រដ្ឋមន្ត្រីការពារជាតិ១រូប ត្រូវប្រធានាធិបតីអ៊ុយក្រែនដកតំណែង
សង្គ្រាមអ៊ុយក្រែន ៖ ប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គី ក្នុងសង្កថាប្រចាំថ្ងៃថ្លែង
សង្គ្រាមអ៊ុយក្រែន ៖ ប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គី ក្នុងសង្កថាប្រចាំថ្ងៃថ្លែងកាលពីថ្ងៃទី៣កញ្ញាថា ខ្ញុំបានសម្រេចដូររដ្ឋមន្ត្រីការពារជាតិ ដោយដកលោកអូឡិចស៊ីអ៊ីរេស្នីកូវ ដែលឆ្លងកាត់សង្គ្រាមជាមួយរុស្ស៊ីអស់ពេលជាង៥៥០ថ្ងៃចេញ។
ការផ្លាស់ប្ដូររដ្ឋមន្ត្រីការពារជាតិអ៊ុយក្រែននេះ កើតមានក្នុងពេលកំពុងមានការវាយបក របស់អ៊ុយក្រែនលើកងទ័ពរុស្ស៊ីប៉ុនប៉ងដណ្ដើមយក បណ្ដាដែនដីដែលបាត់បង់មកវិញនិងក្នុងពេលដែលលោកហ្សេឡេនស្គី សន្យាពង្រឹងការតស៊ូប្រឆាំងអំពើពុករលួយ។ នោះជាចម្លើយតបជាពិសេសចំពោះបណ្ដាលក្ខខណ្ឌដែលដាក់ ដោយសហភាពអឺរ៉ុប សម្រាប់ឲ្យអ៊ុយក្រែនទទួលបានលក្ខន្តិកៈបេក្ខជនចូលជាសមាជិកសហភាពអឺរ៉ុប។
មានពាក្យចចាមអារ៉ាមពីអំពើពុករលួយជាច្រើនលេចចេញក្នុងប្រទេស។ រឿងអាស្រូវពុករលួយមួយ ទាក់ទិនក្រសួងការពារប្រទេសដែលតាមបណ្ដាសារព័ត៌មានអ៊ុយក្រែនថា ក្រសួងនោះ បានចុះហត្ថលេខាកាលពីរដូវស្លឹកឈើជ្រុះឆ្នាំ២០២២ លើកុងត្រាមួយជាមួយសហគ្រាសតួកគី ទាក់ទិនការផ្គត់ផ្កង់ឯកសណ្ឋានយោធាសម្រាប់រដូវរងា ដែលក្រោយការចុះហត្ថលេខាលើកុងត្រានេះ តមៃ្លមានខ្ពស់ដល់៣ដង។ នេះជារឿងអាស្រូវពុករលួយទី២ ទាក់ទិននឹងការផ្គត់ផ្គង់កងទ័ព ដែលនាំឲ្យរង្កើរក្នុងក្រសួងការពារជាតិអ៊ុយក្រែន តាំងពីចាប់ផ្ដើមការលុកលុយរបស់រុស្ស៊ីពីថ្ងៃទី២៤កុម្ភៈឆ្នាំ២០២២មក៕
ចែករំលែកព័តមាននេះ