ចិត្តដាច់ម៉្លេះ! ម្តាយលើកដៃប្រល័.យជីវិតកូន ព្រោះតែមូលហេតុមួយនេះ
- កណ្តាល
ខេត្តកណ្តាល ៖ មានរឿងរ៉ាវដ៏គួរឲ្យភ្ញាក់ផ្អើលមួយបានកើតឡើងកាលពីម៉ោង៧និង៣០នាទីព្រឹកថ្ងៃ
ខេត្តកណ្តាល ៖ មានរឿងរ៉ាវដ៏គួរឲ្យភ្ញាក់ផ្អើលមួយបានកើតឡើងកាលពីម៉ោង៧និង៣០នាទីព្រឹកថ្ងៃទី៨ ខែកញ្ញា ឆ្នាំ២០២៣ នេះ ស្ថិតនៅភូមិបឹងក្រចាប់ត្បូង ឃុំព្រែកតាមាក់ ស្រុកខ្សាច់កណ្តាល ដោយមានស្ត្រីម្នាក់បានយកកូនអាយុទើប៣ខែ២០ថ្ងៃ ទៅជ្រមុជក្នុងធុងទឹករហូតដល់ស្លា.ប់ ដោយសារខឹងប្តីមានស្រី ហើយស្ត្រីជាម្តាយរូបនោះក៏ត្រូវបានសមត្តកិច្ចឃាត់ខ្លួនដែរ ។
ជនសង្ស័យជាម្តាយឈ្មោះ នៅ ស្រីណៃ អាយុ២៤ឆ្នាំ ចំណែកប្តីឈ្មោះ នៅ រតនា អាយុ២០ ឆ្នាំ មុខរបរ ជាកម្មករលើកស្រាបៀរ រស់នៅភូមិឃុំកើតហេតុ ។ រីឯជនរងគ្រោះជាកូនឈ្មោះ នៅ រតនា វីសាល ភេទប្រុស អាយុ៣ខែ២០ថ្ងៃ ។
តាមសេចក្តីរាយការឲ្យដឹងថា កន្លងមកជនសង្ស័យ និងប្ដី ឧស្សាហ៍ឈ្លោះទាស់ទែងគ្នាណាស់ ដោយសារប្រពន្ធខឹងប្ដីមានស្រីច្រើន ។ លុះនៅព្រឹកថ្ងៃទី៨ ខែកញ្ញា ជនសង្ស័យដែលស្ត្រីជាម្តាយបានដាក់កូនក្នុងអង្រឹងឲ្យដេក ហើយអង្គុយចាំមើល ពេលប្ដីចេញទៅធ្វើការ និងម្ដាយក្មេកចេញទៅផ្សារបាត់ ជនសង្ស័យឃើញសភាពស្ងាត់ ក៏បានលើកបីទារកចេញពីអង្រឹងដើរចូលទៅក្នុងបន្ទប់ទឹកក្នុងផ្ទះ ហើយយកក្បាលទារកជ្រមុជទឹកក្នុងធុងទឹក ទុកចោល រួចដើរទៅក្រៅផ្ទះធ្វើជាបោកខោអាវ រហូតដល់ម៉ោង៨ ម្ដាយក្មេកបានមកដល់ឃើញទារកនៅក្នុងធុងទឹកក៏ស្រែកឆោឡោ និងរាយការណ៍ជូនសមត្ថកិច្ច ។
ដោយមានការយកចិត្តទុកដាក់ពីសំណាក់លោកឧត្តមសេនីយ៍ទោ ស្នងការនគរបាលខេត្តកណ្តាល បានបញ្ជារទៅកម្លាំងសមត្ថកិច្ចជំនាញព្រហ្មទណ្ឌកម្រិតស្រាល នគរបាលបច្ចេកទេសវិទ្យាសាស្ត្រខេត្ត និងអង្គភាពការពារកុមារ(CPU)ឲ្យចុះទៅសហការជាមួយកម្លាំងផ្នែកនគរបាលយុត្តិធម៌ស្រុកខ្សាច់កណ្ដាល និងប៉ុស្តិ៍រដ្ឋបាល ដើម្បីធ្វើកោសល្យវិច្ច័យ ពិនិត្យកន្លែងកើតហេតុ ដោយប្រើពេលវេលា ៥ម៉ោង ក្រោយមកទើបរកឃើញជនសង្ស័យជាម្ដាយបង្កើតទារកនេះជាឃា.តករ ហើយត្រូវបានឃាត់ខ្លួន ។
ក្រោយពេលឃាត់ខ្លួន ជនសង្ស័យបានសារភាពថា មូលហេតុដែលខ្លួនឈានដល់ការសម្លា.ប់កូនខ្លួនឯងនោះ គឺព្រោះតែខឹងនឹងប្ដីខ្លួនមានស្រីច្រើន ។ យោងតាមចម្លើយសារភាពពាក់ព័ន្ធបទល្មើសជាក់ស្តែងជាអំពើឃា.តកម្ម សមត្ថកិច្ចបានរៀបចំកសាងសំណុំបញ្ជូនជនសង្ស័យទៅសាលាដំបូងខេត្តតាមនីតិវិធី ៕
ចែករំលែកព័តមាននេះ