ប្រយ័ត្ន! អ្នកជំនាញព្រមា.នពីការធ្លាយទិន្នន័យផ្ទាល់ខ្លួន ដោយការលេងកម្មវិធីកែរូបគំនូរជីវចល
វៀតណាម ៖ អ្នកជំនាញផ្នែកសន្តិសុខប្រព័ន្ធអ៊ីនធឺណិតរបស់ប្រទេសវៀតណាម បានព្រមានអំពី
វៀតណាម ៖ អ្នកជំនាញផ្នែកសន្តិសុខប្រព័ន្ធអ៊ីនធឺណិតរបស់ប្រទេសវៀតណាម បានព្រមានអំពី
វៀតណាម ៖ អ្នកជំនាញផ្នែកសន្តិសុខប្រព័ន្ធអ៊ីនធឺណិតរបស់ប្រទេសវៀតណាម បានព្រមា.នអំពីហានិភ័យ នៃការបែកធ្លាយទិន្នន័យផ្ទាល់ខ្លួន បន្ទាប់ពីមានការកើនឡើងយ៉ាងគំហុក នៃអ្នកប្រើប្រាស់កម្មវិធីប្រើដោយបញ្ញាសិប្បនិម្មិត AI ដើម្បីបង្កើតរូបភាពទៅជាគំនូរជីវចលសម្រាប់ការកម្សាន្ត។
ជាក់ស្តែង «Loopsie» គឺជាកម្មវិធីស្មាតហ្វូន ដែលមានសមត្ថភាពកែរូបភាពមនុស្សទៅជាគំនូរជីវចល ដែលទាយចេញពីទិន្នន័យរូបថតក្នុងទូរស័ព្ទដៃអ្នកប្រើប្រាស់ កំពុងពេញនិយមខ្លាំងបំផុតនៅក្នុងសហគមន៍។ កម្មវិធីដ៏ពេញនិយមនេះ បានឈានដល់ការទាញយកទៅប្រើប្រាស់ដោយឥតគិតថ្លៃ ដោយឈរនៅចំណាត់ថ្នាក់លេខ១ នៅលើ App Store នៅក្នុងប្រទេសវៀតណាម។
លោក Vu Ngoc Son នាយកបច្ចេកទេស សាជីវកម្មបច្ចេកវិទ្យាសន្តិសុខតាមប្រព័ន្ធអ៊ីនធឺណិតជាតិវៀតណាម បានអះអាងថា រូបថតដែលថតជាមួយទូរសព្ទដៃជារឿយៗ នឹងផ្តល់ព័ត៌មានអំពីពេលវេលា ប្រភេទឧបករណ៍ដែលកំពុងប្រើប្រាស់ និងជាពិសេសទីតាំងដែលរូបថតបានថតចេញ។
ព័ត៌មានទាំងនោះ វាអាចសង្ខេបទម្លាប់ កាលវិភាគ ឬចលនារបស់អ្នកប្រើប្រាស់ ដូច្នេះមនុស្សគួរតែពិចារណា ប្រសិនបើពួកគេមិនចង់ឱ្យព័ត៌មានផ្ទាល់ខ្លួនត្រូវបែកធ្លាយ។
លោកបន្ថែមថា ការផ្តល់រូបថតជាច្រើនទៅកម្មវិធីមួយ ក៏នឹងបង្កឱ្យមានហានិភ័យផងដែរ ដោយសារតែរូបថតអាចត្រូវបានគេប្រើប្រាស់ ដើម្បីបង្កើតជាវីដេអូក្លែងក្លាយ។ អ្នកប្រើប្រាស់គួរតែប្រុងប្រយ័ត្នពេលចែករំលែកទិន្នន័យផ្ទាល់ខ្លួន ជាពិសេសទិន្នន័យផ្ទៃមុខ (Facial Data) ព្រមទាំងមនុស្សជាទីស្រឡាញ់របស់ពួកគេផងដែរ។
បន្ថែមលើសពីនេះ លោកក៏បានលើកឡើងថា ក្នុងការត្រួតពិនិត្យដោយប្រុងប្រយ័ត្ននោះ រូបថតគំនូរជីវចលមិនអាចដូចរូបដើមនោះទេ។ ទោះជាយ៉ាងណា មនុស្សនៅតែទទួលយក ហើយវាបានក្លាយជានិន្នាការដ៏ពេញនិយមយ៉ាងឆាប់រហ័ស ព្រោះពួកគេចាត់ទុករូបថតទាំងនោះ គ្រាន់តែជាការកម្សាន្តប៉ុណ្ណោះ។
យោងតាមអ្នកជំនាញផ្នែកព័ត៌មានវិទ្យាបានបង្ហាញថា ចាប់តាំងពីត្រូវបានបង្កើតឡើងនៅក្នុងឆ្នាំ ២០១៨ កម្មវិធី «Loopsie» ត្រូវបានគេស្គាល់តិចតួចប៉ុណ្ណោះ ប៉ុន្តែថ្មីៗនេះ បន្ទាប់ពីអ្នកបង្កើតកម្មវិធីបានអភិវឌ្ឍន៍មុខងារថ្មី ដើម្បីប្រើប្រាស់ AI ដែលមានឯកទេសក្នុងការផលិតរូបភាពនោះ កម្មវិធីនេះ បានផ្ទុះប្រជាប្រិយភាពយ៉ាងឆាប់រហ័សជាទីបំផុត។ វាចំណាយពេលត្រឹមតែ ១៥-២០វិនាទីប៉ុណ្ណោះ ដើម្បីផ្លាស់ប្តូររូបដើមទៅជារូបគំនូរជីវចល។
លោក Viet Khoi អ្នកជំនាញផ្នែកព័ត៌មានវិទ្យាបានលើកឡើងថា និន្នាការនៃការកែរូបថតមិនមែនជារឿងថ្មីនោះទេ វាជាទម្រង់នៃការប្រមូលទិន្នន័យផ្ទាល់ខ្លួនរបស់អ្នកប្រើប្រាស់។ កម្មវិធីបច្ចេកវិទ្យា AI នឹងបង្កើតកម្មវិធីកែរូបជាមួយការទាក់ទាញដ៏អស្ចារ្យ។ ដំណើរការនេះ នឹងតម្រូវឱ្យអ្នកប្រើប្រាស់បង្ហោះរូបភាព ដែលបានថតទុកក្នុងទូរស័ព្ទបញ្ជូនទៅកាន់ម៉ាស៊ីនមេរបស់អ្នកផ្តល់សេវា ដោយហេតុនេះហើយ ទើបបង្កហានិភ័យនៃការបែកធ្លាយទិន្នន័យ ឬការប្រើប្រាស់សម្រាប់គោលបំណងផ្សេងទៀត។
លោកបានណែនាំថា អ្នកប្រើប្រាស់មិនគួរដាក់រូបភាពសិចស៊ី ឬឯកជនភាពខ្លាំងពេកចូលទៅក្នុងកម្មវិធីនោះទេ ដើម្បីបញ្ចៀសហានិភ័យ។ ថ្មីៗនេះមានការព្រមានជាច្រើនអំពីការបោកប្រាស់តាមប្រព័ន្ធអ៊ីនធឺណិត ដោយប្រើប្រាស់ទិន្នន័យផ្ទាល់ខ្លួន ដែលប្រមូលបាន ដើម្បីកសាងទំនុកចិត្តជាមួយជនរងគ្រោះ។ ក្រៅពីទិន្នន័យដូចជា លេខទូរស័ព្ទ លេខអត្តសញ្ញាណពលរដ្ឋ អាស័យដ្ឋាន អ៊ីម៉ែល និងឈ្មោះពេញ ដូច្នេះអ្នកប្រើប្រាស់ក៏ត្រូវយកចិត្តទុកដាក់លើទិន្នន័យរូបភាពរបស់ខ្លួនផងដែរ៕ (ប្រភពពី VnExpress)
ចែករំលែកព័តមាននេះ