​ខេត្តកំពង់ឆ្នាំង៖ គ្រឿងញៀន និងសារធាតុញៀន សរុបប្រមាណជាង ៤.៧៨០ (បួនពាន់​ប្រាំពីរយ​បែត​សិប)គីឡូក្រាម ត្រូវបានដុតបំផ្លាញ។ គ្រឿងញៀន និងសារធាតុញៀនទាំងនេះ ត្រូវបាន​រឹបអូស តាមអំណាចសាលក្រមស្ថាពរ លើសំណុំរឿងគ្រឿងញៀន ស្ថិតក្រោមសមត្ថកិច្ចនៃ​សាលាដំបូង និងអយ្យការអមសាលាដំបូងខេត្តកំពង់ឆ្នាំង ចំនួន ៨៧សំណុំរឿង។

ពិធីដុតបំផ្លាញគ្រឿងញៀនទាំងនេះ ត្រូវបានធ្វើឡើង កាលពីព្រឹក​ថ្ងៃទី២៩ ខែសីហា ឆ្នាំ២០២៣ ក្នុងពិធី​អបអរសាទរទិវាអន្តរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០២៣ ក្រោមប្រធានបទ “អ្វីៗ ដើម្បីប្រជាជនជាចម្បង បញ្ឈប់ការរើសអើង និងមាក់ងាយអ្នកញៀន​គ្រឿងញៀន ពង្រឹងការអប់រំ”៕