ខេត្តកំពង់ធំ ៖ យ៉ាងហោចណាស់មានភ្ញៀវទេសចរក្នុងស្រុកចំនួន១៣នាក់ បានរងរបួសធ្ងន់ និងស្រាល ដោយសារតែរថយន្តប្រភេទទេសចរណ៍៣២កៅអីមួយគ្រឿងក្រឡាប់ធ្លាក់ថ្នល់ កាលពីវេលាម៉ោង៨ព្រឹក ថ្ងៃទី១៣ ឧសភា នៅចន្លោះគីឡូម៉ែត្រលេខ២២៨ និងលេខ២២៩ ក្នុងភូមិក្រែក ឃុំប្រឡាយ ស្រុកស្ទោង
ខេត្តកំពង់ធំ ៖ យ៉ាងហោចណាស់មានភ្ញៀវទេសចរក្នុងស្រុកចំនួន១៣នាក់ បានរងរបួសធ្ងន់ និងស្រាល ដោយសារតែរថយន្តប្រភេទទេសចរណ៍៣២កៅអីមួយគ្រឿងក្រឡាប់ធ្លាក់ថ្នល់ កាលពីវេលាម៉ោង៨ព្រឹក ថ្ងៃទី១៣ ឧសភា នៅចន្លោះគីឡូម៉ែត្រលេខ២២៨ និងលេខ២២៩ ក្នុងភូមិក្រែក ឃុំប្រឡាយ ស្រុកស្ទោង ។
មន្ត្រីនគរបាលចរាចរជើងគោកនៃស្នងការដ្ឋានខេត្តនិយាយថា រថយន្តប្រភេទទេសចរណ៍៣២កៅអីដឹកអ្នកដំណើរមួយគ្រឿងពាក់ស្លាកលេខ 3A-5199 ដែលធ្វើដំណើរពីខេត្តសៀមរាប ទៅភ្នំពេញបានក្រឡាប់ ដោយខ្លួនឯង និងបណ្ដាលឲ្យអ្នកជិះចំនួន១៣នាក់ រងរបួស ក្នុងនោះធ្ងន់៣នាក់ (ស្រី ២នាក់)។ បើតាមសាក្សីដែលរួមដំណើរក្នុងរថយន្តនិយាយប្រាប់សមត្ថកិច្ចថា ពួកគាត់ធ្វើដំណើចេញពីខេត្តសៀមរាប ទៅភ្នំពេញ លុះមកដល់ចំណុចខាងលើអ្នកបើកបរបានយកទូរស័ព្ទមកនិយាយ ឯដៃម្ខាងទៀតលូកក្នុងហោប៉ៅយកលុយដែលជាហេតុធ្វើឲ្យរថយន្តក្រឡាប់។ បន្ទាប់មកអ្នកបើកបរក៏រត់គេចខ្លួនបាត់ ។ ក្រោយកើតហេតុ អ្នករងរបួសស្រាលៗត្រូវបានបញ្ជូនទៅខេត្តសៀមរាបវិញ នៅសល់តែអ្នករបួសធ្ងន់ប៉ុណ្ណោះ ដែលកំពុងព្យាបាលនៅក្នុងមន្ទីរពេទ្យស្រុកស្ទោង ៕
ចែករំលែកព័តមាននេះ