ខេត្តព្រៃវែង ៖ គ្រោះថ្នាក់ចរាចរណ៍មួយបានកើតឡើងបណ្តាលឱ្យបុរសជាប្តីស្លា.ប់នៅនឹងកន្លែងកើតហេតុ ឯស្ត្រីជាប្រពន្ធដែលជិះពីខាងក្រោយរងរបួសធ្ងន់ ។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង១១និង៣៩នាទីព្រឹកថ្ងៃទី១៣ ឧសភា កន្លងមក នៅលើកំណាត់ផ្លូវជាតិលេខ១ ខាងកើតស្ពានស្ទឹងស្លូត ប្រហែលជាង១០០ម៉ែត្រ
ខេត្តព្រៃវែង ៖ គ្រោះថ្នាក់ចរាចរណ៍មួយបានកើតឡើងបណ្តាលឱ្យបុរសជាប្តីស្លាប់នៅនឹងកន្លែងកើតហេតុ ឯស្ត្រីជាប្រពន្ធដែលជិះពីខាងក្រោយរងរបួសធ្ងន់ ។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោង១១និង៣៩នាទីព្រឹកថ្ងៃទី១៣ ឧសភា កន្លងមក នៅលើកំណាត់ផ្លូវជាតិលេខ១ ខាងកើតស្ពានស្ទឹងស្លូត ប្រហែលជាង១០០ម៉ែត្រ ស្ថិតក្នុងឃុំកំពង់សឹង ស្រុកព្រះស្តេច ។
បុរសដែលស្លាប់ក្នុងឧបទ្ទវហេតុខាងលើនេះ ឈ្មោះពៅ សំបូរ អាយុ២៩ឆ្នាំ មានទីលំនៅក្នុងរាជធានីភ្នំពេញ បើកម៉ូតូស៊េរី២០១១ ពាក់ស្លាកលេខ 1AS-8229 ចំណែកប្រពន្ធឈ្មោះស៊ិន សុខា អាយុ២៧ឆ្នាំ ដែលជិះពីក្រោយរងរបួសធ្ងន់ ។ តាមប្រភពព័ត៌មាននៅកន្លែងកើតហេតុក៏ដូចជាប្រពន្ធរបស់បុរសដែលស្លាប់ក្នុងហេតុការណ៍នេះឱ្យដឹងថា នៅថ្ងៃទី១២ ឧសភា រូបនាង និងស្វាមី បានធ្វើដំណើរពីភ្នំពេញទៅខេត្តស្វាយរៀង ដើម្បីទៅភ្ជាប់ពាក្យបង ហើយក៏បានសម្រាកនៅទីនោះមួយប់ លុះព្រឹកឡើងវេលាម៉ោង៩និង១០នាទីព្រឹកថ្ងៃទី១៣ ឧសភា ក៏ធ្វើដំណើរទៅភ្នំពេញវិញ ។ ខណៈមកដល់ចំណុចខាងលើហាក់ដូចជាមានអារម្មណ៍ងងុយដេក ក៏ដេកលើខ្នងប្តីបន្តិច ស្រាប់តែឮសំឡេងរថយន្តបើកមកពីក្រោយ ហើយកៀរម៉ូតូដែលកំពុងបើកឱ្យដួលត្រឡប់ត្រឡិន បណ្តាលឱ្យប្តីនាងរងរបួសបាក់ដៃឆ្វេង និងរយះពោះត្រង់ផ្ចិត ។
នាងបន្តថា ដោយគ្មានការជួយអន្តរាគមន៍ភ្លាមៗទើបបណ្តាលឱ្យប្តីនាងស្លាប់ ចំណែករូបនាងត្រូវបានប្រជាពលរដ្ឋជួយដឹកមកសង្គ្រោះនៅមន្ទីរពេទ្យបង្អែកអ្នកលឿង។ ភរិយាដែលរងរបួសធ្ងន់នេះ មានទម្ងន់៤ខែផងដែរ ចំណែករថយន្តបានបើករត់គេចបាត់ស្រមោល ៕
ចែករំលែកព័តមាននេះ