទៅស៊ីឈ្នួលគេនៅស្រុកថៃ ហើយមិនបានប៉ុន្មានខែផង ក៏បានឆ្លងទន្លេ ស្រាប់តែក្រុមគ្រូពេទ្យថៃភ្ញាក់ផ្អើលប្រាប់គាត់ថា កូនរបស់គាត់មានស្បែក២ពណ៌លាយគ្នា ហើយក្រុមគ្រូពេទ្យបាននិយាយថា ទារិកានេះចម្លែក ។ ស្ត្រីជាម្តាយបាននិយាយប្រាប់បន្តថា ដោយសារតែមានការបាញ់ផ្លោងដាក់គ្នានៅតាមព្រំដែន ខាងតម្រួតសៀមបានបណ្តេញគាត់ឱ្យត្រឡប់មកស្រុកកំណើតវិញ ។
ស្ត្រីរូបនោះអះអាងថា ពេលដែលគាត់ចាប់មានផ្ទៃពោះគឺមិនបានសុបិនឃើញអ្វីទេ តែពេលនេះគាត់មានការព្រួយបារម្ភថា ពេលដែលកូននោះមានអាយុត្រឹមតែមួយខួបប្រហែលជាដុះរោមពេញខ្លួនមិនខាន ។
ដោយឡែកអ្នកភូមិផងរបងជាប់គ្នាតែងតែនាំគ្នាមកសាកសួរ និងមើលកូនរបស់គាត់ ដែលមានភាពចម្លែកខុសគេ ។ អ្នកខ្លះបាននិយាយថា កូនស្រីគាត់បានស្លាប់ពីរជាតិហើយត្រូវបានគេដៅ ទើបមានស្នាមខ្នៅបែបនេះ ។ ទោះបីជាបែបណា មិនមានការបង្ហាញហេតុបែបណា ទើបធ្វើឱ្យរាងកាយក្មេងស្រីតូចនេះ ស្ថិតក្នុងភាពចម្លែកបែប នេះឡើយ ៕
ចែករំលែកព័តមាននេះ