រាជធានីភ្នំពេញ ៖ ប្រធានការិយាល័យបសុព្យាបាលនៃនាយកដ្ឋានបសុព្យាបាលក្រោមការគ្រប់គ្រងរបស់ក្រសួងកសិកម្ម រុក្ខា ប្រមាញ់ និងនេសាទ បានរងការរិះគន់ពីឈ្មួញរកស៊ីទិញសត្វគោ និងកា.ប់គោថា បានចាប់គោរបស់ពួកគេចំនួន១រថយន្ត នៅផ្សារឧត្តុង្គ ខេត្តកំពង់ស្ពឺ ហើយយកទៅលែងចោលនៅដីឡូត៍មួយនៅក្នុងសង្កាត់ភ្នំពេញថ្មី
រាជធានីភ្នំពេញ ៖ ប្រធានការិយាល័យបសុព្យាបាលនៃនាយកដ្ឋានបសុព្យាបាលក្រោមការគ្រប់គ្រងរបស់ក្រសួងកសិកម្ម រុក្ខា ប្រមាញ់ និងនេសាទ បានរងការរិះគន់ពីឈ្មួញរកស៊ីទិញសត្វគោ និងកាប់គោថា បានចាប់គោរបស់ពួកគេចំនួន១រថយន្ត នៅផ្សារឧត្តុង្គ ខេត្តកំពង់ស្ពឺ ហើយយកទៅលែងចោលនៅដីឡូត៍មួយនៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ តែដោយការឃុំគ្រង និងការទទួលខុសត្រូវមិនជិតដល់ បណ្តាលឱ្យបាត់គោ២ក្បាល លុះពេលឈ្មួញសួរមន្ត្រីអ្នកចាប់បែរជានិយាយថា «បាត់គោបាត់ទៅ មិនទទួលខុសត្រូវទេ»។
ឈ្មួញគោដែលសុំលាក់ឈ្មោះឱ្យដឹងថា សត្វគោចំនួន៤៣ក្បាល គាត់បានទិញពីខេត្តបាត់ដំបង ដឹកតាមរថយន្តហ៊ីយ៉ាន់ដាយ លុះដល់ចំណុចមុខផ្សារឧត្តុង្គត្រូវកម្លាំងបសុព្យាបាលដែលគេដឹងថា ដឹកនាំដោយប្រធានការិយាល័យបសុព្យាបាលនៃនាយកដ្ឋានបសុព្យាបាលចាប់ដោយចោទថា ដឹកគោលើសចំនួន និងហួសកំណត់ថ្ងៃនៃច្បាប់ដឹកជញ្ជូនសត្វ។ ទោះជាពួកគាត់បង្ហាញច្បាប់ និងបានបង់ពន្ធដោយមានលិខិតស្នាមពីខេត្តបាត់ដំបងយ៉ាងណាក៏ដោយ ក៏កម្លាំងបសុព្យាបាលនៅតែចាប់ទាំងរថយន្ត ទាំងគោ យកទៅទម្លាក់គោចោលនៅដីឡូត៍មួយនាវេលាម៉ោង៣រំលងអធ្រាត្រថ្ងៃទី១៣ ឧសភា ឆ្នាំ២០១១ រួចពួកគេបានបើកយករថយន្តដឹកគោទៅទុកនៅនាយកដ្ឋានពសុព្យាបាល។ គេលែងគោចោលពាសវាលពាសកាល ដោយមិនបានឱ្យម្ចាស់គោដេកយាមទេ។
ប្រភពដដែលបន្តទៀតថា មុនពេលដឹកគោចេញពីខេត្តបាត់ដំបងគាត់ត្រូវបង់លុយផ្នែកត្រួតពិនិត្យបសុព្យាបាលខេត្តបាត់ដំបងចំនួន១០ម៉ឺនរៀល និងបានបង់ឱ្យបសុព្យាបាលចំនួន១២ម៉ឺនរៀល ប៉ុន្តែដាក់លើសគេទារបង់១៨ម៉ឺនរៀល។ ចំពោះពន្ធអាករវិញតាមច្បាប់ក្នុងគោ១ក្បាលត្រូវបង់តែ២ពាន់រៀលប៉ុណ្ណោះទូទាំងប្រទេស។ គាត់បញ្ជាក់ថា ក្រុមបសុព្យាបាលបានសរសេរក្នុងវិក្កយបត្រពន្ធក្នុងគោ១ក្បាល២ពាន់រៀល តែបង់ខាងក្រៅវិញ១ក្បាល៣ម៉ឺនរៀលឯណោះ មិនត្រឹមតែប៉ុណ្ណោះទេ ពួកគេទារថ្លៃក្បាលរថយន្ត១០ម៉ឺនរៀលក្នុង១គ្រឿង៕
ចែករំលែកព័តមាននេះ