គណបក្សលោកពូទីន ឈ្នះការបោះឆ្នោតក្នុងតំបន់អ៊ុយក្រែនដែលរុស្សុីបញ្ចូលជាឧបសម្ព័ន្ធ
សង្គ្រាមអ៊ុយក្រែន ៖ ក្រុងមូស្គូប្រកាសកាលពីយប់ថ្ងៃទី១០ កញ្ញា ពីជោគជ័យនៃគណបក្សរបស់លោក
សង្គ្រាមអ៊ុយក្រែន ៖ ក្រុងមូស្គូប្រកាសកាលពីយប់ថ្ងៃទី១០ កញ្ញា ពីជោគជ័យនៃគណបក្សរបស់លោកវ្ល៉ាឌីមៀរពូទីន ក្នុងការបោះឆ្នោតដែលរៀបចំធ្វើ ក្នុងបណ្ដាដែនដីដែលរុស្ស៊ីបញ្ចូលជាឧបសម្ព័ន្ធនៅអ៊ុយក្រែន ក្នុងលទ្ធផលខ្ទង់ជាង៧០% ក្នុងការបោះឆ្នោតដែលអ៊ុយក្រែននិងបណ្ដាសម្ព័ន្ធមិត្តចាត់ទុកថាខុសច្បាប់។ នេះបើតាមសេចក្ដីរាយការណ៍កាលពីថ្ងៃទី១១កញ្ញារបស់ទីភ្នាក់ងារព័ត៌មានAFP។
ប្រធានគណៈកម្មាធិការបោះឆ្នោតរុស្ស៊ី លោកស្រីអែលឡាប៉ាមហ្វីឡូវ៉ា បានសាទរចំពោះការបោះឆ្នោតនេះ ដែលប្រព្រឹត្តទៅដោយល្អប្រសើរនិងមានការបំពា.នតិចតួច។ ជាមួយការបោះឆ្នោតនេះដែលមានរយៈពេលដល់៣ថ្ងៃពីថ្ងៃទី៨ដល់ទី១០ កញ្ញា ក្រុងមូស្គូប៉ុនប៉ងធ្វើឲ្យស្របច្បាប់ ចំពោះបណ្ដាដែនដីដែលខ្លួនបញ្ចូលជាឧបសម្ព័ន្ធនៅភាគខាងកើតនិងភាគខាងត្បូងអ៊ុយក្រែន។
ទោះបីមានការថ្កោលទោសខ្លាំងក្លាពីពួកលោកខាងលិច ក៏រុស្ស៊ីប្រកាសកាលពីខែកញ្ញាឆ្នាំ២០២២ ការបញ្ចូលជាឧបសម្ព័ន្ធដែនដីអ៊ុយក្រែន៤តំបន់ដែលខ្លួនកាន់កាប់មួយផ្នែកធំ គឹតំបន់ហ្សាប៉ូរីហ្សា ដូណេតស្ក៍ លូហ្គានស្ក៍ និងឃ័រសុន ក្រោយការបោះប្រជាមតិដែលសហគមន៍អន្តរជាតិមិនទទួលស្គាល់។ ការប្រយុទ្ធគ្នានៅតំបន់ទាំងនេះនៅតែខ្លាំងក្លា ហើយកងទ័ពអ៊ុយក្រែនបានបើកការវា.យបកមួយ។
ពលរដ្ឋរុស្ស៊ីកាលពីថ្ងៃទី១០ កញ្ញា ក៏បោះឆ្នោតតំបន់ដែលមិនបានផ្អាកឡើយ ទោះបីសំឡេងរិះគន់ប្រឆាំងសង្គ្រាមនៅអ៊ុយក្រែនត្រូវបង្ក្រាបមិនត្រាប្រណីក៏ដោយចុះ ៕
ចែករំលែកព័តមាននេះ