ចុះចតភពព្រះចន្ទដោយជោគជ័យ ពេលនេះឥណ្ឌាបញ្ជូនយានមួយទៅកាន់ភពព្រះអាទិត្យ
ប្រទេសឥណ្ឌា ៖ បន្ទាប់ពីបញ្ជូនយាន មួយទៅចុះចតលើភពព្រះចន្ទដោយជោគជ័យ ឥណ្ឌាបានបាញ់
ប្រទេសឥណ្ឌា ៖ បន្ទាប់ពីបញ្ជូនយាន មួយទៅចុះចតលើភពព្រះចន្ទដោយជោគជ័យ ឥណ្ឌាបានបាញ់បង្ហោះយានមួយទៀតទៅសិក្សាភពព្រះអាទិត្យ។
យានមានឈ្មោះថាADITYA -L1 ជាឈ្មោះរបស់អាទិទេពហិណ្ឌូមួយអង្គតំណាងឲ្យព្រះអាទិត្យ ត្រូវបានបាញ់បង្ហោះចេញពីស្រីុហារីកូតា ជាកោះមួយស្ថិតក្នុងដែនទឹកឈូងសមុទ្របឹងហ្គាល់ កាលពីថ្ងៃទី២កញ្ញាវេលាម៉ោង១១និង៥០នាទីម៉ោងក្នុងស្រុក។ យាននោះហោះហើរសំដៅទីកាន់ចំណុច LAGRANGE 1 ចម្ងាយប្រមាណជា១,៥លានគីឡូម៉ែត្រពីផែនដី។ ត្រង់ចំណុចនោះអាចឲ្យយានADITYA -L1ស្ថិតក្នុងតារាវិថីដែលអាចពិនិត្យបណ្ដាសកម្មភាពរបស់ព្រះអាទិត្យនិងឥទ្ធិពលរបស់ព្រះអាទិត្យ មកលើឧតុនិយមអវកាស ក្នុងពេលជាក់ស្ដែង ដោយចំណាយប្រេងឥន្ធនៈតិច។
យាននោះបំពាក់ដោយឧបករណ៍វិទ្យាសាស្ត្រ៧ ក្នុងនោះឧបករណ៍៤នឹងត្រូវតម្រង់ទៅព្រះអាទិត្យដោយផ្ទាល់ ចំណែកឧបករណ៍ដទៃៗទៀតនឹងសិក្សាលើលំអងធូលីខ្យល់ព្រះអាទិត្យនិងដែនម៉ាញ៉េទិក។
ទិសដៅសំខាន់នៃបេសកកម្មរបស់យាននេះ រួមមានការសិក្សាបរិកាសខ្ពស់នៃព្រះអាទិត្យ និងបាតុភូតព្រះអាទិត្យផ្សេងៗ។ បណ្ដាព័ត៌មានដែលប្រមូលបានដោយយាននេះ នឹងអាចឲ្យគេស្វែងយល់ឧតុនិយមអវកាស ពិសេសរលកម៉ាញ៉េទិកដែលឆ្លងកាត់ប្រព័ន្ធព្រះអាទិត្យ៕
ចែករំលែកព័តមាននេះ