អាមេរិកនឹងផ្ដល់គ្រាប់អ៊ុយរ៉ា់នីញ៉ូមដល់អ៊ុយក្រែនជាជំនួយថ្មីក្នុងទំហំទឹកប្រាក់ដ៏មហាសាល
សង្គ្រាមអ៊ុយក្រែន ៖ សហរដ្ឋអាមេរិកនឹងផ្ដល់ដល់អ៊ុយក្រែនគ្រាប់ប្រឆាំងរថក្រោះដែលមានសារធាតុ
សង្គ្រាមអ៊ុយក្រែន ៖ សហរដ្ឋអាមេរិកនឹងផ្ដល់ដល់អ៊ុយក្រែនគ្រាប់ប្រឆាំងរថក្រោះដែលមានសារធាតុអ៊ុយរ៉ានីញ៉ូមកម្រិតស្រាល ក្នុងក្របខណ្ឌនៃជំនួយថ្មីមានទឹកប្រាក់១ពាន់លានដុល្លារ ប្រកាសកាលពីថ្ងៃទី៦កញ្ញា។ បែបនេះក្នុងបំណងជួយទ្រទ្រង់ថ្មីដល់ការវាយលុកប្រឆាំងកងទ័ពរុស្ស៊ី។
ជំនួយនោះត្រូវបានប្រកាសនៅទីក្រុងគៀវ ដោយរដ្ឋមន្ត្រីការបរទេសអាមេរិក លោកអានតូនីប្លីនកេនដែលមកបំពេញទស្សនកិច្ចគួរឲ្យភ្ញាក់ផ្អើលមួយ កាលពីថ្ងៃទី៦កញ្ញានៅអ៊ុយក្រែន។ ក្នុងសន្និសីទសារព័ត៌មានមួយរួមជាមួយសមភាគីអ៊ុយក្រែនលោកឌីមីត្រូគូឡឺបាលោកប្លីនកេនថ្លែងថា ការវាយបកនាពេលបច្ចុប្បន្ន កំពុងតែមានការជឿនលឿនរយៈពេលប៉ុន្មានសប្ដាហ៍ចុងក្រោយនេះ ហើយជំនួយថ្មីនោះនឹងរួមចំណែកដល់ភាពជឿនលឿនថ្មីក្នុងការវាយបកនោះ។
ក្នុងទំហំជំនួយថ្មី១ពាន់លានដុល្លារនោះ ក្រៅពីគ្រាប់ប្រឆាំងរថក្រោះរួមមានជាពិសេស ប្រាក់៣០០លានដុល្លារសម្រាប់ថែរក្សាសន្តិសុខស៊ីវិលក្នុងបណ្ដាតំបន់រំដោះ ទឹកប្រាក់២០៦លានដុល្លារជាជំនួយមនុស្សធម៌ ២០០លានដុល្លារជួយទ្រទ្រង់ដល់បណ្ដាស្ថាប័នមូលដ្ឋាន ៨០លានដុល្លារសម្រាប់ការដោះមីន និង១០០លានដុល្លារសម្រាប់ការទិញបណ្ដាឧបករណ៍យោធានាពេលខាងមុខ។
ក្នុងកញ្ចប់់ជំនួយថ្មីនោះទឹកប្រាក់១៧៥លានដុល្លារ គ្រោងសម្រាប់ផ្ដល់គ្រាប់ទំហំ១២០មីល្លីម៉ែត្រ មានផ្ទុកអ៊ុយរ៉ានីញ៉ូមកម្រិតស្រាល សម្រាប់រថក្រោះប្រយុទ្ធអាមេរិកធុនABRAMS ដែលសន្យាផ្ដល់ដល់អ៊ុយក្រែន។ ក្នុងសេចក្ដីប្រកាសមួយមន្ទីរប៉ង់តាហ្កោនបញ្ជាក់ ថា រថក្រោះទាំងនោះនឹងមកដល់អ៊ុយក្រែនអំឡុងរដូវស្លឹកឈើជ្រុះខាងមុខនេះ។ សហរដ្ឋអាមេរិកក៏នឹងផ្ដល់ផងដែរប្រព័ន្ធការពារប្រឆាំងមីស៊ីល ក្នុងនោះមានប្រព័ន្ធបាញ់រ៉ុក្កែតហ្វូងធុនHIMARS និងបណ្ដាឧបករណ៍គមនាគមន៍។
ជាលើកដំបូងហើយដែលអាមេរិកផ្ដល់ដល់អ៊ុយក្រែនគ្រាប់អ៊ុយរ៉ានីញ៉ូមដែលអាចទម្លុះប្រព័ន្ធពាសដែក តែគ្រាប់ទាំងនោះអាចបង្កគ្រោះថ្នាក់ពុលដល់កងយោធានិងប្រជាជនស៊ីវិល៕
ចែករំលែកព័តមាននេះ