រុស្ស៊ីពង្រាយទាហានដល់ជាង៤០ម៉ឺននាក់តាមតំបន់កាន់កា.ប់នៅអ៊ុយក្រែន
សង្គ្រាមអ៊ុយក្រែន ៖ ឧត្ដមសេនីយខាងផ្នែកស៊ើបការណ៍យោធាអ៊ុយក្រែន១រូប អះអាងកាលពីថ្ងៃទី៩
សង្គ្រាមអ៊ុយក្រែន ៖ ឧត្ដមសេនីយខាងផ្នែកស៊ើបការណ៍យោធាអ៊ុយក្រែន១រូប អះអាងកាលពីថ្ងៃទី៩កញ្ញាថា រុស្ស៊ីបានដាក់ពង្រាយកងទាហានខ្លួនដល់ទៅ៤២០.០០០នាក់ នៅភាគខាងកើតនិងភាគខាងត្បូងអ៊ុយក្រែន។
ឧត្ដមសេនីយរូបនេះលោកវ៉ាឌីមស្គីប៊ីតស្គី មេបញ្ចាការរងផ្នែកស៊ើបការណ៍យោធា ក្នុងផ្ទៃក្រសួងការពារប្រទេសអ៊ុយក្រែន ក្នុងសន្និសីទសារព័ត៌មានមួយថ្លែងថា ក្នុងដែនដីយើងក្នុងនោះមានតំបន់គ្រីមេដែរ ដែលស្ថិតក្នុងការកាន់កាប់បណ្ដោះអាសន្ន រុស្ស៊ីបានដាក់ពង្រាយកងទាហានដល់ទៅ៤២០.០០០នាក់។ តួលេខនោះមិនរាប់បញ្ចូលកងឆ្មាំជាតិរុស្ស៊ី និងបណ្ដាអ្នកទទួលខុសត្រូវថែរក្សាអំណាចកាន់កាប់ ក្នុងដែនដីយើងផងទេ។ លោកបន្តថាចាប់តាំងពី១ខែមកហើយ រុស្ស៊ីបានប្រើប្រាស់ឧបទ្វីបគ្រីមេ ដើម្បីវា.យប្រហារបណ្ដាហេដ្ឋារចនាសម្ព័ន្ធកំពង់ផែនៅភាគខាងត្បូងអ៊ុយក្រែន។
បណ្ដាដ្រូនដែលដាក់ពង្រាយនៅគ្រីមេ បានប្រើប្រឆាំងកំពង់ផែអ៊ីស្មាអ៊ីល និងរឺនីរបស់យើង ដែលកំពង់ផែទាំងនេះជាច្រកនាំចេញគ្រាប់ធញ្ញជាតិអ៊ុយក្រែនចេញតាមសមុទ្រខ្មៅ រហូតដល់រុស្ស៊ីដើរចេញកាលពីខែកក្កដា ពីកិច្ចព្រមព្រៀងនាំគ្រាប់ធញ្ញជាតិចេញ៕
ចែករំលែកព័តមាននេះ