សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងភរិយារបស់លោកបានចាកចេញពីកម្ពុជាទៅចូលរួមកិច្ចប្រជុំកំពូលអាស៊ាន ដែលគ្រោងនឹងរៀបចំពីថ្ងៃទី៤ ដល់៧ ខែកញ្ញា ឆ្នាំ២០២៣នេះ ។…
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងភរិយារបស់លោកបានចាកចេញពីកម្ពុជាទៅចូលរួមកិច្ចប្រជុំកំពូលអាស៊ាន ដែលគ្រោងនឹងរៀបចំពីថ្ងៃទី៤ ដល់៧ ខែកញ្ញា ឆ្នាំ២០២៣នេះ ។
នេះ គឺជាលើកដំបូងនៃការធ្វើដំណើរទៅក្រៅប្រទេសរបស់លោកក្នុងការងារជាមេដឹកនាំរដ្ឋាភិបាលដែលក្មេងជាងគេក្នុងសមាគមអាស៊ាន ។
លោកបណ្ឌិតនឹងស្ថិតនៅក្រោមការតាមដានយ៉ាងយកចិត្តទុកដាក់ចំពោះវត្តមានរបស់លោកនៅប្រទេសអាស៊ាន ។ វានឹងក្លាយជាបេសកកម្មការទូតមួយសម្រាប់លោកក្នុងការពង្រឹងទំនាក់ទំនងជាមួយមេដឹកនាំអាស៊ាន និងមេដឹកនាំនៃប្រទេសជាច្រើនទៀតដែលនឹងចូលរួមកិច្ចប្រជុំកំពូលនៅទីក្រុងហ្សាការតាប្រទេសឥណ្ឌូនេស៊ី ។
លោក ហ្សង់-ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិបានឲ្យដឹងថា ជំនួបកំពូលអាស៊ានជាបន្តុំ ព្រឹត្តិការណ៍ដ៏សំខាន់មួយ ហើយការបង្ហាញខ្លួនរបស់សម្តេចមហាបវរធិបតី ហ៊ុន ម៉ាណែត នៅសប្តាហ៍ក្រោយនេះជាឱកាសមួយពោរពេញទៅដោយនិម្មិតរូបនយោបាយរបស់កម្ពុជា និងតំបន់ ។
នៅក្នុងសំណេរដែលបានផ្សព្វផ្សាយអ្នកជំនាញខាងភូមិសាស្ត្រនយោបាយ និងកិច្ចការ អន្តរជាតិរូបនេះបានបង្ហើបថា សម្តេចមហាបវរធិបតី ហ៊ុន ម៉ាណែត នឹងជួបមិនត្រឹមតែ ជាមួយនឹងប្រមុខរដ្ឋ ឬប្រមុខរដ្ឋាភិបាលអាស៊ានជាសមភាគីប៉ុណ្ណោះទេក៏នឹងជួបជាផ្លូវការ ឬក្រៅផ្លូវការជាមួយនឹងមេដឹកនាំផ្សេងៗក្រៅតំបន់រួមមាន ចិន, ជប៉ុន, កូរ៉េខាងត្បូង, ឥណ្ឌា, អាមេរិក, រុស្ស៊ី, អូស្ត្រាលី, និងនូវែលសេឡង់ជាដើម ។ ដូច្នេះ វត្តមានរបស់លោកនៅប្រទេសឥណ្ឌូនេស៊ីសម្រាប់លោកនាយករដ្ឋមន្ត្រីដែល វ័យក្មេងជាងគេដែលចូលរូមជំនួបកំពូលអាស៊ាន ៕ ដោយ សារ៉ាន់
ចែករំលែកព័តមាននេះ