បុគ្គលិកធនាគារម្នាក់ដើរទៅបន្ទប់ទឹក លុះ២០នាទីក្រោយម្តាយក្មេកដើរទៅដែរ ប្រទះឃើញយ៉ាងរន្ធ.ត់
- ប៉ៃលិន
ខេត្តប៉ៃលិន ៖ បុគ្គលិកធនាគារម្នាក់បានស្លា.ប់នៅក្បែរបន្ទប់ទឹកទាំងព្រឹក ដោយសង្ស័យជំងឺ
ខេត្តប៉ៃលិន ៖ បុគ្គលិកធនាគារម្នាក់បានស្លា.ប់នៅក្បែរបន្ទប់ទឹកទាំងព្រឹក ដោយសង្ស័យជំងឺលើសឈា.មធ្វើទុក្ខ បណ្តាលឱ្យឈា.មឡើងខ្លាំងបុ.កដាច់សរសៃឈា.មខួរក្បាល ក្រោយពេលមិនស្រួល ខ្លួនទៅពិនិត្យសុខភាពនៅគ្លីនិកឯកជនកាលពីប៉ុន្មានថ្ងៃមុន ឃើញមានជំងឺលើសឈា.ម និងលើសជាតិស្ករផងដែរ។
ហេតុការណ៍ខាងលើនេះបានកើតឡើងកាលពីវេលាម៉ោង៦និង២០នាទីព្រឹកថ្ងៃទី៧ ខែកញ្ញា ឆ្នាំ២០២៣ ស្ថិតនៅក្នុងភូមិថ្មី សង្កាត់ទួលល្វា ក្រុងប៉ៃលិន ខេត្តប៉ៃលិន ។
តាមប្រភពព័ត៌មានពីមន្ត្រីនគរបាលបានឱ្យដឹងថា ជនរងគ្រោះឈ្មោះ កែវ សារី ភេទប្រុស អាយុ៤១ឆ្នាំ ជាបុគ្គលិកធនាគារ រស់នៅក្នុងភូមិកើតហេតុខាងលើ។
តាមប្រភពដដែលបន្តទៀតថា បើតាមការបំភ្លឺរបស់ប្រពន្ធជនរងគ្រោះ គឺនៅវេលាម៉ោង៦ព្រឹក ជនរងគ្រោះ បានក្រោកពីដំណ ក រួចដើររតម្រង់ឆ្ពោះទៅក្នុងបន្ទប់ទឹកនៅខាងក្រោយផ្ទះ រហូតដល់ម៉ោង៦និង២០នាទីព្រឹកថ្ងៃដដែល ស្រាប់តែម្ដាយក្មេកដើរទៅបន្ទប់ទឹកដែរ ក៏ប្រទះឃើញជនរងគ្រោះដេកដួលផ្កាប់មុខនៅក្បែរបន្ទប់ទឹកនោះ ហើយភ្លាមៗគាត់បានស្រែកហៅប្រពន្ធជនរងគ្រោះឱ្យរត់ទៅជួយលើកជនរងគ្រោះ យកទៅដាក់នៅខាងមុខផ្ទះ ដើម្បីរកវិធីជួយសង្គ្រោះដែរ តែជនរងគ្រោះជាប្តីបានដា.ច់ខ្យល់ស្លា.ប់បាត់ទៅហើយ។
ប្រពន្ធជនរងគ្រោះបានប្រាប់សមត្ថកិច្ចនគរបាលបន្ថែមទៀតថា កាលពី២-៣ថ្ងៃមុន ជនរងគ្រោះមានអាការៈមិនស្រួលក្នុងខ្លួន ឈឺក្បាល វិលមុខ ចុករោយក ហើយបានទៅធ្វើការពិនិត្យសុខភាពនៅបន្ទប់ពិគ្រោះព្យាបាលជំងឺទូទៅក្នុងគ្លីនិកយីហោ គឹម សំណាង ដោយលទ្ធផល បង្ហាញថា មានជំងឺលើសឈា.ម និងលើសជាតិស្ករតិចតួចផងដែរ។
តាមប្រភពបញ្ជាក់ថា ស.ពជនរងគ្រោះត្រូវបានក្រុមគ្រូពេទ្យជំនាញ នៃមន្ទីរសុខាភិបាលខេត្តប៉ៃលិន កម្លាំងជំនាញកោសល្យវិច្ច័យ នៃស្នងការដ្ឋាននគរបាលខេត្តប៉ៃលិន កម្លាំងផ្នែកពិនិត្យវិភាគកន្លែងកើតហេតុ នៃអធិការដ្ឋាននគរបាលក្រុងប៉ៃលិន កម្លាំងប៉ុស្តិ៍រដ្ឋបាលសង្កាត់ទួលល្វា ធ្វើកោសល្យវិច្ច័យពិនិត្យរកឃើញថា ជនរងគ្រោះពិតជាស្លា.ប់ដោយសារដាច់សរសៃឈាមខួរក្បាលប្រាកដមែន។ បច្ចុប្បន្នស.ពត្រូវបានក្រុមគ្រួសាររៀបចំធ្វើបុណ្យតាមប្រពៃណីនៅភូមិ/សង្កាត់ខាងលើ៕
ចែករំលែកព័តមាននេះ