រាជធានីភ្នំពេញ ៖ ក្រុមមនុស្សដែលស្រឡាញ់ភេទដូចគ្នាប្រមាណជិត២០០នាក់ បាននាំគ្នាទៅវត្តសំរោងអណ្តែត កាលពីថ្ងៃទី១៣ ឧសភា ដើម្បីថ្វាយបង្គំព្រះ និងស្តាប់ការផ្តល់ឱវាទអប់រំណែនាំដល់ពួកគេឱ្យស្រឡាញ់ជីវិត ។ ការជួបជុំគ្នាច្រើនបែបនេះ សុទ្ធតែបានណាត់គ្នាជាមុន ។ ព្រះសង្ឃ បានមានថេរដីកាពីទ្រឹស្តីរបស់ព្រះពុទ្ធសាសនាដែល
រាជធានីភ្នំពេញ ៖ ក្រុមមនុស្សដែលស្រឡាញ់ភេទដូចគ្នាប្រមាណជិត២០០នាក់ បាននាំគ្នាទៅវត្តសំរោងអណ្តែត កាលពីថ្ងៃទី១៣ ឧសភា ដើម្បីថ្វាយបង្គំព្រះ និងស្តាប់ការផ្តល់ឱវាទអប់រំណែនាំដល់ពួកគេឱ្យស្រឡាញ់ជីវិត ។ ការជួបជុំគ្នាច្រើនបែបនេះ សុទ្ធតែបានណាត់គ្នាជាមុន ។ ព្រះសង្ឃ បានមានថេរដីកាពីទ្រឹស្តីរបស់ព្រះពុទ្ធសាសនាដែលទូន្មានអប់រំសត្វលោកឱ្យចេះស្រឡាញ់ជីវិតខ្លួន ជីវិតអ្នកដទៃ រស់នៅសន្សំបុណ្យកុសល ចៀសវាងនូវអំពើបាបដែលជាហេតុធ្វើឱ្យជីវិតសៅហ្មង ។
គោលបំណងដែលក្រុមមនុស្សស្រឡាញ់ភេទដូចគ្នា នាំគ្នាទៅវត្តថ្វាយបង្គំព្រះ និងស្តាប់ថេរដីកាព្រះសង្ឃនាពេលនេះគឺធ្វើឡើងដើម្បីបង្ហាញថា ក្រុមមនុស្សដែលស្រឡាញ់ភេទដូចគ្នា ក៏មានកំណើតជាសត្វលោកដូចមនុស្សទាំងពួងអ៊ីចឹងដែរ គេមានក្តីអៀនខ្មាស មានមនោសញ្ចេតនា និងមានជំនឿសាសនានៅក្នុងខ្លួនដែរ ។ ពួកគេចង់បង្ហាញថា មនុស្សស្រឡាញ់ភេទដូចគ្នា ក៏ចេះទៅវត្តសុំសេចក្តីសុខពីព្រះដែរ ។ អ្វីដែលពួកគេកំពុងប្រឈមមុខនោះ គឺភាពរើសអើងនៅក្នុងសង្គមជាតិ និងសង្គមគ្រួសារដែលចូលចិត្តរារាំងពួកគេមិនឱ្យស្រឡាញ់ភេទដូចគ្នា ។ ប៉ុន្តែទោះបីជាយ៉ាងណាក៏ដោយ ពួកគេកំពុងតែធ្វើការតស៊ូមតិដើម្បីឱ្យសង្គម និងគ្រួសារយល់អំពីតម្លៃធម្មជាតិដែលបង្កើតពួកគេមកឱ្យមានចិត្តស្រឡាញ់ភេទដូចគ្នា។
ពួកគេគិតថា ការស្រឡាញ់ភេទដូចគ្នាវាមិនជាខុសឆ្គងអ្វីទេ អ្វីដែលមនុស្សធ្វើខុសនោះ គឺការធ្វើខុសនឹងច្បាប់រដ្ឋ ហើយការស្រឡាញ់ភេទដូចគ្នាមិនខុសក្នុងផ្លូវច្បាប់ទេ ។ ដូច្នេះសង្គមបើកទូលាយដល់ក្រុមមនុស្សដែលស្រឡាញ់ភេទដូចគ្នា ដើម្បីឱ្យមនុស្សដែលស្រឡាញ់ភេទដូចគ្នាហ៊ានចេញមុខចេញមាត់ ពីព្រោះបច្ចុប្បន្នមានក្រុមមនុស្សខ្លះស្ថិតនៅក្នុងភាពលាក់មុខមិនឱ្យគេដឹងគេស្គាល់នៅឡើយ ដោយសារតែសង្គមនៅមិនទាន់បើកទូលាយមិនទាន់ឱ្យតម្លៃ និងនៅ រើសអើង៕
ចែករំលែកព័តមាននេះ