ខេត្តកែប ៖ អគ្គិភ័យបានឆាបឆេះផ្ទះលក់ចាប់ហួយមួយកន្លែង ស្ថិតនៅខាងលិចផ្សារពងទឹក ដែលគិតទឹកប្រាក់អស់ជាច្រើនសន្ធឹក ដែលហេតុការណ៍រន្ធត់នេះ កើតឡើងកាលពីវេលាម៉ោង២យប់ឈានចូលថ្ងៃទី១ កញ្ញា ២០២៣ នេះ…
ខេត្តកែប ៖ អគ្គិភ័យបានឆាបឆេះផ្ទះលក់ចាប់ហួយមួយកន្លែង ស្ថិតនៅខាងលិចផ្សារពងទឹក ដែលគិតទឹកប្រាក់អស់ជាច្រើនសន្ធឹក ដែលហេតុការណ៍រន្ធត់នេះ កើតឡើងកាលពីវេលាម៉ោង២យប់ឈានចូលថ្ងៃទី១ កញ្ញា ២០២៣ នេះ ក្នុងភូមិអូដូងឃុំពងទឹក ស្រុកដំណាក់ចង្អើរ ខេត្តកែប ។
បើតាមសាច់ញាតិម្ចាស់ផ្ទះបានឱ្យដឹងថា ភ្លើងបានចាប់ផ្ដើមឆេះមុនគេ គឺផ្ទះឈ្មោះលឹម លីហាង ជាផ្ទះវេរលុយវីង និងលក់គ្រឿងអីវ៉ាន់ចាប់ហួយ ក៏បន្តឆេះរាលទៅផ្ទះទីពីរនៅជាប់គ្នា មានម្ចាស់ផ្ទះឈ្មោះពូសាងមុខ មុខរបរជាជាងម៉ូតូនឹងលក់ឥវ៉ានចាប់ហួយគ្រប់ប្រភេទ ។
ពាក់ព័ន្ធការឆេះខាងលើ ត្រូវបានសមត្ថកិច្ចផ្នែកសង្គ្រោះក្នុងខេត្តកែប មកជួយអន្តរាគមន៍ទាំងយប់ ដោយប្រើប្រាស់ឡានទឹកអស់៥ទៅ៦គ្រឿងមកជួយបាញ់ពន្លត់ភ្លើងតាំងពីម៉ោង២ជាងយប់ រហូតដល់ម៉ោង៧ព្រឹកថ្ងៃដដែល ទើបភ្លើងបានរលត់អស់៩០%វិញ ។
ប្រភពពីសមត្ថកិច្ចបានឱ្យដឹងដែរថា ញាតិជិតខាងបានខលទូរស័ព្ទហៅប៉ូលិសទាំងយប់ ពេលភ្លើងផ្ទះមុនដំបូង តែប៉ូលិសបានខលទៅម្ចាស់ផ្ទះជាច្រើនដង តែគ្មានអ្នកលើកទេ គួរឱ្យសោកស្ដាយខ្លាំងណាស់ ។ ផ្ទះដែលភ្លើងឆេះខាងលើ គឺធ្វើពីឈើប្រក់ស័ង្កសីទាំងពីរផ្ទះ ។ ចំណែកប្រវែងផ្ទះដែលឆេះសមត្ថកិច្ចមិនទាន់ដឹងច្បាស់ទេ តែផ្ទះឈ្មោះលឹម លី អីវ៉ាន់គឺត្រូវភ្លើងឆេះអស់ទាំងអស់ ។
ដោយឡែក ផ្ទះឈ្មោះពូ សាង ត្រូវភ្លើងឆេះឥវ៉ាន់គ្រប់ប្រភេទដូចគ្នា តែក៏ចាត់ទុកជាសំណាងផងដែរ ដែលករណីភ្លើងឆេះផ្ទះទាំងពីរ គឺអត់មានមនុស្សណាត្រូវរងគ្រោះបាត់បង់ជីវិតទេ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ