រាជធានីភ្នំពេញ ៖ កម្មការិនីរោងចក្រកាត់ដេរម្នាក់ដែលឈ្លោះប្រកែកជាមួយប្អូនស្រីបែរជាគិតខ្លីផឹកថ្នាំសម្លា.ប់សត្វល្អិតអស់កន្លះថង់ប៉ុនប៉ងសម្លា.ប់ខ្លួន តែត្រូវឪពុកយកទៅសង្គ្រោះនៅមន្ទីរពេទ្យមិត្តភាពខ្មែរ-សូវៀតបានទាន់ពេល។ ហេតុការណ៍នោះកើតឡើងកាលពីវេលាម៉ោង៧ និង១០នាទីយប់ ថ្ងៃទី១២ ឧសភាស្ថិតក្នុងភូមិលេខ១
រាជធានីភ្នំពេញ ៖ កម្មការិនីរោងចក្រកាត់ដេរម្នាក់ដែលឈ្លោះប្រកែកជាមួយប្អូនស្រីបែរជាគិតខ្លីផឹកថ្នាំសម្លាប់សត្វល្អិតអស់កន្លះថង់ប៉ុនប៉ងសម្លាប់ខ្លួន តែត្រូវឪពុកយកទៅសង្គ្រោះនៅមន្ទីរពេទ្យមិត្តភាពខ្មែរ-សូវៀតបានទាន់ពេល។ ហេតុការណ៍នោះកើតឡើងកាលពីវេលាម៉ោង៧ និង១០នាទីយប់ ថ្ងៃទី១២ ឧសភាស្ថិតក្នុងភូមិលេខ១ ឃុំត្រើយស្លា ស្រុកស្អាង ខេត្តកណ្តាល។
តាមលោក ជ្រឹង ពៅ អាយុ៤៩ឆ្នាំ ប្រកបរបរទិញអេតចាយជាឪពុកឱ្យដឹងថា កូនស្រីគាត់ដែលប៉ុនប៉ងសម្លាប់ខ្លួននេះឈ្មោះពៅ ឡាវី អាយុ២៤ឆ្នាំ ធ្វើការនៅរោងចក្រកាត់ដេរព្រែកហង្ស។ មុនពេលកើតហេតុគាត់ឮនាង ឈ្លោះប្រកែកជាមួយប្អូនស្រីឈ្មោះពៅ សាម៉ៃ អាយុ១៩ឆ្នាំ ប៉ុន្តែគាត់មិននឹកស្មានថា នាងខឹងខ្លាំងរហូតប៉ងសម្លាប់ខ្លួនទេ។
ប្រភពដដែលបន្តថា បន្ទាប់ពីឈ្លោះប្រកែកគ្នារួចមកស្រាប់តនាង ពៅ ឡាវី បានចូលក្នុងបន្ទប់ ហើយទាញទ្វារបិទ។ មួយសន្ទុះក្រោយមកឮសូរនាងស្រែក គាត់ក៏ទៅបើកទ្វារមើល ហើយឃើញនាងដេក ព្រមទាំងចង្អុលទៅថង់ដាក់ថ្នាំសម្លាប់សត្វល្អិតដែលនៅលើតុទើបដឹងថា នាងផឹកថ្នាំប៉ងសម្លាប់ខ្លួន។ គាត់ប្រញាប់បញ្ជូនកូនទៅសង្គ្រោះនៅមន្ទីរពេទ្យមិត្តភាពខ្មែរ-សូវៀតទាំងយប់។
គ្រូពេទ្យឱ្យដឹងថា ស្ថានភាពរបស់នារីនោះធ្ងន់ធ្ងរ ដោយសារផ្លូវឆ្ងាយទម្រាំបញ្ជូនមកដល់មន្ទីរពេទ្យជាតិថ្នាំបានជ្រាបចូលក្នុងខ្លួន ។ ទោះជាយ៉ាងណាក្តីដោយគ្រូពេទ្យខិតខំជួយសង្គ្រោះរហូតមកដល់ម៉ោង២រសៀលថ្ងៃទី១៣ ឧសភា នាងបានដឹងខ្លួនហើយ តែមិនទាន់អាចនិយាយកើតទេ ៕
ចែករំលែកព័តមាននេះ