ព្យុះទីហ្វុងដ៏ខ្លាំងមួយវា.យប្រហារលើកោះតៃវ៉ាន់
កោះតៃវ៉ាន់ ៖ ជាមួយខ្យល់បោកបក់ក្នុងល្បឿនដល់១៤០គីឡូម៉ែត្រក្នុង១ម៉ោង និងពេលខ្លះដល់១៩០
កោះតៃវ៉ាន់ ៖ ជាមួយខ្យល់បោកបក់ក្នុងល្បឿនដល់១៤០គីឡូម៉ែត្រក្នុង១ម៉ោង និងពេលខ្លះដល់១៩០គីឡូម៉ែត្រក្នុង១ម៉ោង កោះតៃវ៉ាន់កាលពីថ្ងៃទី៣កញ្ញា ជួបប្រទះការវាយប្រហារដោយព្យុះទីហ្វុងដ៏ខ្លាំងមួយឈ្មោះ HAIKUI បណ្ដាលឲ្យមានភ្លៀងធ្លាក់ខ្លាំង ទឹកជំនន់និងរលកសមុទ្រធំៗ។ មនុស្សជាង៧០០០នាក់ត្រូវជម្លៀសចេញពីបណ្ដាតំបន់គ្រោះថ្នាក់ខ្លាំង។
ការហោះហើរក្នុងស្រុកនៃយន្តហោះជាង២០០ជើងបានត្រូវលុបចោលកាលពីថ្ងៃទី៣កញ្ញា រួចហាងទំនិញនានាត្រូវបិទទ្វារក្នុងតំបន់ជាច្រើននាភាគខាងកើតនិងភាគខាងត្បូងកោះនោះ។ មនុស្សយ៉ាងតិច៤០នាក់រងរបួសក្នុងនោះ៣នាក់ក្នុងទីក្រុងហ៊ូអាលៀន ដែលនៅទីនោះដើមឈើ១ដើមបានរលំសង្កត់លើរថយន្ត១គ្រឿង។
HAIKUI ជាព្យុះទីហ្វុងដំបូងវាយប្រហារដោយផ្ទាល់លើកោះតៃវ៉ាន់ ចាប់តាំងពី៤ឆ្នាំមកហើយ ដោយវាបោកបក់ដល់ដែនដីនាថ្ងៃទី៣កញ្ញាវេលាម៉ោង១៥និង៤០នាទីម៉ោងក្នុងស្រុក នៅតៃទុងជាតំបន់ភ្នំមួយមានប្រជាជនតិចនាភាគខាងត្បូងកោះតៃវ៉ាន់។ បន្ទាប់មកព្យុះបានបោកបក់ជាមួយខ្យល់យ៉ាងខ្លាំង បណ្ដាលឲ្យដើឈើទាំងឡាយដួលរលំ និងសូម្បីស៊ីទែនស្តុកទឹកក៏ត្រូវខ្យល់បោកប៉ើងធ្លាក់ចុះពីទម្រដែរ។
បង្គោលភ្លើងទាំងឡាយត្រូវរលំ បណ្ដាលឲ្យដាច់ភ្លើងប៉ះពាល់ដល់មនុស្សជាង១២០.០០០គ្រួសារ។ នាវេលាម៉ោង២១ម៉ោងក្នុងស្រុកព្យុះនោះបានចុះថមថយកម្លាំង ជាមួយខ្យល់បោកបក់ ក្នុងល្បឿន១២៦គីឡូម៉ែត្រក្នុង១ម៉ោង។ ព្យុះនោះបណ្ដាលឲ្យមានភ្លៀងធ្លាក់ខ្លាំង ក្នុងបណ្ដាតំបន់ភ្នំ៕
ចែករំលែកព័តមាននេះ