រាជធានីភ្នំពេញ ៖ រថយន្តមួយគ្រឿងម៉ាកកាមរី ពណ៌ស ពាក់ស្លាកលេខ ភ្នំពេញ 2C-7640 ត្រូវអ្នកបើកបរឈ្មោះថាន់ ហ្វុង ភេទប្រុស អាយុ៥៣ឆ្នាំ បើកបុកបង្គោលថ្មឡើងលើខឿនចិញ្ចើមផ្លូវ បណ្តាលឱ្យកល់កង់ជាប់ទៅមុខលែងរួច ។ ហេតុការណ៍នេះបានកើតឡើងនៅលើចិញ្ចើមផ្លូវព្រះសុធារស ជាប់របងស្ថានទូតសហព័ន្ធរុស្ស៊ី ស្ថិតក្នុងសង្កាត់
រាជធានីភ្នំពេញ ៖ រថយន្តមួយគ្រឿងម៉ាកកាមរី ពណ៌ស ពាក់ស្លាកលេខ ភ្នំពេញ 2C-7640 ត្រូវអ្នកបើកបរឈ្មោះថាន់ ហ្វុង ភេទប្រុស អាយុ៥៣ឆ្នាំ បើកបុកបង្គោលថ្មឡើងលើខឿនចិញ្ចើមផ្លូវ បណ្តាលឱ្យកល់កង់ជាប់ទៅមុខលែងរួច ។ ហេតុការណ៍នេះបានកើតឡើងនៅលើចិញ្ចើមផ្លូវព្រះសុធារស ជាប់របងស្ថានទូតសហព័ន្ធរុស្ស៊ី ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង១២កណ្តាលអធ្រាត្រថ្ងៃទី១៣ ឈានចូលថ្ងៃទី១៤ ឧសភា ២០១១ ។
គ្រោះថ្នាក់ចរាចរណ៍នេះពុំបណ្តាលឱ្យមានមនុស្សណាម្នាក់រងរបួសឡើយ តែនៅកន្លែងកើតហេតុគេបានសង្កេតឃើញបង្គោលថ្មខ្លីៗដាំនៅលើចិញ្ចើមផ្លូវចំនួន២ដើម ត្រូវបាក់ខូចខាតទាំងស្រុងហើយរថយន្តបង្កហេតុក៏ទទួលរងការខូចខាតផងដែរ ។ លោកចាន់ ហ្វុង ដែលជាអ្នកបើកបររថយន្តបង្កហេតុខាងលើ បាននិយាយនៅកន្លែងកើតហេតុថា មូលហេតុដែលរូបលោកជួបគ្រោះថ្នាក់ចរាចរណ៍បែបនេះ គឺដោយសាររូបលោកជាប់និយាយទូរស័ព្ទហើយបើកបរភ្លេចមើលផ្លូវកោងក៏ជ្រុលចង្កូតបុកខឿនថ្ម និងបង្គោលថ្មជាប់ឆ្កឹង បើកទៅមុខលែងរួចតែម្តង ។
ករណីគ្រោះថ្នាក់ចរាចរណ៍ដោយឡែកមួយទៀតបានកើតឡើងនៅលើកំណាត់ផ្លូវព្រះមុនីវង្ស ត្រង់ចំណុចមុខរដ្ឋលេខាធិការមុខងារសាធារណៈស្ថិតក្នុងសង្កាត់បឹងកេងកងទី៣ ខណ្ឌចំការមន បង្កឡើងដោយសារថយន្តម៉ាកឡិចស៊ីស ពណ៌ស្ករ មួយគ្រឿង ពណ៌ទឹកប្រាក់បានបើកបរបុករបាំងថ្មចែកទ្រូងផ្លូវ ហើយជ្រុលទៅបុករថយន្តម៉ាកឡិចស៊ីស ពណ៌ខ្មៅមួយគ្រឿងទៀតដែលចតនៅស្ងៀម បន្ទាប់មកបានជ្រុលទៅបុករបងទីស្នាក់ការរដ្ឋលេខាធិការមុខងារសាធារណៈជាប់ទ្រឹងទៅមុខលែងរួច ។ ហេតុការណ៍នេះបានកើតឡើងកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១៥ ឧសភា ២០១១ ហើយមិនមានមនុស្សណារងរបួសឡើយ តែរថយន្ត២គ្រឿងគឺរថយន្តបង្កហេតុ និងរថយន្តឡិចស៊ីស ពណ៌ខ្មៅ ដែលឈប់ចតស្ងៀមនៅលើចិញ្ចើមផ្លូវទទួលរងការខូចខាតគ្រាន់បើ៕
ចែករំលែកព័តមាននេះ