ឡាន២គ្រឿងបុ.កគ្នា ជ្រុលបុ.កចូលតូបលក់ដូរ ស្លា.ប់ និងរបួសច្រើននាក់
ខេត្តកំពង់ស្ពឺ ៖ មនុស្សម្នាក់បានស្លា.ប់ភ្លាមៗនៅកន្លែងកើតហេតុ ហើយមនុស្សប្រុសស្រីចំនួន៥នាក់
ខេត្តកំពង់ស្ពឺ ៖ មនុស្សម្នាក់បានស្លា.ប់ភ្លាមៗនៅកន្លែងកើតហេតុ ហើយមនុស្សប្រុសស្រីចំនួន៥នាក់ផ្សេងទៀតបានរងរបួសធ្ងន់ស្រាលត្រូវបានដឹកយកទៅសង្គ្រោះព្យាបាលភ្លាមៗ ខណៈដែលរថយន្តចំនួន២គ្រឿងបុ.កគ្នាពេញទំហឹង ជ្រុលបុ.កចូលតូបអ្នកលក់ដូរទៀត។
ហេតុការណ៍ខាងលើនេះបានកើតឡើងកាលពីវេលាម៉ោង៦និង៤០នាទីព្រឹកថ្ងៃទី៣ ខែកញ្ញា ឆ្នាំ២០២៣ នៅលើកំណាត់ផ្លូវជាតិលេខ៤៤ ចន្លោះបង្គោលគីឡូម៉ែត្រលេខ២៣ទៅលេខ២៤ ត្រង់ចំណុចភូមិតាំងស្នោ ឃុំទំព័រមាស ស្រុកសំរោងទង ខេត្តកំពង់ស្ពឺ ។
នគរបាលស្រុកសំរោងទងបាននិយាយឱ្យដឹងថា ភាគីខាងរថយន្ត១គ្រឿងម៉ាកកូរ៉ូឡា ពណ៌ទឹកមាស ពាក់ផ្លាកលេខ កំពង់ចាម 2A-0915 អ្នកបើកបរឈ្មោះ ហ៊ុន វិបុល ភេទប្រុស អាយុ៣៦ឆ្នាំ រស់នៅក្នុង ភូមិតាំងរបង ឃុំហោងសំណំ ស្រុកឱរ៉ាល់ ខេត្តកំពង់ស្ពឺ ដឹកមនុស្សចំនួន៤នាក់ (ស្រីម្នាក់) ក្នុងនោះរួមមាន១-ឈ្មោះគួច ម៉ូលី ភេទប្រុស អាយុ២៨ឆ្នាំ(របួសស្រាល) ២-ឈ្មោះសុខ ស្រីលីន ភេទស្រី អាយុ២៤ឆ្នាំ(របួសស្រាល) អ្នកទាំងពីរនៅភូមិនរា ឃុំនរា ស្រុកសង្កែ ខេត្តបាត់ដំបង ៣-ឈ្មោះហ៊ុន ប៊ុនណម ភេទប្រុស អាយុ៤២ឆ្នាំ(របួសស្រាល) នៅភូមិព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប និង៤-ឈ្មោះឡាង សុខហុង ភេទប្រុស អាយុ២៩ឆ្នាំ (របួសស្រាល) នៅភូមិកោះកាពិ ឃុំកោះកាពិ ស្រុកកោះកុង ខេត្តកំកោះកុង ។ ភាគីខាងរថយន្ត១គ្រឿងទៀតម៉ាក TRACTOR HEAD ពណ៌ស ពាក់ផ្លាកលេខភ្នំពេញ 3F-0318 សណ្តោងស៊ីទែនពាក់ស្លាកលេខ ភ្នំពេញ 4A-7518 អ្នកបើកបរមិនស្គាល់អត្តសញ្ញាណ និងអាសយដ្ឋាននោះទេ (បានរត់គេចខ្លួនបាត់) ។
នគរបាលស្រុកសំរោងទងបាននិយាយឱ្យដឹងថា នៅមុនពេលកើតហេតុ មានរថយន្ត០១គ្រឿងម៉ាកកូរ៉ូឡា ពណ៌ទឹកមាស បានបើកបរតាមបណ្តោយផ្លូវជាតិលេខ៤៤ ក្នុងទិសដៅ ពីទិសខាងលិចទៅទិសខាងកើត លុះពេលបើកបរមកដល់ចំណុចកើតហេតុខាងលើបានបុ.កជាមួយរថយន្ត១គ្រឿងម៉ាក TRACTOR HEAD ពណ៌ស ដែលកំពុងបើកបរបញ្ច្រាសទិសគ្នាចំពីមុខយ៉ាងពេញទំហឹង ។ បន្ទាប់មករថយន្តម៉ាក TRACTOR HEAD បានជ្រុលទៅបុ.កចូលតូបលក់ដូរចំនួន០៣តូបបន្ថែមទៀត បណ្តលឱ្យមនុស្សម្នាក់ រងរបួសម៉ូតូ០១គ្រឿងនិងគោយន្ត១គ្រឿងទៀតរងការខូចខាត។
នគរបាលបានបញ្ជាក់ថា តូបទី១-ម្ចាស់ឈ្មោះ កាន ស្រីល័ក្ខ ភេទស្រី អាយុ២៦ឆ្នាំ រស់នៅភូមិកើតហេតុខាងលើ និងតូបទី២-ម្ចាស់ឈ្មោះ ខុន សុវណ្ណ ភេទប្រុស អាយុ៥៣ឆ្នាំ រស់នៅភូមិកើតហេតុខាងលើ។ អ្នករងរបួសមានឈ្មោះ ខុន គីមហុង ភេទប្រុស អាយុ០៤ឆ្នាំ(រងរបួសស្រាល) រស់នៅភូមិកើតហេតុខាងលើ។
ម៉ូតូរងការខូចខាតម៉ាកហុងដាសេ១២៥ ពណ៌ខ្មៅ គ្មានផ្លាកលេខ និងគោយន្តម៉ាកគូបូតា ពណ៌ក្រហម សណ្តោងរ៉ឺម៉ក (ជារបស់ឈ្មោះ ខុន សុវណ្ណ)។
នគរបាលជំនាញបានបញ្ជាក់បន្ថែមថា ករណីគ្រោះថ្នាក់ចរាចរណ៍ខាងលើនេះបណ្តាលឱ្យគ្រោះថ្នាក់
ស្លា.ប់មនុស្សម្នាក់ និងរងរបួសសរុប៥នាក់ (ស្រីម្នាក់) ។ ក្នុងនោះស.ពជនរងគ្រោះម្នាក់ ត្រូវនគរបាលជំនាញបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
ចំពោះវត្ថុតាងរថយន្តទាំង២គ្រឿង ត្រូវបាននគរបាលជំនាញយកទៅរក្សាទុកនៅស្នងការដ្ឋាននគរបាលខេត្តកំពង់ស្ពឺ ដើម្បីកសាងសំណុំរឿងចាត់ការបន្តតាមផ្លូវច្បាប់ ៕
ចែករំលែកព័តមាននេះ