បើទោះបីជារដូវនេះ ជារដូវហាមឃាត់នេសាទយ៉ាងណាក្តី ក៏បទល្មើសនេសាទនៅតែកើតឡើងយ៉ាងអានាធិបតេយ្យ តាមដងទន្លេ ស្ថិតក្នុងភូមិសាស្ត្រខេត្តកំពង់ឆ្នាំង។ ជាក់ស្ដែងថ្ងៃទី៣០ ខែសីហា ឆ្នាំ២០២៣នេះ សមត្ថកិច្ចខណ្ឌរដ្ឋបាលជលផល
ខេត្តកំពង់ឆ្នាំង ៖ បើទោះបីជារដូវនេះ ជារដូវហាមឃាត់នេសាទយ៉ាងណាក្តី ក៏បទល្មើសនេសាទនៅតែកើតឡើងយ៉ាងអានាធិបតេយ្យ តាមដងទន្លេ ស្ថិតក្នុងភូមិសាស្ត្រខេត្តកំពង់ឆ្នាំង។ ជាក់ស្ដែងថ្ងៃទី៣០ ខែសីហា ឆ្នាំ២០២៣នេះ សមត្ថកិច្ចខណ្ឌរដ្ឋបាលជលផល សហការជាមួយផ្នែក និងសង្កាត់រដ្ឋបាលជលផល សហគមន៍ រួមទាំងអាជ្ញាធរដែនដី បានចុះបង្ក្រាបបទល្មើសនេសាទ ក្នុងភូមិសាស្ត្រឃុំពោធិ៍ ស្រុកកំពង់លែង និងឃុំពាមឆ្កោក ស្រុកជលគិរី។
លោក លី ឡា នាយ ខណ្ឌរដ្ឋបាលជលផល នៃមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង បានប្រាប់ឲ្យដឹងថា កិច្ចប្រតិបត្តិការចុះបង្ក្រាបបទល្មើដាក់របាំងស្បៃមុងទាំង២ស្រុកនាថ្ងៃនេះ មាននៅក្នុងភូមិសាស្ត្រ ឃុំពោធិ៍ ស្រុកកំពង់លែង ចំណុចទំនប់ប្រយ៉ាប ចំណែកនៅឃុំពាមឆ្កោក នៅចំណុច ភូមិក្បាលកន្លង់ ក្រោយភូមិអន្លង់មេត្រី ។
ជាលទ្ធផល ក្នុងការបង្ក្រាបខាងលើនេះ គឺបង្ក្រាបបានរបាំងស្បៃមុង ចំនួន៣៥កន្លែង មានប្រលែង ១០៥០ម៉ែត្រ, លបលូ ស្បៃមុង ចំនួន៣៥មាត់, បង្គោល ៤៥០ដើម និងចាក់លែងកូនត្រីតូចៗចម្រុះចំនួន៣០០គីឡូក្រាម ចូលទៅក្នុងបឹងធម្មជាតិវិញ។
នាយខណ្ឌរដ្ឋបាលជលផលខេត្តកំពង់ឆ្នាំង ក៏បាទបញ្ជាក់ដែរថា ចាប់តាំងពីរដូវធ្លាក់ភ្លៀងខ្លាំង បើទោះក្នុងរដូវបិទនេសាទយ៉ាងណាក្តី ក៏បទល្មើសនេសាទនៅតែលួ.ចកើតមានឡើងដដែល ហើយបើទោះបីមន្ត្រីជំនាញបានព្យាយាមប្រជុំអប់រំផ្សព្វផ្សាយ ស្ដីពីច្បាប់ជលផលយ៉ាងណាក្តី ក៏នៅតែមានជនខិលខូចលួ.ចបន្លំដាក់របាំងស្បៃមុងដែលជាបទល្មើស ក្នុងច្បាប់ស្ដីពីជលផលហាមឃាត់ជាដាច់ខាតយ៉ាងណាក្តី ព្រោះតែបទល្មើសនេះ បានបំផ្លាញកូនមច្ឆាជាតិយ៉ាងធ្ងន់ធ្ងរ៕
ចែករំលែកព័តមាននេះ